6/7 1850 updated：
由於有粉絲表示於Expedia訂票收到通知表示無法出票，小編聯絡有關Expedia方面後，如有問題請將相關資料直接Inbox Expedia專頁，會有專人跟進你的問題，謝謝。
未出票的粉絲要留意，如現在訂購有可能會被取消，敬請留意。
Expedia Link：https://www.facebook.com/expedia.com.hk/
「港歐廣/港歐台」呢個組合真係愈減愈有！見到呢個價飛歐洲，又點會唔心動？不如就馬上行動：香港出發坐奧地利航空經奧地利飛歐洲，回程坐漢莎經德國返港，再加單程飛香港-廣州，來回連稅只需HK$2,671起，講緊係歐洲喎，直頭平到癲呀！歐洲城市選擇眾多，包括阿姆斯特丹、米蘭、斯德哥爾摩、巴塞羅那、馬德里、哥本哈根、畢爾包、赫爾辛基等，如果最後一程唔揀廣州，揀單程飛台灣（台北/台中/高雄都得），連稅HK$3,111起，仲可以變相拆開一個歐洲同台灣之旅添。
先同大家搵吓「港歐廣」組合，舉例10月9日香港往歐洲，10月18日啟程回港，返港後同日或24小時內轉飛廣州，來回連稅組合如下：
1. 香港->倫敦 // 畢爾包->香港 // 香港->廣州 HK$2,671起
2. 香港->倫敦 // 斯德哥爾摩->香港 // 香港->廣州 HK$2,676起
3. 香港->倫敦 // 布魯塞爾->香港 // 香港->廣州 HK$2,686起
4. 香港->倫敦 // 布拉格->香港 // 香港->廣州 HK$2,689起
5. 香港->倫敦 // 華沙->香港 // 香港->廣州 HK$2,700起
6. 香港->倫敦 // 都柏林->香港 // 香港->廣州 HK$2,818起
7. 香港->威尼斯 // 巴塞隆拿->香港 // 香港->廣州 HK$2,899起
8. 香港->倫敦 // 米蘭->香港 // 香港->廣州 HK$2,904起
9. 香港->布魯塞爾 // 奧斯陸->香港 // 香港->廣州 HK$3,077起
10. 香港->斯德哥爾摩 // 斯德哥爾摩->香港 // 香港->廣州 HK$3,099起
11. 香港->赫爾辛基 // 華沙->香港 // 香港->廣州 HK$3,103起
12. 香港->布拉格 //帕爾馬馬略卡->香港 // 香港->廣州 HK$3,110起
13. 香港->盧森堡 // 里斯本->香港 // 香港->廣州 HK$3,208起
14. 香港->倫敦 // 阿姆斯特丹->香港 // 香港->廣州 HK$3,259起
如果第三程唔想飛廣州，揀飛台灣嘅「港歐台」組合（台北/台中/高雄都得），同樣舉以上日子同目的地，將以上各價加約HK$300-500左右就得（以上面第一個例子轉成港歐台連稅只需HK$3,111起）。以上組合只屬舉例，大家去到Expedia香港訂飛，用多個目的地功能搜尋自行砌出心水組合。第三程機飛廣州係坐港龍航空，如果飛台灣係坐國泰、港龍、長榮或華航，隨您選擇。
以上各價以不打算在香港中停計算（即係到港翌日或即日轉飛廣州或台灣），如打算在香港中停一段短時間再飛第三程，將以上價錢加約HK$500-800左右，行李就一定可以喺香港提取，如果諗住飛台灣，建議之後搭配HK Express由台中回香港的單程機票，或香港航空間中都會有由台北飛香港嘅單程平飛，變相拆開一次歐洲同台灣之旅。如果飛廣州仲簡單，可揀直通車或火車返香港。呢口價主要集中9-12月淡季日子，如果2017年出發就賣到4月份或之前，而且價錢相首會貴少少，即刻上去搵您嘅心水組合喇。
【出發日期】9月6日至2017年6月24日（註：系統現時最遠只買到出年4月份）
【機票有效期】1個月
【最後訂票日期】7月4日或售完即止
【訂購網址】www.expedia.com.hk
【預訂教學】http://flyagain.la/31983
（覺得抵可用Whatsapp同LINE Share俾朋友架）
平到癲！奧航+漢莎「港歐廣/港歐台」：香港來回歐洲+單程飛廣州/台灣連稅$2,671起，2017年4月前出發
請問如果廣州果程 no show 得唔得呢?
我們建議飛埋
如果真係飛唔到,會有甚麼後果㗎?
我哋建議飛埋。
問題問了兩次，都冇答案, 是否你們亦不確定香港飛廣州嗰程no show
我哋建議飛埋。
系統是否未出到4月1號出發的機票?
唔係，4月中都仲搵到