急報！今次介紹嘅大漏洞係關於酒店房：只要今晚（15/3）香港時間7pm前，去Holiday Inn母公司IHG酒店集團官網訂購紐約Holiday Inn Express New York City Times Square（位處時代廣場附近，超正Location，平時一晚起碼US$250），入住日期為1/6之前，無論住乜嘢房，有機會$0！即係唔駛錢！點解咁筍？是咁的……
Hotels.com美國網頁由今日紐約時間00:00 – 07:00（香港時間中午12:00 – 19:00）舉行緊Overnight Sales，個別酒店折扣高達50%，咁啱呢間Holiday Inn Express New York City Times Square亦有份玩Overnight Sales。點解又講$0呢？其實今次漏洞玩法有啲唔同：唔係直接去酒店網訂$0酒店，而係透過玩Best Price Guarantee（BPG） 最低價格保證方法向酒店申請免費房間賠償！
由於透過IHG酒店集團官網訂房，可享有最低價格保證，如果您搵到其他訂房網平過官網，只要平超過1%或US$1，並於訂房後24 小時內向IHG申請，酒店一經確認，佢會作出賠償：第一晚房免費！例如訂三晚，第一晚就係$0，如果您只訂一晚，恭喜您！嗰晚就係$0！不過玩BPG需要一定技巧與步驟，務必留心以下教學，稍一不留神就攞唔到$0著數！
Step 1：先按此Link去美國版www.hotels.com（記得設定語言為英文，及用美金結算），直接去Holiday Inn Express New York City Times Square頁面，先搵1/6之前心水房間（記得見到房價上寫有Special rate: Overnight Sale! Act Now! 先係您今次目標）
Step 2 ：睇中一個類別房間（既然所有都係$0，梗係訂最貴嗰隻Two Double Beds, City View, Non-Smoking啦，今次例子中，23/5入住24/5退房，Hotels.com賣緊US$303一晚未連稅），搵Free Cancellation類別嘅房價（千祈唔好睇Non-refundable Rate），用紙筆記下價錢，然後Screen Cap整版，最好Print埋出嚟
Step 3：再按此Link去IHG官網度，直接去Holiday Inn Express New York City Times Square頁面，揀番相同日期，Rate Preference揀Best Available Rate
Step 4：Load完價錢後，去Best Flexible Rate中揀番同一類房間（例如Two Double Beds, City View, Non-Smoking），記得留意條款內有寫Free Cancellation，以今次例子為例，23/5入住24/5退房，IHG官網賣緊US$389未連稅，即係話官網比Hotels.com貴US$86，多於1%或US$1，咁就有資格向IHG申請賠償喇！
Step 5：直接喺IHG官網訂呢間酒店，揀一晚房就算（當然可以叫埋老婆仔女朋友再訂另一晚或之後房間，食多幾晚$0優惠），直到收取確認訂房電郵為止
Step 6：重點！請立即或今日香港時間5pm之前，打電話去中國IHG BPG熱線：+86 20 3419 8288（廣東話或普通話）或今晚7pm之前直接打去美國：1-800-447-2981（英語），向IHG申請BPG賠償，同對方講清楚：1. 您嘅訂單編號，2. Hotels.com網址，對方收到您要求後，佢會立即上番Hotels.com Search您所指嘅日子係咁真係平過IHG官網，一經確定，IHG服務員會承認並給予$0房間作補償，咁即係原本訂嗰晚房變成$0喇！如果您有其他房間需要申請BPG賠償，建議分開幾個電話訂會好啲
如果不幸申請唔到BPG賠償，好簡單：取消訂單！反正都係Free Cancellation，$1都唔駛蝕，可以話係0風險！快手喇！記得今晚7pm前要完全搞掂喎！因為Hotels.com會完結Overnight Sales，就會改番正價喇！
IHG BPG熱線：http://www.ihg.com/rewards/us/en/customer-care/lowest-internet-rate-support
IHG BPG詳情：http://www.ihg.com/hotels/us/en/global/customer_care/bwc_lp
IHG BPG條款及細則：http://www.ihg.com/rewards/us/en/customer-care/lowest-internet-rate-terms-conditions
（記得按下面「讚好」Share俾Facebook朋友）
留言