講起澳洲，大家諗起咩Keyword？袋鼠？樹熊？澳洲又點會咁單調，您睇吓身邊總有人想去澳洲Working Holiday就知正。最近小小編班Friend都去咗西澳州珀斯，話有5個景點必去無誤，小小編抄底後，都心思思想走番轉，事關酷航又新推平機票飛珀斯呢！出發喇！
Check point 1: Rottnest Island 羅特尼斯島（遠離塵囂的世界，探訪超可愛Quokka）
呢個小島係西澳人嘅後花園，好多當地人趁週末或假期搭船去玩，皆因既幽靜又風景迷人。據老友所講，最好玩方法係租單車四圍遊，可以睇晒沿途風景。遠足、游水、浮潛、滑浪都係熱門活動。仲有一件必做嘅事，就係探訪野生Quokka，呢隻短尾矮袋鼠係島上面嘅明星嚟，大家可以見到佢哋記得要瘋狂自拍喇。
（鳴謝Tommy Tang提供相片）
Check point 2: Fremantle 費裡曼圖（懷舊風情小鎮，海鮮美食食到飽）
Fremantle 係一座歷史名城，街道建築保留舊殖民時代風格，好似走入咗時光隧道咁，由珀斯搭火車就可嚟到。必遊點係費裡曼圖監獄，佢係西澳歷史上最最最最古老嘅一座監獄，入面嘅陳設同氣氛保持原貌，又刺激又詭異，令人大開眼界。一場嚟到，記得食海鮮同勁馳名嘅Fish & Chip，配埋手工釀製啤酒（Craft Beer），幾多個胃都唔夠裝！如果撞正五、六、日，仲可以去埋費裡曼圖市集，超過150個攤檔，貨品種類應有盡有，邊個話澳洲冇得Shopping？
Check point 3: King’s Park 國王公園（居高臨下睇靚景，珀斯風光盡情飽覽）
國王公園係珀斯最熱門嘅景點之一，由於地處高點，所以成為一個天然觀景台，遊客可以全方位鳥瞰整個珀斯，無論係碧海藍天日景，定係燈火璀璨夜景，都同樣令人陶醉，唔少人更會喺綠油油草地上野餐、睇日落、觀鳥、甚至發呆，都係絕佳嘅享受（嘩！聽完都想心郁郁去，阿老細可唔可以俾我小小編請番一星期假呢）。
Check point 4: Swan Valley 天鵝谷（無限紅酒誘惑，品嘗美酒之旅）
一聽天鵝谷，以為係去睇天鵝，老友話其實葡萄酒先係主角！天鵝谷係西澳最古老嘅葡萄酒產區，聚集超過150家酒莊、餐廳、精品釀酒廠。咦？紅白酒我啱喎！澳洲啲酒出晒名平又正，又多一個去珀斯嘅理由喇！
Check Point 5: Elizabeth Quay 伊莉莎白碼頭（2016年1月盛大落成，都市時尚型格新蒲點）
講到珀斯最最最新，老友話梗係今年1月先開幕嘅「士頭婆碼頭」：伊莉莎白碼頭！碼頭本身有唔少充滿藝術感建築物（打卡一流），附近一帶有唔少特色餐廳，又會定期舉辦唔同藝文活動，輕輕鬆鬆散步、睇吓Gallery、再食吓嘢真係無比寫意。
珀斯景點又點止咁少？好似 Nature’s Window 自然之窗、Pinnacles Desert 尖峰石陣、Pink Lake 粉紅湖等都令人著迷。不過最最最吸引小小編嘅，梗係有平機票啦！酷航剛推出新珀斯優惠，於官網訂購（www.flyscoot.com）輸入折扣代碼FLYPERTH可享經濟艙或ScootBiz商務艙票價8折，折扣後經濟艙單程連稅HK$930起，商務艙HK$2,798起。呢口價真係幾抵，性價比高，雖然經新加坡轉機但停留時間唔長，呢條線用787夢幻客機飛行，新機坐得舒服之餘，機上亦都配置Wi-Fi、充電插頭等設施，仲有客艙4倍保濕，長途機都唔怕皮膚Dry爆。如果有多少少筆直，搭商務艙性價比仲高，座椅更寬敞舒適，呢口價仲包埋30kg寄艙行李同飛機餐、免費觀賞ScooTV機上串流娛樂等等，點都要試一次！
以上優惠旅遊日期由即日起至9月26日，最遲4月26日23:59前預訂，快啲約埋朋友一齊訂喇。
珀斯旅遊小錦囊：
【簽證】持特區護照或BNO均需申請簽證，可登入www.eta.immi.gov.au申請電子簽證ETA，有效期1年，費用為20澳元。
【時差】西澳和香港並沒有時差
【天氣】南半球氣候與香港相反，春季是9-11月，平均氣溫：12-25℃;夏季是12-2月，平均氣溫25-33℃；秋季是3-5月，平均氣溫：12-25℃；冬季是6-8月；平均氣溫：8-18℃。
【貨幣】澳幣兌港元約為AUD1=HKD6.3
【溫馨提示】西澳平均日照時間超過8小時，建議外遊時帶備帽子，太陽眼鏡，和防曬用品。
留言