澳門航空？相信好多Fans都未搭過（因為「又飛啦！」Fans佔九成都係香港人），一來隔離埠啦！最緊要係佢一向唔平。鬼咩！獨市生意！有阿媽國航同澳門政府撐腰，點解同你劈？生意一向麻麻嘅佢（你睇澳門機場有幾靜就知），近期好似迷途知返，開始加入劈價兵團（2/6我哋報佢隻東京2人同行MOP1,700）！今次再下一城，於23/6（週六）起至30/6推出限時劈價盤，由1/7至15/12出發，去東京／大阪／首爾來回MOP999（HK$969，未連稅，下同）起，飛曼谷／上海／新加坡來回MOP699（HK$679）起，嘩！堅抵呀！不過暑假都包？Well，斷估唔會暑假日日都咁平卦？想知供應量，不如等23/6上去官網自己發掘下啦！澳門Fans係咪好開心呢？

網址：www.airmacau.com.mo

（記得按下面「讚好」Share俾Facebook朋友）

早晨！今日食咗早餐未？未就要留意呢隻超筍早餐盤喇！虎航出名成日劈，今次就拎佢九月份飛新加坡嘅機位劈到半價！出發日期1/9 – 30/9，香港去程半價後為HK$269起，回程半價後為HK$375起，計埋稅／油附以及手續費，加埋就HK$977，即係俾一張金牛仲有HK$23落袋就可以飛到新加坡！抵啦（不過記住唔包行李寄艙及機上餐飲）！最後出票日期為25/6（下週一）上午11:59，不過Check過系統，平飛集中喺平日來回，Weekend就冇半價喇！都好啦！咁平，Weekday去囉！

網址：www.tigerairways.com

（記得按下面「讚好」Share俾Facebook朋友）

我哋「又飛啦！」7/5時寫過，首爾七月揀國泰，八月揀泰航，噢！八月原來仲有更好選擇！19/8至23/9飛首爾，機票有效期7日，去Zuji訂淨機票只需HK$2,508，連稅就HK$3,329，以八月暑假出發嚟講非常抵（仲要19/8到八月尾供應量足），況且韓亞班次密，你大可以揀OZ750零晨01:00出發，回程揀最夜個班OZ745晚上21:20回港，可以玩盡頭尾兩日，適合Weekend跑去首爾掃貨狂玩朋友。至於兩間廉航（真航／濟洲）唔係唔好，只係依家訂暑假飛，連稅大多係HK$2.5K以上，差八舊水，似乎韓亞抵啲，起碼慳番尾一晚酒店。

網址：www.zuji.com.hk

（記得按下面「讚好」Share俾Facebook朋友）

七月去倫敦睇奧運？抑或八月歎盡盛夏英倫？依家先搵機票，國泰來回直航淨機票最平HK$7,990，連稅HK$11,841；就算唔介意轉機，搭號稱歐洲平霸嘅卡塔爾航空最平連稅都要HK$8,654，仲要唔多選擇。咁不如諗下半直航吖（即係去程轉機，回程直航）！一樣搭國泰，去程由廣州出發，中轉香港再直飛倫敦，回程直飛香港返屋企，Check過系統，7月最平淨機票CNY4,330（HK$5,283）起，連稅CNY7,886（HK$9,621）起，同香港出發一樣有里數儲（12,039）。如果你咁啱配到即轉航班（即係香港等一兩粒鐘轉機），雖然要廣州出發，但慳番成HK$2,200以上，回程直航喎！咁八月呢？只係貴CNY200啫！仲要大把日子揀添！今年暑假飛倫敦，搭國泰超級抵。

網址：www.cathaypacific.com

（記得按下面「讚好」Share俾Facebook朋友）

AirAsia又劈啦！今次主題竟然係暑假！出發日期由25/6 – 30/8，即係包括整個暑假！不過咪太開心住，睇完Full List，香港出發嘅只有曼谷有得平，去程連稅HK$719起，回程連稅HK$714起，加埋就HK$1,433起，Check過系統，選擇唔多，去程暫時見到28/6, 2/7, 3/7, 29/7, 6/8, 11/8, 12/8, 14/8, 15/8, 23/8, 28/8, 29/8，回程就多啲，暫時見到1/7-5/7, 8/7, 9/7, 14/7, 15/7, 30/7, 9/8, 11/8-13/8, 18/8, 19/8, 25/8, 26/8，不過平飛有限，要搶快手！除咗香港<->曼谷之外，其實AirAsia亦劈咗唔少東南亞航線，選擇眾多，詳情請睇以下Link去官網查詢，最後出票日期為25/6。

網址：www.airasia.com

（記得按下面「讚好」Share俾Facebook朋友）

尋日我哋「又飛啦！」先講華航Weekend將12/7前出發嘅台北／高雄飛劈至HK$815，長榮一於照跟！Promotion理由都係一樣：慶祝香港旅遊展嘛！唔理啦，講番隻盤先：出發日期同華航一樣去到12/7，同樣2-7日機票，去程可揀早機，不過長榮就必須2人同行，淨機票價每位HK$950，貴過華航舊幾水，又要2人同行，捧邊間場，自己諗啦！提提你，佢寫明截止購買日期為19/6 23:59止，比華航更公開透明。

網址：www.evaair.com

（記得按下面「讚好」Share俾Facebook朋友）

華航靜咗一排，今日又嚟劈過！推出晨早08:15及08:20出發飛台北以及10:15搭華信飛高雄嘅平機票，只需HK$815，連稅HK$1,553（PayPal $155優惠不適用），出發日期由依家到12/7以及暑假尾25/8 – 29/9，Last Minute抑或遲啲飛都一樣咁抵。Check過系統，台北6-7月飛唔係日日有，不過數量仲有一定，8-9月就任揀；高雄線方面，好奇怪網頁內條Hyperlink竟然去唔到！用另外渠道去查，6-7月供應量不俗，9月打後竟然全冇，真係好奇怪，係咪系統未放飛出嚟？講明限時搶購，斷估又係Weekend劈，郁手啦！

網址：www.china-airlines.com

（記得按下面「讚好」Share俾Facebook朋友）