請即Like 又飛啦！Facebook Page
日航早喺8月頭，推出過2人同行飛東京每張HK$1,750優惠，當時最後出發日期為30/11，後來日航再推出明年春天早餐盤，但都冇包括12月嘅。今日日航突然宣佈將秋冬劈價Encore：出發日期為1/10至14/12（19/10及20/10除外），去程限搭JL736（10:30/15:25），回程限搭JL735（18:10/22:30），2人同行每張HK$1,900，機票有效期為10日，今次出發日期更去到12月中。日航好少翻炒，係咪釣魚台問題搞到要立即應變？10-11月正係東京紅葉佳期，之前冇入手嘅Fans，就要趁今次意外優惠快手食糊喇！Check過系統，呢一刻供應量算充裕，不過日航優惠一向甚為搶手，要快喇！一如上次，您可以每程HK$500買日本內陸機票（最多2程），比上次更正嘅係：直接同日航買飛每人可額外獲贈2,000日元（約HK$200）百貨公司禮券。咁鬼抵，唔知其他對手跟唔跟劈呢？
（記得按下面「讚好」Share俾Facebook朋友）
留言