飛完歐洲再飛日本，試過真係返唔到轉頭！今日小小編又介紹一個卡塔爾航空嘅「泰歐港日」正盤，即係點？係由泰國布吉或曼谷出發，經多哈飛歐洲，回程飛返香港，可隔幾日再搭多程國泰或者日航單程飛日本，連稅只需HK$3,297起，玩勻泰、歐、日！歐洲回港後可停留香港最多7日，變相拆成兩個Trip，都咪話唔和味，而且日本航點選擇眾多，除咗東京、大阪、名古屋、福岡、廣島等大城市外，連札幌、函館、岡山、高松等都得，識玩梗係玩平時少去嘅二線城市，而且仲可揀坐日航，所以睇吓您鐘意坐邊間喇。
舉例9月20日從泰國飛歐洲、9月28日回香港、10月6日再飛日本，來回連稅組合如下：
布吉->倫敦 // 哥本哈根->香港 HK$3,617起，再加香港->東京 HK$3,297起
布吉->倫敦 // 斯德哥爾摩->香港 HK$3,276起，再加香港->東京 HK$3,596起
布吉->倫敦 // 奧斯陸->香港 HK$3,677起，再加香港->福岡 HK$3,827起
曼谷->阿姆斯特丹 // 斯德哥爾摩->香港 HK$3,696起，再加香港->名古屋 HK$3,936起
布吉->法蘭克福 // 斯德哥爾摩->香港 HK$3,696起，再加香港->札幌 HK$4,044起
布吉->倫敦 // 斯德哥爾摩->香港 HK$3,968起，再加香港->岡山 HK$4,169起
曼谷->阿姆斯特丹 // 馬德里->香港 HK$3,911起，再加香港->大阪 HK$4,521起
以上日子及組合只屬建議，您可以依據自己喜好拼合，於Expedia香港發掘心水城市組合，一般揀布吉出發會較曼谷平，而且去程飛抵倫敦，回程選其他城市會較易組合出平價。留意番返香港後同單程飛日本之間，最多可相隔7日再出發，如果再隔長時間就組合唔到平價。而且唔係每個航點都組合到，要慢慢試，搵唔到就轉日子試吓。而且可以先搵咗泰國飛歐洲，回程返香港有平嘅日子先，再加入飛日本呢段（用多個目的地功能Search）。
去程建議補買一張單程廉航機票飛泰國，曼谷可揀Airasia，布吉可揀Airasia或HK Express。從日本返港可等HK Express（大阪、東京、名古屋）、樂桃航空（大阪、沖繩）、Jetstar（大阪、東京）等廉航推出優惠時候入手。以呢口價坐Skytrax 2015年全球最佳航空公司飛歐洲，又可以飛歐洲之前玩埋泰國，再搭多一程日韓之旅，絕對有睇頭，票數有限，有興趣要盡快訂票。
【出發日期】即日起至11月30日（去程出發限星期一至四，暑假除外）
【機票有效期】2個月
【最後出票日期】6月1日或售完即止
【訂購網址】www.expedia.com.hk
【預訂教學】http://flyagain.la/31983
（覺得抵可用Whatsapp同LINE Share俾朋友架）
「泰歐港日」正盤！卡塔爾航空曼谷/布吉飛歐洲，回程返香港再加單程飛日本，連稅$3,297起，11月30日前出發
留言