去蒙古玩，首推夏天時段，可以感受蒙古嘅草原騎馬等大漠風情！難得今年暑假都有平飛：搭蒙古航空（MIAT）直飛首都烏蘭巴托，來回淨機票HK$3,450起，連稅HK$3,754起，暑假大旺季都冇加價，呢口價絕對有睇頭。出發日期由依家到2016年1月28日。Check過系統，平飛供應量足，有心去就快手喇！此外，香港特區護照持有人去蒙古可享有14日免簽証（留意BNO持有人需要申請簽証），機票有效期為21日，有興趣可上官網買。

旅遊小提示：每HK$1約等於250蒙古圖格里特（MNT）。當地消費唔高，大家大可盡情購買地道紀念品。當地嘅交通以的士為主，由機場前往市區約HK$50左右。另外，肉食以羊肉為主，唔好羊嘅要做好準備喇。

航班時間：
去程 OM298 逢週二、四、日 12:05 / 17:45， 逢週五 18:25 / 00:05+1
去程 OM2972 逢週一 18:30 / 00:10+1
回程 OM297 逢週二、四、日 07:25 / 10:55， 逢週五 13:45 / 17:15
回程 OM2971 逢週一 14:00 / 17:30

網址：www.miat.com

（覺得抵可用Whatsapp同LINE Share俾朋友架）

暑假策騎，狂奔蒙古！蒙古航空直航烏蘭巴托$3,450起，2016年1月28日前出發

Do姐都有講出外旅行，保險真係唔少得。加上就嚟暑假，蘇黎世保險（香港）推出夏日保險優惠，購買單次旅遊保低至75折優惠（12人以下為8折優惠，12人或以上則為75折優惠）；如果成日飛，可買全年旅遊保，保費低至每月HK$84起，而成功投保更可獲贈HK$100超市禮券。而保障範圍更包括新增嘅保障項目：因應MERS（中東呼吸綜合症），如8月前往韓國旅遊，將提供強制隔離現金津貼（每日為HK$500，最多為10日）。另外，其他保障項目還包括（部份內容）：自駕遊租車自負額保障達HK$5,000、保障多項危險旅遊活動如滑雪、水肺潛水、急流漂筏、跳傘、笨豬跳等、旅程取消、縮短旅程或延誤保障及24小時全球緊急支援服務等。優惠期由依家至8月31日，優惠受條款約束。

請留意：買保險唔同訂酒店/機票，千其唔好單睇保費多少，一定要比較埋受保範圍及賠償金額多少先係真正格價。

優惠詳情：www.zurich.com.hk

（覺得抵可用Whatsapp同LINE Share俾朋友架）

蘇黎世保險（香港）網上投保，4日旅程保費低至HK$66

由香港飛新加坡想平，靠國泰（來回連稅HK$1,215起）！但好多粉絲都話新加坡去到悶，不如睇埋虎航呢隻新加坡出發嘅盤，自制一雞兩味，玩埋其他東南亞地方，來回連稅計（只列部份）：吉隆坡SGD52起（約HK$300起）、浮羅交怡SGD69起（約HK$398起）、雅加達SGD79起（約HK$456起）、峇里島SGD139起（約HK$803起）、馬爾代夫SGD249起（約HK$1,438起），出發日期由7月20日至11月28日（各航點之出發日期各有不同，詳情請睇官網）。當中首推馬爾代夫線，連計香港來回新加坡，連稅合計HK$2,653起，絕對吸引。至於其他航點可上官網瀏覽，最後訂票日期為6月28日23:59，上官網買。

網址：www.tigerair.com

（覺得抵可用Whatsapp同LINE Share俾朋友架）

自制一雞兩味！新加坡來回連稅吉隆坡$300、浮羅交怡$398、雅加達$456、峇里島$803、馬爾代夫$1,438起，11月28日前出發

港航「話飛就飛」今期有2個東南亞航點及2個中國航點，其中台北線價錢真係好吸引，今晚00:00（6月24日）上去買啦：來回台北HK$500起（連稅HK$841起）、福州HK$600起（連稅HK$927起）、南京HK$800起（連稅HK$1,127起）、峇里島HK$1,950起（連稅HK$2,281起），出發日期由7月1日至7月15日（特價機票各有指定航班，出發日期各有不同，詳情請睇官網）。唔洗講一定先搶台北！不過留意航班以夜機出發，適合大家放工上機；另外峇里HK$2K左右以直航嚟講算抵買，至於中國航線就視乎閣下需要啦！機票有效期7日，最後出票日期為6月26日，上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

正！港航台北$500起、福州$600起、南京$800起、峇里島$1,950起，7月指定日期出發

適逢HK Express做緊Mega Sale，想飛得再抵啲？用DBS Eminent Card啦！由依家至6月29日期間，用佢黎買HK Express機票，票價可享獨家9折優惠。加上推廣期內，9折後全數簽賬（包括離境稅、燃油附加費及其他收費等等）可再獲額外回贈高達10%，岩晒愛旅遊嘅您啦。

冇DBS Eminent Card都唔緊要，其實用DBS Black World MasterCard，票價都可以有個92折。

以上優惠之旅遊日期由即日至2016年3月26日，用嚟book Mega Sale機票都得㗎！立即行動，搜尋您想航班。

提提您，要喺search航班之前入Promo Code架!
DBS Eminent Card 9折Code：HKEDBS10
DBS Black World MasterCard 92折Code：HKEDBS8

請留意，優惠受條款及細則約束。

HK Express網址：www.hkexpress.com

（覺得抵可用Whatsapp同LINE Share俾朋友架）

限賣7日！用DBS Eminent Card或DBS Black World MasterCard買HK Express機票享即時票價折扣，旅遊日期至2016年3月26日

去旅行都想同朋友保持聯絡，玩吓Facebook，同留意我哋Flyagain？咁就要租WiFI蛋蛋喇。中國移動香港Pocket WiFi推出全新優惠：只要租4日或以上，即免收一日費用！另外，由依家到6月30日，星、馬、泰、日、韓、台等等全日任用日費減HK$30（每日只要俾HK$60就可以任用），換句話說，HK$180就可以租4日，真正抵上加抵！一如以往，可以Share最多10部裝置，部份地方更可用4G；加上可以先網上預訂，到出發當日直接喺香港機場離境大堂拎同還蛋蛋，夠晒快靚正（您亦可往旺角及上水分店拎/還機）。提提您，此服務只適用於任何持有香港永久性居民身分證及有效信用卡人士使用。

網址：www.hk.chinamobile.com

（覺得抵可用Whatsapp同LINE Share俾朋友架）

中國移動香港Pocket Wifi租4日Free1日！6月30日前星馬泰日韓台每日$60任用，抵上加抵

越南航空剛推出新一輪河內及胡志明市平盤，以價論價幾抵玩：來回淨機票HK$900起，連稅計，胡志明市HK$1,281起、河內HK$1,320起，可以Open Jaw（即不同城市往返），出發日期由依家至12月31日。呢口價可以接受，Check過系統，暑假唔見有平飛，主要集中10月至11月淡季，機票有效期1個月，最後出票日期為8月31日。

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。

網址：www.vietnamairlines.com

（覺得抵請記得按Like同Share俾朋友）

不過不失！越南航空飛河內胡志明市來回$900起，可Open Jaw，12月31日前出發

暑假想睇非洲大草原？呢隻平盤幫到您：埃塞俄比亞航空經阿迪斯阿貝巴飛非洲各大城市來回淨機票HK$1,980起，連稅計：嘉柏隆里HK$3,485起、約翰尼斯堡HK$3,769起、塞舌爾HK$4,124起（渡假天堂！陽光與海灘 Yeah！）、開普敦HK$4,599起、奈羅比HK$4,767起，呢口價飛非洲大陸比較罕見。出發日期由依家至2016年3月31日，機票有效期為3個月，暑假期間出發都仲有少量，留意香港暑假係南非冬天，記得帶多幾件衫，可上官網買。

網址：www.ethiopianairlines.com

（覺得抵可用Whatsapp同LINE Share俾朋友架）

罕平！埃塞俄比亞航空香港飛非洲$1,980起，2016年3月31日前出發