請即Like 又飛啦！Facebook Page
12:08pm 7/6 Updated：謝謝Fans Jet Pun告知原來澳門航空官網泰國站都有得賣：http://www.airmacau.co.th/
趁今早靜靜地，同大家發掘下一套幾有趣嘅暑假機票，希望可以拋磚引玉（澳門fans更需留意！）。澳門航空原來有一隻筍盤，不過唔係澳門出發，而係曼谷：曼谷飛東京，中停澳門，淨機票HK$1,053，連稅HK$2,957（下欄仲貴過張機票），出發日期7-8月都唔難搵到，由於出發地唔係香港／澳門，所以要自己另外買一張單程機票落曼谷，咁AirAsia一定最適合。Check過AirAsia系統，如果香港出發，7-8月單程連稅介乎HK$700-HK$1,000左右，澳門出發就介乎MOP640 – MOP844，兩者加埋，連稅約HK$3,600起。須知道暑假黃金檔期，用呢個價一次過玩晒兩個大家勁Like嘅地方，性價比強（東京回程仲要係下午機）！呢套機票澳門航空官網冇得賣，上ebookers.com望下啦！
溫馨提示：揀曼谷出發航班，建議揀零晨02:55嘅NX879，因為到澳門後只需等2小時40分就可轉到NX862（09:30/15:00），否則揀中NX881，返到澳門只係零晨01:15，要喺機場等8小時，如果您係澳門人當然可以返屋企瞓個覺，但如果您係香港人，除非肯瞓機場，否則住酒店都要成本，唔建議您咁做嘞！
溫馨提示：海外旅遊網站不受香港旅遊業協會監管，風險必須自負；如有服務需要，亦需親自打海外熱線／電郵聯絡，IDD費用需要自付。
（覺得抵請記得按Like同Share俾朋友）
留言