X
新航少做新加坡線優惠，依家又有喇！不過留意係2人以上同行，出發日期為1月5日至2月12日、3月2日至3月31日，每人來回淨機票HK$960起，連稅HK$1,631，記住新航係包埋行李寄艙同（好正嘅）飛機餐，相比廉航來回連稅冇行李冇餐飲都要一千頭（酷航例外），來回仲可以揀A380航班，加上航班選擇多（去程午及夜機，回程早午晚都有），呢口價值得去馬。Check過系統，供應量充裕，機票有效期5日（復活節冇），官網有售。
（覺得抵可用Whatsapp同LINE Share俾朋友架）
平坐A380飛新加坡！新航2人同行每人$960起，3月31日前出發
香港航空剛推出8週年劈貨，不過全部都要2人同行：台北每位HK$444起（連稅HK$1,075），三亞每位HK$444起（連稅HK$1,113），沖澠每位HK$944起（連稅HK$1,566），上海虹橋／浦東每位HK$894起（連稅HK$1,563），北京每位HK$1,044起（連稅HK$1,713），出發日期為11月24日至2015年2月10日（12月20,21,24-27,31日出發不適用）。當中最正梗係台北！連稅一千頭非常接近之前嘅一Click即享價！合埋眼掃啦！當中新曆新年（12月30日去1月5日返）仲有呢口價，聖誕正日就冇。次平係沖澠，雖然冇陽光與海灘，連稅HK$1,563都有故講。大陸線只屬一般貨色，總之掃台北先！Check過系統，由於冇乜人知，暫時供應量充裕，趁週末同fd字出街，一於趁機組團去台北Countdown！官網冇售，中旅社網站有得賣（可即時出票）。機票有效期7日，最後出票日期為12月18日。
（覺得抵可用Whatsapp同LINE Share俾朋友架）
跨年超平飛台北！香港航空2人同行，來回台北/三亞每位$444，沖澠$944起，2015年2月10日前出發
提提大家：大新銀行呢個HK$15,000旅遊現金券抽獎，愈早開戶，愈多抽獎機會。由依家至2015年3月31日期間以HK$50,000或以上全新資金開立YOU Banking「優易理財」戶口，即可參加抽獎。每月會抽出2位客戶，每人可獲得HK$15,000旅遊現金券，想聖誕新年免費飛番轉，睇您運氣啦！提供電郵地址，維持每月優易結餘每HK$50,000即多享一次抽獎機會，次數不限，存款越多，中獎機會越多。
就算抽唔中，只要維持每月優易結餘達HK$50,000以上，每3個月再送您2張UA院線電影禮券，全年最高可獲8張（總值高達HK$600），都有著數。
此外，透過網上預約開戶，更可獲贈caffè HABITŪ 8安士咖啡禮券。詳情及條款細則可到大新銀行官網睇睇，優惠由依家到2015年3月31日。
（覺得抵可用Whatsapp同LINE Share俾朋友架）
開立大新銀行YOU Banking「優易理財」，贏取HK$15,000旅遊現金券
今個月頭，我哋先介紹過港航有隻札幌單程返香港優惠，當時出發日期只限12月19日至21日。今日佢再加推新貨，出發日期更延後至12月23日及24日，換言之多2日揀，冇法啦！呢幾日去程一定爆但回程吉位多。淨機票HK$816，連稅HK$1,059，雖然日期麻麻，但話晒係直航兼包行李，如果之前買咗$1機票去日本，不如去埋北海道，只要買多程內陸機再加港航單程飛（原本回程嗰張就放棄），點計都平過香港直航札幌來回。Check過系統，供應量足，要留意12月23至24日嘅飛官網未有得買住，可以上ZUJI睇睇（Expedia平少少，但俾唔到錢，奇怪）。
（覺得抵可用Whatsapp同LINE Share俾朋友架）
Encore！香港航空札幌飛香港單程$816起，12月23至24日返港
中東三寶之一嘅阿提哈德航空，11月7日先完咗飛歐洲冬季優惠，點知即推新一波大劈！當中以羅馬／巴黎／倫敦劈得更深：出發日期由依家到2015年5月31日（12月19至23日以及2月14至20日不適用），當中4至5月係首度開賣，來回淨機票HK$2,650起，連稅計：羅馬HK$4,728起，巴黎HK$4,896起，蘇黎世HK$5,366起，慕尼黑HK$5,543起，柏林HK$5,792起，法蘭克福HK$5,889起，倫敦HK$5,991起，曼徹斯特HK$6,075起。但更抵玩係Open Jaw，好多組合來回連稅唔駛HK$5,000，最抵係倫敦入羅馬／伊斯坦堡／米蘭／巴黎出，來回連稅低至HK$4,728起，連國航都做唔到，極品抵買之選，詳情請往官網尋寶。Check過系統，跨復活節仲有貨賣（只係貴幾百）！呢口價唔駛諗，入手喇！機票有效期1個月，最後出票日期為11月20日。
提提您：想買Open Jaw機票，記得喺Search Engine中揀Multiple destinations / Stopovers。搜尋後，部份航班可能須先搭馬航由香港飛吉隆坡，再轉阿提哈德航空往阿布扎比，唔建議大家咁飛，記住揀番香港直飛阿布扎比，無就寧願改日子試試。
香港<->阿布扎比以塞舌爾航空執飛，時間如下：
HM087 HKG1855 / AUH2325 1,3,5
HM086 AUH2140 / HKG0940 2,4,7
未搭過阿提哈德航空？可以參考下我哋乘搭報告：https://www.facebook.com/media/set/?set=a.656779451045338.1073741827.192678424122112&type=1
（覺得抵可用Whatsapp同LINE Share俾朋友架）
超劈爆入！阿提哈德航空飛歐洲來回連稅$4,728起，跨復活節有！5月31日前出發
今日10:00又有首爾平機票！是咁的：韓國觀光社聯同濟洲航空同易斯達航空再度舉行「Korea CRAZY Fares」，今次開賣嘅機票比較Last Minute出發：由依家到12月19日前走。來回淨機票計：濟州航空HK$800起（連稅$1,500），易斯達航空HK$980起（連稅$1,680），機票有效期7日。前者包20kg行李，後者包15kg行李，計埋行李數，比起HK Express唔差太遠，呢隻盤好抵！不過供應有限，每間航空公司只會賣200張（濟洲航空可以直接上官網訂，易斯達航空需要經KTS 韓國旅行社填寫報名表格訂飛（詳情：http://www.ktstravel.com.hk/），所以行動一定要快快快！
成功透過今次活動入手者，仲可以憑電子機票喺機場櫃位辦理登機手續時免費換領「韓國自遊瘋。行程攻略」以及Cashbee交通卡，數量有限，送完即止。
濟州航空航班時間
去程：7C2110 13:35-18:25、7C2108 01:25-05:55
回程：7C2109 09:55-12:55、7C2107 21:25-00:25+1
易斯達航空
去程：ZE932 13:00-17:40
回程：ZE931 08:40-11:55
優惠詳情：www.koreaplaza.hk
韓國觀光社訂購網址：http://www.koreaplaza.hk/free_and_easy_go_2014.php
濟洲航空網址：en.jejuair.net（如果韓國觀光社冇Link放出，唔好等，立即上番濟洲航空搵！）
（覺得抵可用Whatsapp同LINE Share俾朋友架）
今早10:00開賣！濟洲航空或易斯達航空來回首爾$800起，各限200張，12月19日前出發
尋晚AirAsiaGo已率先開賣AirAsia Big Sales平套票（詳情請睇：http://flyagain.la/17409），如您只想買機票，今晚00:00就要去番AirAsia.com搶票喇（不過要同全亞洲朋友一齊搶）！出發日期為2015年6月10日至2016年1月17日（超遠期貨），香港出發來回連稅計：沙巴HK$510起，吉隆坡HK$824起，曼谷／清邁HK$986起，布吉HK$1,186起；澳門出發來回連稅計：吉隆坡HK$489起，曼谷／清邁HK$1,025起。其他AirAsia短途及AirAsia X長途航線都一齊劈。當中香港<->沙巴以及澳門<->吉隆坡為淨機票HK$0之選，低無可低，雖然係超遠期貨，依然值得優先去馬（如果您本身係AirAsia Big卡會員，依家已經可以登入Big卡戶口用0分換購（網址：http://redemption.airasiabig.com），只需俾番稅金就出票，唔駛今晚同人迫）。至於其他航點，香港<->吉隆坡來回連稅唔過HK$1,000當然可以入手，其他嘅唔急可以等下。以上價格不包行李寄艙及飛機餐，最後出票日期為11月16日。
網址：www.airasia.com （如果未得，請稍後再試）
（覺得抵可用Whatsapp同LINE Share俾朋友架）
AirAsia今晚00:00大Big Sales！香港沙巴及澳門吉隆坡淨機票$0！2015年6月10日至2016年1月17日出發
X