請即Like 又飛啦！Facebook Page
大陸廉航春秋航空，一向喺大陸市場（即係簡體版網頁）推出好多超平機票，例如CNY9一張單程機票（當然唔包稅及油附），香港呢？唉！平極都係HK$99單程未連稅。以往要享受同胞優惠，必須用國內銀行或支付寶找數，但喺香港唔普遍。今次就介紹春秋航空一個小漏洞：只要先揀繁體版網頁，再揀美元結算，系統會根據簡體版價錢直接轉為美元，咁就正啦！因為繁體版網站可以用Visa / Master找數嘛！咁咪可以借刀殺佛啦！
講咗咁多，就搵件例子試下！香港<->廈門航線喺簡體版網站做緊優惠：7月前出發，淨機票單程CNY9，來回連稅CNY641，折合HK$802左右。但如果響繁體版網頁用港元結算，單程淨機票最平都要HK$129，來回連稅HK$1,029，足足有HK$227差距。呢個時候，只要您留番喺繁體版並轉為美元結算，單程淨機票即刻換成最平US$1.4（HK$11）起，來回連稅US$102.3（HK$798）起！同人民幣結算差唔多！咁即刻用香港信用卡找數啦！Check過系統，呢批US$1.4機票數量都唔少，來回廈門唔駛八舊水港紙，相信係史上新低了！以往我哋少報大陸版優惠，全靠呢個小漏洞，以後一定同大家睇埋大陸版優惠，一於借刀殺佛，齊齊又飛啦！
（記得按下面「讚好」Share俾Facebook朋友）
留言