AirAsia推出限昤優惠，來回連稅計：亞庇TWD3380起、峇里島TWD4,763起、吉隆坡TWD5,612起，出發日期由即日至9月30日，優勝在既可即買即享受，又有暑假平票，當中以峇里島最好康，為渡假首選！系統順暢及淡季（5至6月）供應足，暑假（7至8月）相對較少供應，以峇里島暑假出發只有（8月3、4、6、10、11、15、17、18、24、25、27、29、31）。以上價格不包行李寄艙及飛機餐，最後出票日期為5月10日。

寄艙行李費用（每程計）：
亞庇：20kg – TWD550、25kg – TWD680
峇里島、吉隆坡：20kg – TWD888、25kg – TWD1,188

網址：www.airasia.com

（覺得抵可用Whatsapp同LINE Share俾朋友架）

暑假平票！AirAsia台北來回連稅亞庇TWD3380、峇里島TWD4,763、吉隆坡TWD5,612起，9月30日前出發

今個禮拜港航「話飛就飛」，主角又係沖繩、河內同台北，冇咩新意囉：來回沖繩HK$1,250起（連稅HK$1,527起）、河內HK$750起（連稅HK$1,168起），5月至6月初指定日期出發（詳情請睇官網）。當中沖繩一貫平價，以淡季價錢，玩轉夏日，啱就去馬！台北線唔係最平，仲比華航貴少少！河內長期呢口價，記住要俾HK$580簽證費囉！機票有效期7日，最後出票日期為5月8日，啱駛嘅朋友可以上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，台北$700起、河內$750、沖繩$1,250起，5月至6月指定日期出發

每年國泰港龍都推出全日制學位及副學位大專生優惠，今季都有，不過一睇就知頗有伏味，學生哥要加倍小心（咪人叫您買就買）！今次推出59個短途、澳洲同歐洲優惠航點，只要您學生證有效期年份係2015年或以後（即係31/12/2014前不適用）就可以買，每人只限1張（Check-in時必須Show有效學生證，否則冇得上機）。

價錢方面：
台灣HK$790起，連稅HK$1,129起（毫無特別）
中國HK$790起，連稅HK$1,117起（鐘意先去）
東南亞HK$1,190起，連稅HK$1,567起（真係有平？）
日韓HK$1,690起，連稅計：福岡HK$1,966起／沖繩HK$1,967起／名古屋HK$2,070起／東京成田HK$2,072起／東京羽田HK$$2,077起／首爾HK$2,105起／大阪HK$2,101起／札幌HK$3,269起（呢批先抵！）
澳洲HK$3,690起，連稅計：珀斯HK$4,790起／墨爾本HK$4,807起／阿德萊德HK$4,834起／開恩茲HK$4,896起／布里斯班HK$4,905起／悉尼HK$4,909起（fanfares價囉！）
歐洲HK$4,490起，連稅計：蘇黎世HK$5,321起／杜塞爾多夫HK$5,584起／曼徹斯特HK$6,056起（根本無平！）

以上各價，只有日韓各線最吸引（特別係札幌，直航比對手平近半），長途唯有揀蘇黎世。比較吸引係機票有效期長達21日，比一般平飛7日多，仲可以儲25% Asia Miles（如果新登記「亞洲萬里通」仲額外送500Miles）！所以最啱去日本慢慢玩！

提提您，澳洲、曼徹斯特及蘇黎世航線出發日期由5月4日至6月15日、杜塞爾多夫由9月1日至30日、其他航線則為依家至7月8日、8月24日至9月15日；5月4日至6月15日。旺季期間冇平飛，啱就早買早玩。最後訂票日期為7月8日（上年訂過嘅同學們會收到優先訂購的電郵，可於今日至5月6日前率先入手，其他就要等到5月7日先可以往官網買）。

網址：www.cathaypacific-campaign.com

常見問題：www.cathaypacific.com/content

（覺得抵可用Whatsapp同LINE Share俾朋友架）

小心中伏！大專生限定！國泰港龍飛中國及台灣$790、東南亞$1,190、日韓$1,690、澳洲$3,690、歐洲$4,490起，9月15日前出發

HK Express第4批平貨，今晚00:00出籠！今次對象係越南同柬埔寨（峴港、暹粒），單程淨機票HK$88起，來回連稅計：峴港HK$593起、暹粒HK$656起，呢口價當然超平，尤其係暹粒！峴港出發日期為6月1日至2015年10月23日，暹粒出發日期為9月1日至2016年3月24日。根據經驗，各大旺季時段未有供應（7月中前仲有機會），建議首選平日時段，以上價格不包行李寄艙及飛機餐，最後訂票日期為5月4日。

寄艙行李費用：
20kg 每程HK$150，25kg 每程HK$200，30kg 每程HK$250

HK Express網址：book.hkexpress.com

相關文章：必睇！香港快運訂票10大Q&A：http://flyagain.la/?p=9895

（覺得抵可用Whatsapp同LINE Share俾朋友架）

南亞孖寶！今晚00:00搶！HK Express峴港、暹粒單程$88起，2016年3月24日前出發

香港航空又推「一Click即享」機票，講真唔多平，好想買先不妨一睇：出發日期由9月1日至9月24日、10月10日至12月15日、2016年1月4日至1月14日，屬遠期期貨，來回計：台北HK$660起（連稅HK$953起）、曼谷HK$830起（連稅HK$1,213起）、沖繩HK$1,050起（連稅HK$1,331起）、峇里島HK$1,840起（連稅HK$2,176起）、鹿兒島HK$2,800起（連稅HK$3,016起）、札幌HK$4,050起（連稅HK$4,333起），講真只屬正常淡季價，咁早訂都係呢口價真係買唔落手（況且航班時間只屬一般），鹿兒島跟札幌更比上次「一Click即享」推廣貴，唔急不如Last Minute先買。機票有效期7日，官網有售。

網址：www.hongkongairlines.com

（覺得抵可用Whatsapp同LINE Share俾朋友架）

港航普通期貨，台北$660、曼谷$830、沖繩$1,050、峇里島$1,840、鹿兒島$2,800、札幌$4,050起，2016年1月14日前出發

今晚00:00，又有例牌嘅港航「話飛就飛」Last Minute劈，今次有4個航點，吸引度好一般，睇完就算啦：來回河內HK$900起（連稅HK$1,418起）、上海HK$1,000起（連稅HK$1,329起）、北京HK$1,050起（連稅HK$1,379起）、札幌HK$4,050起（連稅HK$4,334起），出發日期由5月8日至5月22日（視乎航點）。河內比上期貴咗HK$246（唔係呀！？），至於札幌就係長期常價，北京叫做OK啦。機票有效期7日，最後出票日期為5月1日，啱就上港航官網買。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，河內$900、上海$1,000、北京$1,050、札幌$4,050起，5月指定日期出發

大家都知港航經濟艙一向甚平，但佢依家連商務艙都肯大割一番，有筆直朋友不妨趁機豪一豪佢，事關部份航點同日期比對手經濟艙差唔多價，識得揀梗係買商務艙：須2人同行，出發日期為5月2日至7月8日，來回台北每位HK$1,563起（連稅HK$1,904）、曼谷HK$2,932起（連稅HK$3,366）、沖繩HK$3,122起（連稅HK$3,453）、峇里島HK$4,683起（連稅HK$5,069）、札幌HK$7,047起（連稅HK$7,380）。以價論價，雖然台北機程短，但今次俾多HK$1,000就來回坐商務，加上航班任揀（可早去晚返），趁機試下港航兩地Lounge都Very Good；而沖繩最難得7月頭都仲有呢口價，當對手港龍經濟艙都做緊HK$2,990（未連稅）2人同行時，一睇就知邊間抵（去沖繩有2個半小時機程，可以歎耐啲）。至於曼谷同對手相若，峇里島都可以考慮，但沖繩略嫌貴少少。機票有效期7日，官網無售，請上Priceline訂。

提提您：2人同行機票必須同去同返，是旦一人上唔到機，另一位都冇得飛，買之前要留意。

網址：www.priceline.com.hk

（覺得抵可用Whatsapp同LINE Share俾朋友架）

罕有！平歎商務艙！港航2人同行台北每人$1,563、曼谷$2,932、沖繩$3,122、峇里島$4,683、札幌$7,047起 ，7月8日前出發

OpenSnap知道美食佳餚已成為香港人首選嘅模特兒，所以推出遊戲活動，俾您贏埋機票同住宿禮券，第一階段送台北機票已順利完結，嚟到第二階段，快啲行動啦！依家只要用手機下載OpenSnap《開飯相簿！》，tag任何兩間本港餐廳並upload三張美食嘅相片，經過批核並成功刊登於OpenRice，就自動獲得一次機會。第二階段嘅遊戲日期由依家至5月11日，之後將抽出600名合資格參加者，再以餐廳數量計算排列，頭100位可獲曼谷來回機票1張連Airbnb HK$600住宿禮券，其餘500位則獲得HK$200超市禮券，而數量最多嘅10位仲可以額外獲得各種家庭電器。第二階段得獎名單將於6月5日於星島日報、The Standard及活動網頁刊登。反正日日都要食幾餐，玩埋呢個遊戲分分鐘贏埋機票，No Harm吖，立即行動啦!

請留意網站內嘅條款同細則。

網址：www.opensnap.com.hk

（覺得抵可用Whatsapp同LINE Share俾朋友架）

手機再食先！分享美食相片畀OpenSnap，第二階段贏曼谷機票連住宿禮券，5月11日截止