飛馬爾代夫又有平選擇！今次輪到馬航，佢今日曬冷式推出吉隆坡出發嘅國際線平機票，云云咁多地點中，以馬爾代夫首都馬里最有睇頭：來回連稅MYR1,100，折合HK$2,750！最緊要係呢隻Fare出發日期由13/3一直到30/11，暑假可以！復活節都得！正到吖！至於香港<->吉隆坡？Easy啦！最經濟就買張AirAsia，Check過暑假香港<->吉隆坡連稅都係一千頭，兩套來回加埋唔駛HK$4,000！記住係暑假喎！就算想坐豪少少，國泰fanfares成日都有吉隆坡HK$990之選，來回連稅都係HK$1,800左右，加埋又係HK$4,550左右，都好化算呢！機票有效期為1個月，最後出票日期為31/3，暑假一於平飛馬代！

網址：www.mas.com.my

（記得按下面「讚好」Share俾Facebook朋友）

$10機票ByeBye，又回復正常Mode喇！今次就介紹一隻首爾平機票：搭濟洲航空，來回淨機票HK$1,600，連稅HK$2,445，出發日期到30/6（復活節期間當然冇）。Check過系統，供應量充足，不過講明先：濟洲航空來回時間一般，去程7C2110（13:35/18:15），回程7C2109（09:55/12:35），來回的確冇咁兩日，不過呢隻Fares有效日期長達15日，唔係一般2-7日，所以如果有心去長一啲，就算頭尾冇2日，呢個價都值得考慮架！

網址：en.jejuair.net

（記得按下面「讚好」Share俾Facebook朋友）

嘩！你冇睇錯！飛台北來回淨機票HK$320，連稅HK$1,004！是咁的：港航逢週末咪推出promotion code嘅！台北來回例減HK$300，本來冇乜特別，咁啱佢剛推出4月份週日至三出發來回淨飛HK$620，但重點係：呢隻Fare竟然可以用到HK$300 promotion code喎！咁減埋就係HK$320囉！小弟懷疑又係大漏洞乙個！唔駛諗！依家立即訂！聽朝起身應該冇！

搶飛步驟：

Step 1：出發日期必須揀4月週日至三，回程七日內

Step 2：如果見到有HK$620機票，恭喜您！就係你今次要搵嘅目標！

Step 3：記得先登記及login紫荊會會員（紫荊會免費申請網址：http://bit.ly/XiCJvm）

Step 4：再輸入promotion code : wZQ638EV（大細階必須跟足）

Step 5：系統會幫您減HK$300，總之連稅價係HK$1,004就去俾錢啦！

記住：必須登入紫荊會戶口，先可以使用其promotion code：wZQ638EV

網址：www.hongkongairlines.com

紫荊會免費申請網址：http://bit.ly/XiCJvm

（記得按下面「讚好」Share俾Facebook朋友）

今次呢隻超筍盤，包您一睇眼都凸埋！短途機票臨尾劈見唔少，長途就少見，今日新航就推出3日限時劈，由依家到10/3，購買三月份直飛三藩市機票，來回淨機票HK$3,000，連稅都只係HK$5,505，仲要係坐A380呀！不過去程限11/3 – 15/3出發，即係下星期立即走，回程日子就指定揀16/3, 17/3, 19/3, 23/3, 24/3，好適合返去探親之用，又或者有假但冇地方去人士選購。真心講：呢個價，轉機都做唔到呀！

網址：www.singaporeair.com

（記得按下面「讚好」Share俾Facebook朋友）

25/3 00:40 Update：最後出票日期延遲到27/3

英航將會由今年16/11起派出全新A380執飛香港<->倫敦航線，為慶祝呢件盛事，英航一口氣推出飛歐洲各城市平盤，淨機票HK$3,840起，連稅計，直航倫敦HK$7,328，轉機都要六千幾，所以都算入得過。其他轉機嘅來回連稅起碼HK$7K，地點遍佈絕大部份歐洲城市，由於必須喺希斯路轉機，機場稅冇得避，除非您轉飛英國其他內陸城市，焗住搭冇計，否則飛歐洲來回連稅HK$7K以上？真係要諗下先！話就話6/3 – 31/6出發都得，查實當中嘅18/6 – 30/9系統唔會放平飛，暑假點可以平飛歐洲？我都想知喎！最後出票日期為20/3，機票有限期為2個月。

網址：www.britishairways.com

（記得按下面「讚好」Share俾Facebook朋友）

虎航今晚00:00開始，會推出一系列由新加坡出發嘅超平機票，部份短途航線單程（包括新加坡飛吉隆坡／檳城／雅加達／胡志明市／古晉）只係SGD$1起（未連稅）。至於香港，當然有份減：新加坡返香港單程連稅約HK$536起，配合依家做緊嘅去程連稅HK$575起，來回連稅HK$1,111，再加埋要硬食嘅手續費HK$114，埋單盛惠HK$1,225。Check過系統，7-8月暑假都會有呢個靚價！咁就抵啦！一於今晚00:00起捕佢開倉！最後出票日期為13/3。

網址：www.tigerairways.com

（記得按下面「讚好」Share俾Facebook朋友）

7/4 4:08pm Updated：經已開賣！

香港航空宣佈以後逢週四都會推出Last Minute劈價，不過就特別啲：只劈單程，來回就睇情況啦！就好似聽日咁，佢推出四個城市嘅單程優惠，3月指定日子出發，包括香港單程飛三亞（HK$140，未連稅，下同），南京HK$240；回程嘅就有海口飛香港（CNY90，折合約HK$112），高雄飛香港（NT$1,160，折合HK$315），係就係平，不過得一程有減，另一程呢？建議大家訂購前睇清楚買另一程要幾多錢，計清楚條數有So先好訂呀！另外，今次佢有沙巴來回平盤，不過依家當地局勢不穩，香港保安局亦對東馬來西亞發出黃色旅遊指示，暫時唔去好過。港航冇寫明確實推出時間，不如今晚00:00上佢官網望望？記得做埋紫荊會會員，每次訂機票可獲HK$50優惠，來回分開訂，一共平足HK$100呀（免費申請網址：http://bit.ly/YyOdXd）！

網址：www.hongkongairlines.com

（記得按下面「讚好」Share俾Facebook朋友）

想搵春季歐陸筍盤，點可以唔睇埋阿聯酋航空？佢精選劈咗幾個大城市，10/6前出發，飛巴黎$6,215起（來回連稅，下同），米蘭$5,953起，法蘭克福$6,391起，倫敦$7,120起，曼徹斯特$7,098起，Open Jaw（即唔同城市往返）都有靚價！機票有效期3日-1個月。以價論價：米蘭連稅跌破HK$6K心理關口，梗係好抵（話時話，國泰fanfares都有幾期冇見米蘭），巴黎同法蘭克福六千頭，都有睇頭！Check過系統，呢批價錢唔太難搵到，尤其係四月復活節後到六月頭，考試季節，想貴都難。此外，飛去美國東岸嘅紐約來回連稅HK$8,020起，供應量相對少啲，不過因為轉機時間短，兩程都係2-3小時，加上杜拜來回紐約坐番A380，性價比超高！最後提提您，經TopCashBack.com入阿聯酋官網可享有1.25％回贈優惠，唔知點玩回贈？按此睇睇吧！最後出票日期為15/3。

網址：www.emirates.com

（記得按下面「讚好」Share俾Facebook朋友）