請即Like 又飛啦！Facebook Page
澳洲北部達爾文，未必係您最想玩嘅澳洲城市，但就係一眾Backpackers嘅理想澳洲出入口！點解？因為廉航捷星（JetStar）嘅新加坡<->達爾文直航服務，經常出現大劈價，就好似今次介紹嘅超級筍盤：由依家到明年4月（即係包括埋澳洲夏天）出發，來回連稅由SGD279.64（折合約HK$1,713）起，至於香港<->新加坡機票，只要等到捷星或虎航劈價，來回連稅HK$1,000左右應該入到手，加埋來回連稅只係HK$2,700起（仲可以玩埋新加坡），直頭平到尖叫啦！最勁嘅係：直到執筆一刻，新加坡<->達爾文嘅超平SGD279.64機票，農曆新年期間都仲有唔少日子揀！再搭多張澳洲內陸廉航機票（一般都係幾舊水搞掂），旺季遊澳洲，又一平例證（唉！我發毒誓以後唔會再買成萬蚊機票玩澳洲嘞 >.<）！趁冇乜人知，快手啦喂～（溫馨提示：以上價格不包括行李寄艙及飛機餐，每人有1件10kg免費手提行李服務。新加坡轉機必須先入境再出境，寄艙行李不會直卦澳洲）
網址：http://www.jetstar.com/hk/zh/home （千祈唔好去澳洲版買！貴啲架！）
（覺得抵請記得按Like同Share俾朋友）
留言