港航新出一批熱門航線平盤，但非常低調，連官網都冇得賣：出發日期為10月26日至12月19日，來回計，台北HK$750起（連稅HK$1,314），曼谷HK$730起（連稅HK$1,385），沖繩HK$1,150起（連稅HK$1,708），峇里島HK$1,550起（連稅HK$2,036），呢口價同佢平時做開嘅Last Minute劈「話飛就飛」差唔多，又唔駛限兩三日內訂，當中最推峇里島，連稅二千左右坐直航抵玩到暈，其次係曼谷，沖繩就睇您心水，話晒天氣開始涼。Check過系統，供應主要集中喺11月至12月初，機票有效期7日，最後出票日期為10月24日。Expedia比ZUJI平啲，可以去Expedia訂。

網址：www.expedia.com.hk

（覺得抵可用Whatsapp同LINE Share俾朋友架）

港航熱門航線淡季割，曼谷$730，台北$750，沖繩$1,150，峇里島$1,550起，12月19日前出發

靜咗一排，新航推出新一輪新加坡淡季平機票：出發日期由依家到11月30日，來回淨機票HK$1,170起，連稅HK$1,867起，機票有效期5日；想留多2日（7日票）就加HK$210，14日票就加HK$690，不過一般人去新加坡都係三／四日，買HK$1,170嘅飛已經夠用。Check過系統，供應量足，航班選擇亦多（就算最平嘅飛都可以做到早去晚返），雖然比廉航貴，但新航包行李寄艙及飛機餐，加上質素跑贏一條街，呢口價仍然OK，官網有售。最後出票日期為10月31日。

網址：www.singaporeair.com

（覺得抵可用Whatsapp同LINE Share俾朋友架）

新航淡季新加坡來回$1,170起，11月30日前出發

尋日話AirAsia冬天飛吉隆坡及曼谷平機票將會好有用，今日就講下點解：9月7日我哋先報過瑞士航空有隻超平Double Open Jaw飛歐洲（http://flyagain.la/16111），雖然已經冇咗，但我哋再次搵到同系嘅德國漢莎航空有類似平盤：去程改由曼谷（11月尾前）或吉隆坡（明年3月尾前）出發，飛倫敦（只限曼谷）／巴黎（前兩者須於德國轉機）／法蘭克福（直航），回程由巴塞隆拿／馬德里／布拉格／布達佩斯（經德國轉機）返香港，來回淨機票竟然低至HK$960起，連稅就HK$4,084起（如圖中曼谷去倫敦，巴塞隆拿返香港），加埋AirAsia單程機票及20kg行李，埋單分分鐘HK$5K附近！比起香港出發每人起碼慳HK$1.5K，一家幾口就慳近萬，又可以順便玩埋曼谷或吉隆坡，唔怕轉機者，呢碟一雞幾味實在太抵食！機票有效期3個月，最後出發日期到2015年3月31日，不過Check過系統，聖誕同農曆新年就冇咁平，一於上Expedia搵下。

想搵到最平組合，請留意以下貼士：

1. 揀”多個目的地”搜尋，去程必須係曼谷（11月尾前）或吉隆坡（明年3月尾前），回程必須揀香港
2. Open Jaw較易搵出此靚價
3. 香港飛曼谷單程廉航之價格以AirAsia作參考，佢飛曼谷廊曼機場，漢莎航空則以蘇凡納布機場為出發地，來往兩個航站樓可於廊曼機場地下搭免費接駁巴士（營運時間：08:30-23:30），建議最好預鬆起碼4-5小時轉機，又或者索性留曼谷玩幾日先飛歐洲

網址：www.expedia.com.hk

（覺得抵可用Whatsapp同LINE Share俾朋友架）

首報！德國漢莎航空曼谷或吉隆坡飛歐洲，歐洲返香港，來回連稅$4,084起

今晚00:00，又有港航「話飛就飛」Last Minute劈，雖然只有3個航點，但貴精不貴多。扣除紫荊會會員喺完成旅程後可獲50 eCredits回贈（免費申請網址：http://flyagain.la/bmiles），來回機票計：三亞HK$500起（連稅HK$1,114起）；台北HK$780起（連稅HK$1,359起）；上海浦東HK$880起（連稅HK$1,494起），出發日期：三亞（10月3至7日，11至14日）；台北（10月4日至16日）；上海浦東（10月13至16日，20至27日）。今次三亞平HK$80，台北貴HK$100，上海一樣。機票有效期7日，最後出票日期為9月26日（特價機票各有指定航班，出發日期各有不同，詳情請睇官網）。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，三亞$500，台北$780，上海浦東$880起，10月期間出發，今晚00:00開倉

AirAsia推出新一輪減價，對象係馬來西亞兩條航線：吉隆坡及沙巴，出發日期由10月6日至2015年3月31日，來回連稅計：沙巴HK$1,026起，吉隆坡HK$1,084起（澳門出發就MOP1,042起），當中以沙巴較有睇頭，因為對手HK Express 10月中會退出沙巴線，想平唯有搵番AirAsia（不過午返平機票好少，要慢慢搵）。澳門平飛吉隆坡更加要靠佢，逢低可吸納。Check過系統，折扣主要集中喺去程，想來回都有特價，不妨揀明年1月至3月出發。以上價格不包行李寄艙及飛機餐，最後出票日期為9月30日。

網址：www.airasia.com

（覺得抵可用Whatsapp同LINE Share俾朋友架）

AirAsia來回連稅沙巴$1,026，吉隆坡$1,084起，9月30日起截止

國泰港龍fanfares第100週又嚟啦！記得聽早08:00開倉喎！今次推出11個城市，自由揀日子估計為30/11/2014 – 13/12/2014，指定日子估計介乎25/09/2014 – 06/10/2014，想國慶長假平飛？聽早8:00去搶喇！

地點　淨機票 ｜連稅價 （評語）

馬尼拉 HK$790 | HK$1,290（唔啦唔啦）
南京 HK$790 | HK$1,405（一般一般）
青島 HK$890 | HK$1,505（可以可以）
胡志明巿 HK$990 | HK$1,646（都好都好）
峴港 HK$1,490 | HK$2,115（抵玩抵玩）
仰光 HK$1,490 | HK$2,068（唔錯唔錯）
大阪 HK$1,690 | HK$2,413（抵呀抵呀）
福岡 HK$2,090 | HK$2,661 （還可還可）
珀斯 HK$2,890 | HK$5,335（普通普通）
芝加哥 HK$2,990 | HK$5,620（抵爆抵爆）
法蘭克福 HK$2,990 | HK$5,272（必搶必搶）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

直飛蘇梅島極少有平貨，尤其係旺季啦（指11月下旬至明年3月初，天氣晴朗）！不過今次曼谷航空嚟個罕劈，值得飛身撲飛：出發日期為11月1日至12月16日、2015年1月1日至2月11日、2月22日至3月31日，來回淨機票HK$1,950起，連稅HK$2,597起，不過係3日票，唔建議買（咁少，點夠喉），建議加HK$450，可以逗留長達7日，來回連稅亦只係HK$3,047，由於蘇梅直飛只有曼谷航空，加上旺季，呢口價冇得輸！有心去就快手訂。最後出票日期為10月10日，官網有售。

網址：www.bangkokair.com

（覺得抵可用Whatsapp同LINE Share俾朋友架）

罕割！曼谷航空旺季直飛蘇梅島來回$1,950起，11月1日至3月31日出發

華航Lucky 7優惠去到第4週，今晚00:00開賣。今次賣澳洲悉尼及新西蘭基督城平貨：來回淨機票HK$2,777起，連稅計，悉尼HK$5,422起，基督城HK$4,862起，出發日期：悉尼9月22日至9月28日、10月3日至12月10日、1月10日至1月31日；基督城12月1日至10日、1月10至31日（逢週一／四／六）。以價論價，悉尼可以不理（轉機呢口價不如坐酷航），但基督城就唔同睇法，雖然除咗台北轉機外仲要中停悉尼，但來回連稅唔駛HK$5K，搭廉航都唔得呀！呢口價值得考慮。一如以往，加HK$9,000來回可坐商務艙，都建議大家加錢歎長途。機票有效期21日，不可中停台北，最後出票日期為9月24日。

網址：www.china-airlines.com

（覺得抵可用Whatsapp同LINE Share俾朋友架）

華航飛澳洲悉尼及新西蘭基督城$2,777起，加$9,000來回可坐商務艙，1月31日前出發