今日係「又飛啦！」成立一週年紀念，蝦！又咁啱遇到國泰推出限時劈價盤！出票日期去到本週六（14/7）23:59，目的地包括東京（HK$2,500，未連稅，下同）、吉隆坡（HK$1,740）、台北（HK$1,360），仲有澳洲嘅墨爾本同悉尼，一樣HK$3,390，今次最大賣點係暑假期間出發：即係Last Minute劈價囉！兼且小童亦有特價，方便各位放暑假嘅父母們，您搶咗未呢？未就幫大家分析先。呢批票講最抵一定非東京莫屬，依家連聯合／達美暑假飛都要三千幾，佢依家So你成千蚊，唔駛講梗係合埋雙眼搶先（不過可惜15/8 – 18/8出發冇得訂）！其次係吉隆坡，因為AirAsia暑假飛來回連稅都要HK$2.5K或以上，依家國泰同佢差唔多，只係來回時間差啲，如果接受到嘅話，梗係搭國泰啦！話晒包行李寄艙同飛機餐嘛！台北呢？因為來回有航班限制，唔係夜返，夾到時間都Go啦！至於墨爾本同悉尼，香港8月暑假＝澳洲冬天喎！咁啱要飛咪買囉（但記住有效期只得2星期）！否則年底夏天飛去都只係貴一千蚊咋喎！總括而言，東京首選！快搶！
留意位：
1. 最後出票日期：14/7
2. 出發日期：吉隆坡－15/7 – 10/8；台北/東京 (成田)－15/7 – 26/8；悉尼/墨爾本－1/8 – 31/8
3. 機票有效期：台北/吉隆坡/東京停留2至7天，悉尼/墨爾本停留2至14天
4. 航班限制：香港往台北只適用於CX496/494/466；台北往香港只適用於CX465/471/495/421；香港往吉隆坡只適用於CX729/791；吉隆坡往香港只適用於CX720/790；香港往東京 (成田) 只適用於CX520/524；東京 (成田) 往香港只適用於CX501/521；香港往悉尼只適用於CX111；悉尼往香港只適用於CX162；香港往墨爾本只適用於CX163；墨爾本往香港只適用於CX134
（記得按下面「讚好」Share俾Facebook朋友）
留言