請即Like 又飛啦！Facebook Page
我哋「又飛啦！」經常介紹曼谷超平酒店，今次就介紹一間唔係最平，但一定最抵嘅超五星級新派靚酒店！喺著名旅遊評論網站TripAdvisor.com中榮獲全曼谷酒店網民評分第一嘅Hansar Bangkok，最細個間房都有590呎大，大過唔少香港人屋企，室內設計可以講係超豪宅級數嚟形容，全酒店只有90間房，所以服務可以貼心到連你個名都叫得出，連泰國通胡慧沖都贊不絕口！位處Ratchadamri BTS站旁邊，搭去Siam都係一個站（不過我通常行去算數，20分鐘左右啦），行去四面佛只係一個街口之隔，真正旺中帶靜。依家Agoda做緊半價，每晚大約HK$1,450（未連稅），單講價錢，一定冇依家全城熱捧嘅Anantara Sathorn Service Apartment咁平，但比較同類頂級Service Apartment，性價比絕對贏九十條街。
（記得按下面「讚好」Share俾Facebook朋友）
留言