嚟到三月，大專生係咪趕緊十萬樣Assignment同Paper？要唔要計劃Sem Break去個旅行？國泰新一期popup&go大專學生機票優惠又嚟喇，讀緊全日制學位或副學位課程的學生專享。以前訂過大專生優惠嘅學生，可經指定連結由即日起至3月22日優先撲飛，其餘學生就要等到3月23日10am公開發售，我哋亦都一如以往，同大家分析下呢次優惠係咪真筍，睇過分析先諗！
台灣航點：台北/台中/高雄HK$890（連稅HK$1,129）起
短評：有留意開台灣機票行情都知，對手港航可以做到連稅七百幾蚊，以國泰嚟講呢個價都係入手價。但其實國泰有隻2人同行盤都係做緊差唔多價，而且出發日期又多選擇，想買可以比較埋呢個優惠喇：http://flyagain.la/36353。
東南亞航點：吉隆坡/檳城/沙巴 HK$1,290（連稅HK$1,540）起、仰光HK$1,290（連稅HK$1,579）起、曼谷/布吉HK$1,290（連稅HK$1,582）起、新加坡HK$1,290（連稅HK$1,602）起、暹粒/金邊 HK$1,290（連稅$1,604）起
短評：小小編就覺得，呢啲航點相當雞肋。貴又唔係貴，想平又可以揀廉航，鐘意坐國泰嘅都可以考慮吓喇。金邊呢，其實有更好選擇，對手港航連稅價只係一千蚊（詳情：http://flyagain.la/37582），差價都成6百蚊，呢度分分鐘夠去轉日本㗎喇，仲有新加坡都要諗過先，因為呢條航線除咗Tiger同Scoot兩大廉航一般連稅只需7百蚊左右，就算係新加坡航空都係千四（詳情：http://flyagain.la/36954），國泰有隻盤平兩百幾蚊之餘仲連暑假都有（詳情：http://flyagain.la/37526），點解要買佢popup&go呢，唔好中伏呀！
日韓航點：釜山/濟州HK$1,890（連稅$2,160）起、首爾HK$1,890（連稅HK$2,193）起、廣島HK$1,990（連稅HK$2,110）、福岡HK$1,990（連稅HK$2,177）起、沖繩HK$1,990 （連稅HK$2,179）起、東京成田HK$1,990（連稅HK$2,289）起、大阪HK$1,990（連稅HK$2,319）起、東京羽田HK$1,990（連稅HK$2,393）起
短評：最最最最受歡迎嘅日韓航點竟然有驚喜呀！比上期平唔少，以國泰大品牌嚟講真係入手價，唯一有可能係，票數唔會太多囉。韓國線建議大家比較埋大韓航空同韓亞航空兩間韓籍傳統航空公司，有可能平少少。另外國泰飛韓國本身都有隻7月7日前出發嘅優惠，可能平過pop&go添，睇睇：http://flyagain.la/37635。
歐洲航點：阿姆斯特丹HK$4,390（連稅HK$4,718）起、馬德里HK$4,390（連稅HK$4,742）起、米蘭HK$4,390（連稅HK$4,767）起、蘇黎世HK$4,390（連稅HK$4,797）起、羅馬HK$4,390（連稅HK$4,881）起、巴黎HK$4,390（連稅HK$4,968）起、杜塞爾多夫HK$4,390（連稅HK$5,073）起、法蘭克福HK$4,390（連稅HK$5,236）起、曼徹斯特HK$4,390（連稅HK$5,447）起、倫敦HK$4,390（連稅HK$5,768）起
短評：歐洲平盤不嬲都多，中東三寶成日做到三千幾，國泰最大賣點就係直航，但係瑞航直飛蘇黎世都係二千七就有交易（詳情：http://flyagain.la/37712），值唔值得花多一千幾百換個直航，定係慳番啲錢，留番響當地用呢？
小總結：小編首推日韓航點，買前不妨貨比三家，慳到啲錢分分鐘夠去多次旅行喇。popup&go嘅機票有效期長達21日，比一般平飛7日多，啱晒同朋友玩轉成個Sem Break。優惠票價適用於本港指定高等教育學院之全日制學位及全日制副學位的學生，並於機場預辦登機櫃位出示有效之學生證，而該學生證有效期之年份須為2016年或以後，院校名單、條款及細則，請參考此網址。
優先訂購網址：www.cathaypacific-campaign.com（適用已收到邀請電郵之學生）
公開訂購網址：www.cathaypacific-campaign.com（3月23日10am起開售）
（覺得抵可用Whatsapp同LINE Share俾朋友架）
堅抵？睇埋分析先諗！國泰港龍大專生優惠，飛台灣$890、日韓$1,890起、歐洲$4,390起
留言