本週長榮台北週末劈，有驚喜呀！事關首度開賣12月出發機票：出發日期18/11 – 17/12，雖然來回機票同樣HK$740起（連稅HK$1,398），但今次來回程都可以揀Hello Kitty航班，變相更抵買！班次方面，去程限坐BR828（07:30/09:10）／BR868（13:40/15:20）／BR870（15:30/17:10）／BR858（21:05 / 22:45 Hello Kitty航班）／BR810 （21:45/23:25），回程冇限制睇供應，機票有效期7日，最後出票日期為週日17/11晚23:59。Check過系統，供應量充裕，想來回都搭Hello Kitty航班？唔難買呀！本週的確抵買！

網址：www.evaair.com

（覺得抵請記得按Like同Share俾朋友）

大陸廉航春秋航空香港<->上海線再度出現來回連稅唔駛HK$1,000選擇：只需揀美元結算就得（喺搜尋器下面有「支付幣種」一欄），如果揀港幣結算，單程淨機票HK$199起，來回連稅HK$1,120起，但如果揀美元結算，單程淨機票US$16.1（HK$126），來回連稅US$125.8（HK$982），比港幣結算慳HK$138，就算計埋信用卡收海外簽賬之1-2%手續費，仍然有So。可惜呢口價供應量少，去程得番09/01，15/01兩日，不過回程US$16.1就有03，04，05，06，07，08，09，11，13，14/01，大家可以上番春秋官網發掘下。

網址：www.china-sss.com

（覺得抵請記得按Like同Share俾朋友）

返溫哥華探親？又有平機票！華航剛推出溫哥華筍盤，如果2013年出發（15/11 – 22/12；27/12 – 31/12），來回HK$2,950起，連稅HK$5,552起，如果2014年1至2月出發（09/01 – 24/01；04/02 – 28/02，來回HK$3,360起，連稅HK$5,962起，相比加航國泰呢排做嘅直航優惠，講真唔平幾多，但華航呢隻盤勝在可以俾您免費中停台北或高雄一次（旅客必須於香港出發前致電華航香港客服中心28682299安排妥當，並須補付相關稅金；倘若出發行程有任何一段涉及旺季時段，旅客須補付差額），方便大家「一雞兩味」，都有睇頭！機票有效期1個月，最後出票日期為20/12。

網址：www.china-airlines.com

（覺得抵請記得按Like同Share俾朋友）

有留意開「又飛啦！」嘅Fans，都知道DBS Black Card係全港最易賺取飛行里數嘅信用卡之一（本地簽賬HK$6賺1里，海外簽賬HK$4賺一里），依家DBS更推出全新Black World MasterCard，最大賣點當然係更多商戶可以使用啦！本地簽賬同樣HK$6賺1里，應該係全港最抵簽嘅MasterCard之一。至於卡嘅主要優惠同以往相若：包括9折訂Expedia.com.hk酒店；93折訂Agoda.com酒店；機場PageOne免費換領報章雜誌乙份等等，新客成功申請可獲最高32,000迎新里數，最正係連現有客戶申請都有本地簽賬HK$4.5賺1里優惠（須發新卡後首2個月內簽滿HK$7,000或以上，上限HK$15,000），一般邊有吖！想最快速度賺取免費機票？呢張梗要有啦！

申請即上：http://bit.ly/1h7OhYG （經此申請多送500里數！）

 （覺得抵請記得按Like同Share俾朋友）

香港飛新加坡成日有平機票（競爭多，梗要劈），但澳門出發就極少有筍盤，今次虎航就有好嘢益澳門fans：呢幾日佢喺新加坡推出「買去程，送回程」優惠，出發日期為02/04/2014 – 19.07/2014（遠期期貨），Check過系統，原來就算澳門出發飛新加坡一樣得，只不過變成「買回程，送去程」而已，無所謂啦！去程就$0 + $140稅及油附（唔係日日有，數量亦唔太多），回程最平HK$850全包，加埋硬食嘅網上訂票手續費HK$114（呢項收費香港出發經已取消，但澳門出發仍然要俾），來回連稅HK$1,129起，係就冇酷航平到來回連稅六七舊咁So，但計番香港<->澳門船飛錢，呢個價仍屬抵買範圍，而且慳番唔少轉機時間呢！澳門fans想去環球影城／Legoland？依家去虎航官網訂啦！記住要見到Return for free + tax先係HK$0機票，最後出票日期為17/11。

網址：www.tigerair.com

（覺得抵請記得按Like同Share俾朋友）

P.S. 話時話，虎航訂票介面改革咗，更加似酷航，靚仔咗，有進步！

呢幾日平價機票排山倒海咁出，今晚又有一單，呢次係套票嚟：Expedia.com.hk剛推出曼谷超平套票，搭AirAsia連3晚住宿，最平每人只需HK$1,415起，記住係：包機票 + 包酒店 + 仲包埋稅！呢次真係馬交價飛曼谷！出發日期為08/01/2014前。Check過系統，HK$1,415嘅套票係住3星Nasa Vegas（詳情：http://flyagain.la/expedia-nasavegas），Budget鬆啲嘅，不妨揀新開張嘅Centara　Watergate Pavillion Hotel Bangkok（詳情：http://flyagain.la/expedia-centarawatergate），勁近Central World同食水門雞飯；至於位於Lumphini地鐵站旁嘅5星Sofitel So（詳情：http://flyagain.la/expedia-sofitelso），4日3夜套票只係HK$2,703起，平時間房都賣緊千幾蚊一晚啦！又近Silom夜市。想豪嘆一番嘅，入住新嘅大倉The Okura（詳情：http://flyagain.la/expedia-okura），HK$3,170起真係超值到爆。

此外，31/11前登記埋Expedia電郵通訊，仲可享10%酒店預訂優惠添。
（登記網址：http://flyagain.la/expedia-edm）

其他優惠套票詳情請睇：www.expedia.com.hk

（覺得抵請記得按Like同Share俾朋友）

今晚華航官網做緊24小時台中／高雄特價機票，來回HK$790連稅HK$1,481，回程可以改台北／台中／高雄。咦？點解去程冇得揀台北？其實ZUJI有呢隻平飛賣呀！來回HK$830看似貴HK$40，但連稅HK$1,488只係比華航官網貴HK$7，兼且可以即時確認，經華航官網買要先訂好來回台中／高雄機票後再打去華航熱線更改（2868 2299），華航官網已寫明”視乎機位供應情況”，要有心理準備到時未必改到心水航班，唔想煩？呢HK$7俾ZUJI係抵嘅！兼且唔駛限24小時內出票呢！機票有效期7日，最後出發日期30/11。

網址：www.zuji.com.hk

（覺得抵請記得按Like同Share俾朋友）

之前想平訂HotelClub內酒店，須透過TopCashBack然後再去HotelClub訂房以獲得14%回贈。依家佢官網同樣推出一個14%折扣Code：EARLY14，唔駛經TCB，可直接喺HotelClub官網使用，可以港幣結算，適用於預訂01/01/2014 – 30/09/2014入住之房間，大型連鎖酒店一般不適用。想知心水酒店／地點可否用呢個14%折扣Code，建議大家去HotelClub官網細心發掘下，尤其係農曆新年打算出埠嘅Fans，要趁早訂房喇！最後使用日期為17/11。

網址：www.hotelclub.com

（記得按下面「讚好」Share俾Facebook朋友）