卡塔爾航空做緊限時優惠，我們先後報導過新加坡出發/吉隆坡出發嘅Double Openjaw玩法，今次又搜羅到特別組合：由吉隆坡飛歐洲，回程返香港，再加一趟香港單程飛日本，連稅HK$2,306起（好！平！呀！）。而從歐洲返回香港後，可先中停一段短時間先再飛日本，變相拆開2個旅程。舉例2016年5月2日從吉隆坡飛歐洲、5月13日回香港、5月20日再飛日本（可選名古屋、大阪、東京、沖繩，不過以名古屋較易組合平價），來回連稅組合如下：
1. 吉隆坡->阿姆斯特丹 // 斯德哥爾摩->香港 // 香港->名古屋 HK$2,306起
2. 吉隆坡->倫敦 // 巴黎->香港 // 香港->名古屋 HK$2,849起
3. 吉隆坡->阿姆斯特丹 // 斯德哥爾摩->香港 // 香港->大阪 HK$3,326起
4. 吉隆坡->巴塞隆拿 // 斯德哥爾摩->香港 // 香港->名古屋 HK$3,458起
5. 吉隆坡->倫敦 // 斯德哥爾摩->香港 // 香港->東京 HK$3,566起
6. 吉隆坡->米蘭 // 布魯塞爾->香港 // 香港->沖繩 HK$3,630起
以上組合只屬建議，您可以依據自己喜好拼合，於Expedia香港發掘心水城市組合。歐洲目的地選擇眾多，包括阿姆斯特丹、米蘭、斯德哥爾摩、布魯塞爾、法蘭克福、哥本哈根、倫敦、巴黎等，而回程航點揀到斯德哥爾摩、哥本哈根、奧斯陸會較容易組合平價。以呢口價坐到Skytrax 2015年全球最佳航空公司飛歐洲，又可以飛歐洲之前玩埋吉隆坡，再搭多一程日本之旅，絕對有睇頭！而飛日本的航段係坐國泰機（亦有可能揀到日本航空的航班）。
出發日期由2016年1月15日至6月30日。至於香港飛吉隆坡單程可坐廉航AirAsia，舉例出年4月出發單程連稅約HK$468起（未包行李寄艙）。從日本返港可等HK Express（大阪、東京、名古屋）、樂桃航空（大阪、沖繩）、Jetstar（大阪、東京）等廉航推出優惠時候入手。機票有效期為1個月，最後出票日期為11月12日，到Expedia香港訂票。
想睇下卡塔爾航空787夢幻客機試搭報告？請睇：http://flyagain.la/qr-flight-report
（覺得抵可用Whatsapp同LINE Share俾朋友架）
「吉歐港日」登場！卡塔爾航空吉隆坡飛歐洲，回程返香港+單程飛日本，連稅$2,306起，2016年6月30日前出發
留言