請即Like 又飛啦!Facebook Page
炎炎夏日,有免費雪糕食,Like呀!@@
多謝網友To Wai Siu報料,維珍航空將於今個週末(6/7及7/7)喺銅鑼灣同旺角派免費軟雪糕,想食就記得去排隊,數量有限,先排先有。
出沒時間及地點:
6/7(週六) 2pm – 5pm 銅鑼灣總統戲院
7/7(週日) 2pm – 5pm 旺角朗豪坊
到時會唔會有維珍靚空姐Serve架?q^.^p
(覺得正請記得按Like同Share俾朋友)
X
炎炎夏日,有免費雪糕食,Like呀!@@
多謝網友To Wai Siu報料,維珍航空將於今個週末(6/7及7/7)喺銅鑼灣同旺角派免費軟雪糕,想食就記得去排隊,數量有限,先排先有。
出沒時間及地點:
6/7(週六) 2pm – 5pm 銅鑼灣總統戲院
7/7(週日) 2pm – 5pm 旺角朗豪坊
到時會唔會有維珍靚空姐Serve架?q^.^p
(覺得正請記得按Like同Share俾朋友)
急報!Groupon一陣下午3:00起,會開售機場快線單程票換領券,適用於單程往/返機場至香港、九龍或青衣站 (博覽館站除外),只係$15一張(正價HK$100),每人最多買4張,必須於30/9前用完,筍到爆啦!
呢啲超平飛會喺7月份逢週五下午3:00推售,每次限推1,500張,應該會極速沽清!快啲按以下Link,3:00一齊搶啦!
(覺得抵請記得按Like同Share俾朋友)
聖誕新年超旺季去旅行,機票唔俾人斬到一頸血咩!不過都係嗰句:早起的鳥兒有蟲吃!繼尋日介紹中秋節東京筍盤後,今次就介紹另一重頭節日:聖誕節及新年嘅首爾平機票。是咁的:專營平價機票嘅濟洲航空,Check過系統,聖誕新年期間竟然仍有大量來回淨機票HK$1,600,連稅HK$2,349超平選擇喎(機票有效期15日)!呢啲大假期,如果稍後先訂其他航空公司,分分鐘賣高一至兩倍都未定!咁當然大家都明白,濟洲航空來回時間唔夠靚仔,但由於聖誕節去首爾(例如21/12週六去,26/12週四返)只需請23/12及24/12兩日假就玩足四日半(有啲機構分分鐘放24/12半日添),頭尾雖然蝕,但呢口價仍然有So。想用盡呢張機票,建議留多幾日,玩到1/1先返,呢一刻系統仲有呢口價賣呀!咁鬼筍,竟然大家走漏眼?咪走寶喇!
溫馨提示:濟洲航空機票價係包括免費飛機餐同一件20kg行李寄艙,絕非一般廉航可比。
(覺得抵請記得按Like同Share俾朋友)
自從港航退出高雄航線後,高雄機票真係好難有筍盤!今日華航突擊推出限時劈,高雄竟然上榜,咁梗係要立即報!出發日期為19/8 – 26/10,來回淨機票HK$799,連稅HK$1,431,應該係近期新低,而且可以暑假飛呢!最值得入手。呢隻機票回程可以免費改台北或台南返港,夠晒彈性;至於台北來回,淨機票HK$699,連稅HKK$1,331,出發日期一樣,少一舊但一定要台北往返,呢個價同港航暑假價相若,但9-10月仍然係港航抵啲;至於台南,淨機票HK$799,連稅HK$1,431,出發日期19/8 – 24/10(必須喺24/10前返,咦?唔通之後Cut台南線?),回程可改台北/高雄返。今次限劈200位,先到先得,最後出票時間為今晚(4/7)香港時間23:30,唔知又會唔會Encore呢呵?
(覺得抵請記得按Like同Share俾朋友)
今年中秋節正日係19/9(週四),20/9 (週五)係公眾假期,難得有個Long Weekend,梗係出埠啦!大家至Like嘅東京,原來仲有好嘢!例如達美航空咁,如果揀20/9(週五)假期首日早上去(DL156 08:20/13:45),23/9(週一)夜晚返(DL155 18:35/22:15),來回淨機票HK$2,340,連稅HK$3,061,執筆呢一刻仲有(不過相信此文一出,好快就冇,所以行動要快),請1日大假就變出足4日3夜嘅東京之旅(假設週六唔駛返工),都算幾抵請。想玩多幾日?得!其實23/9打後都好易搵到HK$2,340平選擇,想幾時返?自己上官網慢慢睇喇!
網址:zt.delta.com
(覺得抵請記得按Like同Share俾朋友)
港航馬爾代夫直航新航線,終於鐵定10/7開航,以後每隔2日各對飛一班,依家公佈埋首航價錢:18/7前出發,來回淨機票HK$4,280起,連稅HK$6,262(紫荊會會員再減HK$100,免費申請網址:http://bit.ly/XiCJvm),之後就HK$5,050起,連稅HK$7,032起,比起轉機大約貴HK$2K起,機票有效期得5日。係咪好平?未必,但由於係暑假出發,尚可接受,如果唔介意等,9月後淡季應該仲有價講(而且唔知今個Weekend會否推出馬代嘅Promotion Code呢?)。至於時間,去程HX789(17:00/19:40),回程HX790(20:50/06:30+1),要留意去到馬里未必趕到即日船/飛機去Resort,須留喺馬里一晚。Check過系統,開航價HK$4,280供應量唔多,有心去就快手啦!
(覺得抵請記得按Like同Share俾朋友)
14:22 3/7 Updated:Quota已滿!
我哋「又飛啦!」都有一陣子冇介紹啲酒店Promotion Code,無他嘅!根本唔筍,冇謂寫出嚟。不過今早就發現一個勁抵Promotion Code:FBFAN25,可以減25%(即75折),只限頭100名(不過連我自己都訂到,應該1. 冇人知,或2. 根本唔止100個咁少),如果大家已經訂咗機票,依家就拿拿林Check下心水酒店有冇得平,手快有手慢冇。不過講明先:唔係所有城市都用得(例如泰國/新加坡/澳門就唔得,台北/東京/吉隆坡/首爾就得,其他要靠大家再仔細Check),最後入住日期為30/9。暑假機票貴,酒店就靠呢個Code幫補下喇!如果過咗100位Quota,您可以改用15%(即85折)Code:SPF#15 訂,不過就冇咁抵鳥~
(覺得抵請記得按Like同Share俾朋友)
好多Fans都想要直航蘇梅島平機票,但奈何得曼谷航空獨市經營呢?點知佢突然劈價:來回淨機票HK$1,490,連稅HK$2,163!平時淨機票都要HK$3.5K啦!出發日期為1/11 – 15/12,機票有效期7日。咁平,梗係有代價:1. 去程限坐PG806(17:05/19:20),回程限坐PG805(11:35/15:55),頭尾冇咁兩日;2. 11-12月係蘇梅島雨季,陽光唔夠,要有心理準備(淨係想留喺Resort避下靜歎下世界嘅,呢隻Fare依然值得入手),最後出票日期為31/7。
(覺得抵請記得按Like同Share俾朋友)
X