14:20 20/3 Updated：尋日小弟經TopCashBack.com回贈網再去Accor訂房，今日就收到回贈通知（回8%），善用TopCashBack.com，真係可以兩頭賺！
雅高Accor酒店集團又劈啦！今次出招係亞太區，一眾地點大玩買二送一：即係俾兩晚錢住三晚！等於67折啦！最後入住日期為31/5。Check過唔少酒店，真係堅劈，唔係玩Mark高價錢再減嘅財技！就好似曼谷咁，潑水節期間（12/4 – 15/4）嘅VIE Hotel Bangkok – MGallery Collection，平時賣HK$800以上，呢次減完連稅每晚HK$573（唔包早餐）！MGallery不嬲係Accor酒店中高級數類別，呢個價認真超值！而且白金卡會員住MGallery有福利呢（例如Free Upgrade，4pm Late Checkout，送乜送物等，不過亦要視乎供應）！其他參與城市包括：澳洲／柬埔寨／中國／斐濟／法屬玻利維西亞／香港／印度／日本／老撾／澳門／新西蘭／南韓／台灣／泰國／越南，快快手上Accor官網睇下有冇心水？最後訂房日期為16/4。
網址：http://www.accorhotels.com/gb/promotion/specials/march2013_apac.shtml
此外，透過玩TopCashBack.com回贈大法，有機會向Accor拎番8%回贈（買兩晚住三晚嘅，唔一定保證有回贈，但試下冇成本，梗係做埋佢），務必謹記以下步驟：
1. 去Accor官網訂房前，必須先去TopCashBack.com Login您戶口
2. 然後再去http://www.topcashback.com/accorhotels/搵番Accor酒店，再按”Get Cashback Now”鍵入去Accor官網
3. 屆時會彈出一個網頁視窗去Accor官網，原本嗰個仍然留喺TopCashBack.com：記得要有 ”Your visit has been recorded”訊息先至算數，否則TopCashBack.com係唔會俾回贈架！
4. 入到Accor官網，首先喺右上角Login番您Accor戶口，否則就咁Search係搵唔到呢次買兩晚住三晚優惠！
相關文章：教學：用TopCashBack回贈大法，訂房訂機票賺盡額外著數！
（記得按下面「讚好」Share俾Facebook朋友）
留言