請即Like 又飛啦！Facebook Page
又有飛美國漏洞票，不過今次要小心唔認數風險。是咁的：挪威一航空公司網站Wideroe出現訂票漏洞，好多聯合航空來往美國之航線都漏加燃油附加費，其中以歐洲出發最So，例如阿姆斯特丹來回紐約紐瓦克（EWR）機場連稅只係HK$1,334起，不過唔係今次重點（如果您有朋友住喺歐洲及美國記得Share俾佢）。經我哋仔細搜尋後，發現類似漏洞亦出現於深圳及廣州出發飛紐約／洛杉磯／溫哥華身上，皆因聯合航空同國航有代碼共享協議，所以呢批國航來往美加之機票均受影響，平均慳HK$2,000以上。出發日期為明年2至3月，來回連稅計，深圳出發飛溫哥華US$527.17起（HK$4,111），紐約甘迺迪（JFK）US$672.09起（約HK$5,242），洛杉磯US$640.09（HK$4,992）。如果廣州出發，飛紐約甘迺迪（JFK）及溫哥華同價，飛洛杉磯US574.09起（約HK$4,478），係就平五舊，但香港<->廣州交通費差唔多，所以建議大家深圳出發為佳。所有機票另加US$5手續費。機票有效期長達6個月，可以免費不同城市往返（Open Jaw）。想發掘其他心水美加航點，請上Wideroe網站望望。
點解話有唔認數風險？皆因查勻各大旅遊網站／國航／聯合航空官網都冇呢口價，不過由於已經有朋友成功出票（包括有ticket number + booking number），經仔細考慮，決定同大家分享。
溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付。
（覺得抵請記得按Like同Share俾朋友）
留言