日本酒店，又有筍盤直送，今次仲包暑假添！Expedia.com.hk剛晒冷式推出日本8大城市平房，地點包括東京／大阪／京都／名古屋／福岡／沖繩／北海道／神戶，入住日期更去到10月31日，部份酒店暑假都一樣照劈，值得收睇。Check過系統，東京住大塚驛北口 R&B 酒店（http://flyagain.la/69w3），喺山手線大塚站附近，賣點係暑假都一樣堅平，每晚HK$496起（未連稅，下同），而且用戶俾足100%推薦呢！大阪可考慮哈頓酒店北梅田（http://flyagain.la/w66t），暑假每晚都係HK$762起，呢間我哋都推介好幾次，哈頓出品始終放心；福岡入住博多新樂都酒店（http://flyagain.la/fkc0），Sunroute啲房一向有水準！近博多站，暑假每晚HK$500起；名古屋可揀誠信名古屋酒店（http://flyagain.la/dd5d），每晚HK$390起，暑假都係貴HK$100-200，同樣贏取100%用戶推薦！附近係酒吧區，夜蒲者必揀。仲有其他城市平酒店，詳情請去Expedia.com.hk望望。最後訂房日期為7月10日。

網址：www.expedia.com.hk

（覺得正請記得按Like同Share俾朋友）

暑假抵住！Expedia日本8大城市酒店5折劈，5日限定，10月31日前入住

訂房網站HotelClub剛推出一隻折扣Code，冇乜人知，但行動要快，因為只限首200張訂單！呢個Code可以俾您減HK$250（須買滿HK$1,500以上，連稅計），如果您剛好買到HK$1,500，咁折扣率就變相高達83折，如果您有HK$3,000就建議分兩次訂，如此類推，食盡佢優惠。入住日期由依家至12月31日，暑假都用得，可以用港幣結算，東京／大阪／首爾／台北／曼谷等等熱門城市都得，有效日期去到7月31日或滿200張訂單。老規舉：訂之前，記得比價。此外，HotelClub會員每次訂房最高可獲4%回贈（經手機版訂就7%），俾您下次訂房扣減。咁點先可以一次過用折扣Code + 最高7%會員回贈？方法如下：

Step 1：先登記做會員，免費（https://www.hotelclub.com/account/registration）

Step 2：會員Login後，喺主頁左下角”I have a promotion code”或”我有促銷代碼”一欄輸入折扣Code（今次係：CHINESEAN-HK，折扣Code可重覆使用，限首200張訂單）

Step 3：Search完後，頁頂應該見到黃底黑字：”Congratulations! You have entered a valid promotion code”或”恭喜！您輸入的promotion code代碼為有效代碼”，否則代表該地區唔用得折扣Code。此外，要留意唔係間間酒店都用到Code，要確保酒店上有”PROMO CODE ELIGIBLE”或”可使用促銷代碼”字樣先用得（一般大型連鎖酒店唔用得）

Step 4：揀心水房間 -> 登記人客資料 -> 俾信用卡資料 -> 進行交易

Step 5：成功訂購後會收到電郵確認通知，就咁拎呢個Email去Check-in啦！

網址：www.hotelclub.com

（覺得抵請記得按Like同Share俾朋友）

限首200張訂單！HotelClub訂房$250折扣Code，最高83折，12月31日前入住

想賺取「亞洲萬里通」里數，又有一個好好嘅方法俾大家：新客戶去建行(亞洲)開立指定嘅儲蓄戶口，存入新資金（包括港元、人民幣或美元），並喺指定存款期內（約6至7個月）維持指定嘅平均結存，就可賺取相應嘅「亞洲萬里通」里數（或可選擇現金回贈）。最簡單係存入港元，每HK$50,000嘅平均結存可賺取3,000「亞洲萬里通」里數（或HK$200現金回贈），HK$100,000就可賺取6,000里數（或HK$400現金回贈），如此類推，最高可賺取180,000里數或HK$12,000現金回贈（以港元計即存入HK$3,000,000作儲蓄存款），可換3張來回美國西岸/澳洲甚至歐洲機票。

計過數，如要賺取同等嘅「亞洲萬里通」里數，最著數係存人民幣，因為金額要求比港元或美元低得多。所有里數將於完成指定的存款期後2個月內入番閣下指定嘅「亞洲萬里通」賬戶，如果依家存款，下年3月左右里數便到手，可以換埋暑假長途機票喇！想知更多詳情，可去建行(亞洲)官網睇睇，優惠期到2014年8月30日。

網址：www.asia.ccb.com

（覺得抵請記得按Like同Share俾朋友）

建行(亞洲)-「賞」飛儲蓄存款推廣優惠：新客戶存款可賺取「亞洲萬里通」里數

AirAsia 有一隻吉隆坡同沙巴遠期期貨，都幾平，但唔係好多人知，值得一報：來回吉隆坡HK$348起，連稅HK$846起、沙巴HK$388起，連稅HK$878起，您又可以喺吉隆坡轉機去檳城或浮羅交怡，來回連稅HK$198起，加埋都係千鬆啲，又可一雞兩味，抵玩吖～出發日期由2015年1月6日 – 2015年3月31日。呢口價貴過之前Big Sale HK$60 – HK$80，但好處係唔洗不斷Refresh個System搶飛，可以俾您慢慢揀。Check過系統，可以揀放工上夜機出發，回程週日夜機返，可以嚟一個Weekend Trip，當然農曆新年期間出發就冇呢口價，想玩嘅可以優先鎖定1月同2月頭，供應充足，上官網買啦（以上價格不包行李寄艙及飛機餐）！

網址：www.airasia.com

（覺得抵請記得按Like同Share俾朋友）

Air Asia期貨筍盤！來回連稅吉隆坡$846起，沙巴$878起，2015年1月至3月出發

曼谷呢期開咗兩個新商場（例如Central Embassy，Siam Square 1），同時都有一批酒店新力軍。想飛去曼谷新場Shopping，可以考慮埋今次AirAsiaGo特別為新酒店帶嚟嘅筍盤：入住日期由7月3日至10月31日，暑假都有！最抵5折起，仲可以用埋9折Code，抵上加抵，今晚00:00開賣。Check過系統，今期推介三間精選新酒店：1. 瑞士公園酒店以前叫Swiss Park，換新老闆後重新裝修並改名，5月1日先開幕。特色係18樓設有「180° Lounge」，可以180度高空俯瞰Sukhumvit區全景，最正係房價非常相宜，每晚只係HK$426起（未連稅及已用9折Code，下同），行去BTS NaNa站數分鐘而已，是日最推介！2. U Sukhumvit Bangkok今年4月先開張，位於Sukhumvit Soi15，走精品型格路線，房間夠大，每晚HK$367起，仲包埋早餐，抵到冇嘢講；3. Radisson Blu Plaza Bangkok又係5月先開張，行去BTS Asoke站5分鐘，位置極正！Blu系列係Radisson集團較Hip較高檔次，有泳池健身室，每晚只係HK$573起（暑假加HK$100-200左右）。至於其他新酒店不妨上AirAsiaGo官網望望，最後訂房日期為7月13日。

AirAsiaGo 9折訂房Code：MASTERCARD，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”MASTERCARD” 再按Enter就得（請留意：折扣只限純房價，稅及服務費冇得折，唔一定要用MasterCard信用卡架）。

網址：www.airasiago.com

（覺得抵請記得按Like同Share俾朋友）

AirAsiaGo曼谷新酒店5折割！可用9折Code，10月31日前入住，今晚00:00開倉

嘩！難得暑假旺季都有日本平飛！呢劑真係要暴搶！樂桃航空今晚香港時間11:00推出大阪飛香港單程優惠，出發日期由23/7 – 7/8，淨機票價6,980円起（約HK$534起），另加稅項同手續費就8,835円起（約HK$675起）；至於1/9 – 26/10，淨機票價5,980円起（約HK$457起），另加稅項同手續費就7,835円起（約HK$598起），太吸引吧！如果想去大阪玩番轉，不妨今晚先買回程，去程睇吓聽日樂桃有冇香港飛大阪優惠或者Check 吓 HK Express去程價啱唔啱心水。以上格價不包行李寄艙及飛機餐，最後出票日期為6/7晚上11:00。

提提您：買樂桃機票，填寫人名時必須：1. 全大階 及 2. 字冇空格，例如您叫Chan Tai Man Peter，姓就要打CHAN，名就要打TAIMANPETER，否則訂唔到架！

樂桃航空航班時間：

去程：MM64 12:30-17:15、MM68 00:35-05:20

回程：MM63 08:55-11:45、MM67 21:05-23:55

網址（桌面版）：www.flypeach.com

網址（手機版）：mobile.flypeach.com

（覺得抵請記得按Like同Share俾朋友）

極罕！暑假平飛日本！樂桃大阪飛香港單程$457起，今晚11:00搶

新加坡平機票唔難搵，但平酒店就……今晚00:00一於又搵AirAsiaGo幫手！事關佢推出新加坡酒店5折起劈，參與酒店超過32間，由入門到Resort都有，入住日期由7月1日去到12月31日，最正依然係可以用埋9折Code，抵上加抵。今次有3間平房推介：馬里士他飛龍飯店位於Balestier Road，搭的士去Orchard Road都係10分鐘左右，附近好多嘢食，例如小弟最Like嘅發起人肉骨茶，仲有黃埔（Whampoa）Hawker Center，每晚HK$422起（未連稅及已用9折Code，下同），鐘意食嘢者呢間最抵住！另一間唔駛HK$1,000推介有道拉特飯店，位於小印度區，打7折每晚HK$743起；筆直如果高少少，強推您住達騰酒店，位於唐人街牛車水，由舊式民居改建，配以型格復古裝潢，極具懷舊特色，甚多影相位！牛車水入夜後都有唔少小型酒吧俾大家Happy，每晚只係HK$838起，呢個區一向少有此價。至於其他酒店不妨上AirAsiaGo官網望望，最後訂房日期為7月6日。

AirAsiaGo 9折訂房Code：AAGTEN，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”AAGTEN” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵請記得按Like同Share俾朋友）

AirAsiaGo新加坡夏日酒店5折劈+9折Code，今晚00:00開倉，12月31日前入住

早餐盤近日排隊推出，明日就輪到韓國釜山：釜山航空將於明日（7月1日）香港時間早上9點開賣其早盤及期貨盤，出發日期由10月1日至明年3月31日，戰線極長，來回淨機票HK$990起（香港出發）或MOP990起（澳門出發），連稅計香港出發HK$1,748起，澳門出發就MOP1,984起。釜山依家有HK Express（香港快運）做競爭對手，以價論價，如果您唔急不如等下對手會否還擊，但如果一心想11月飛去睇紅葉，呢口價都入得過，話晒釜山航空包20kg行李寄艙，呢度都值HK$300。機票有效期7日，最後出票日期為7月7日。

航班時間如下：

BX392 HKG 0205 – 0610 PUS 320 D
BX391 PUS 2135 – 0001+1 HKG 320 D

BX382 MFM 0205 – 0610 PUS 320 1,4,6
BX381 PUS 2150 – 0020+1 MFM 320 3,5,7

網址：www.airbusan.com

（覺得抵請記得按Like同Share俾朋友）

7月1日早上9點開搶！釜山航空香港及澳門來回釜山$990起，10月至明年3月出發