請即Like 又飛啦！Facebook Page
好耐冇同大家Share下啲國際航空新聞，不過呢一單因為同廣大Fans有關，不能不提。依家去曼谷，飛機會喺新機場：蘇凡納布（Suvarnabhumi）機場升降，但由於新機場用量經已飽和（依家每年客量已達4,800萬人次，超過原先設計嘅4,200萬），加上機場擴建工程進展緩慢，泰國政府於是喺上週一拍板，將舊機場：廊曼機場（Don Muang）全面重開，重新俾國際航班升降。
舊機場會定位為廉航機場，機場當局已向一眾區內廉航（包括香港人熟識嘅AirAsia，JetStar，宿霧太平洋，真航，泰國東方航空等等）發出邀請，並以超筍價吸引佢哋全面轉用（例如由1/8 – 30/9日期間，所有機場使用費用一律打0.5折：即係$100只需俾$0.5），以便騰出空位讓俾其他航空公司。事實上，單係一間AirAsia上年人客量已達680萬，今年仲預計會升到800萬。如果你有搭AirAsia飛曼谷，都知道佢一直冇Bay泊位，隻機要泊到老年咁遠，所以已盛傳佢7或8月起會轉用舊機場，反正舊機場本身運力都有3,650萬人次，加上特惠條款減輕成本，絕對有誘因搬家。況且AirAsia乘客轉機一般都揀番AirAsia或其他廉航，所以相信冇乜損失，但AirAsia到依家仲未有正式公佈，暑假搭AirAsia飛曼谷嘅Fans就要密切留意。其實兩個機場小弟都用過無數次，差別只係舊機場冇機鐵出入市中心，如果你搭的士，去新舊機場無論價錢抑或時間相差不大，反而寄望搬家後AirAsia推出更平機票益街坊。
消息來源：traveldailynews.asia
（記得按下面「讚好」Share俾Facebook朋友）
留言