請即Like 又飛啦！Facebook Page
本週二，我哋「又飛啦！」率先同大家報料，話日本樂桃航空將於1/9 – 26/10期間指定日子增加一班來回香港<->大阪班次，今日就正式宣佈新班次有劈價！香港飛大阪單程連稅HK$798起，至於大阪返香港就未有公佈價錢，如果同價，來回連稅估計約HK$1,879起（唔包行李寄艙同飛機餐），出發日期由1/9 – 27/10期間，去程逢週一／六／日以及17/9， 24/9，15/10嘅零晨01:4o出發，回程就逢週五／六／日以及16/9，23/9，14/10嘅晚上22:20出發，今晚香港時間23:00開倉！上次佢劈同一時段出發嘅機票，來回連稅低至HK$1,200左右，今次貴咗六舊，不過唔駛捱超遠期貨，有辣有唔辣囉！提提您：建議大家分開兩程買，香港去大阪用HK$結算，大阪返香港試下去日本版網站，可能會平一啲，以上次經驗，平約HK$100左右，幾個人去，加埋條數分分鐘賺番行李寄艙費添呀！
（覺得抵請記得按Like同Share俾朋友）
留言