Expedia推出淡季平酒店大哂冷！合共44個熱門城市嘅362間酒店參與，其中包括：台北、曼谷、首爾、東京、大阪、巴黎、倫敦、拉斯維加斯及墨爾本等，入住日期由依家至6月18日，部份酒店低至4折起，仲可以賺埋「亞洲萬里通」里數。今次介紹7間酒店俾大家參考：
1. 台北：萊恩精品旅館（http://flyagain.la/lx10），每晚HK$352起（未連稅，下同），行5分鐘到捷運府中站，10分鐘行到高鐵板橋站，方便玩台北或南下其他城市，另外，酒店已包早餐，夜晚仲可以試下當地人先去嘅湳雅夜市，呢口價平住都唔錯；
2. 東京：格拉菲尼澤酒店（http://flyagain.la/xixu），每晚HK$449起，行5分鐘就到地鐵根津站，酒店背靠上野公園，環境絕對舒服，而酒店亦有提供共用廚房同免費洗衣機，門外就有超市買零食買手信，絕對適合背包客同筆值唔多嘅您；
3. 大阪：難波華盛頓廣場酒店（http://flyagain.la/fnbz），每晚HK$489起，呢間酒店出哂名方便，行1分鐘就到黑門市場、行2分鐘就到近鐵日本橋站、行4分鐘就到JR難波車站、就算行去心齋橋同道頓堀都係10分鐘內，慳番啲車馬費都唔錯；
4. 曼谷：阿諾瑪酒店（http://flyagain.la/xk7t），每晚HK$514起，呢口價贏在位置，2分鐘行到Big C，Central World、四面佛同水門雞飯都係5分鐘，行去坐BTS Chid Lom站都係8分鐘，當然唔少得沿途嘅小販擺檔啦，快閃遊曼谷Shopping一定啱用；
5. 首爾：南大門中央華美達酒店及套房（http://flyagain.la/eioz），每晚HK$792起，酒店由國際品牌華美達營運，有一定信心保證，而酒店地點亦係超級方便，行去明洞5分鐘、南大門8分鐘，Shopping啱住。如果想玩埋韓國其他地方，就要去酒店對面嘅首爾車站或行3分鐘去市政廳地鐵站；
6. 巴黎：弗雷德酒店（http://flyagain.la/z1y9），每晚HK$1,143起，屬於精品酒店嘅規格，由13號線Plaisance行4分鐘到酒店，酒店沿路有好多設計特色嘅Coffee Shop，時間許可嘅話，可以停一停享受法國嘅地道風情，另外，逢週六及日會有地道跳蚤市場，不妨行吓睇睇買返啲心頭好；
7. 倫敦：海德公園華美達酒店（http://flyagain.la/ze5r），每晚HK$1,580起，酒店對面就係海德公園，由希斯路機場坐Heathrow Express可直達帕丁頓車站，行8分鐘就到酒店，而去Queensway地鐵站都係2分鐘路程，市內觀光或往返英國各地都係方便之選。
其他平房可以上番Expedia搵，最後訂房日期為5月5日。
提提您：想賺「亞洲萬里通」里數，要經以下Expedia指定網址訂房（要留意右上角有「亞洲萬里通」標誌，平時就咁入www.expedia.com.hk係冇里數賺嘅），填寫旅客資料時記得輸入有效嘅「亞洲萬里通」會員號碼，完成入住後4至8週內，里數會自動存入您AsiaMiles帳戶內，每消費HK$10即可獲2里程（不足HK$10不作計算，只計淨房價，稅款不可賺取里數），每次預訂不設最低消費額，多訂多賺。
1. 登記入住人士先可獲得里數，例如朋友A比錢，朋友B入住，咁就要填朋友B Asia Miles 帳戶號碼啦！
2. 記住入住人姓名一定要同Asia Miles帳戶姓名一樣，如果不同（例如Chan Tai Man vs Peter Chan），您就唔會獲得有關里數。
（覺得抵可用Whatsapp同LINE Share俾朋友架）
Expedia大哂冷！44個城市酒店4折起，可儲「亞洲萬里通」里數，6月18日前入住
留言