上星期五，我哋「又飛啦！」先話長榮飛台北，淨機票好少低於HK$1,000，點知低處未算低，佢推出2人同行優惠，由依家到15/12出發（28/9 – 1/10及20/10除外），去程指定搭早機BR828（07:30/09:10），回程指定搭最夜班機BR827（21:50/23:40），每人只需HK$850，連稅HK$1,569，只要俾多HK$50，回程可揀其他班次（包括Hello Kitty機BR858，不過13-17/10暫時使用），機票有效期為7日，如果1人飛嘅，就只係俾多HK$150，唔知其他對手稍後有乜反擊呢？

網址：www.evaair.com

（記得按下面「讚好」Share俾Facebook朋友）

自從華航冇咗PayPal減HK$233優惠後，想突圍，唯有直接減票價啦！佢推出週末限時劈優惠，由依家到週一早上08:00出票，如果想飛台北／高雄，出發日期為6/10或之前，來回劈到HK$860，連稅HK$1,579！兩地去程限14:00之前出發，回程冇限，比之前同類特價飛多平三舊，平上加平，打七折都算夠力水，如果7/10至30/11出發就加多一舊：HK$960，連稅HK$1,679，去程可以揀埋夜機，選擇更多！台東方面，由依家到30/11前出發一律HK$960，連稅HK$1,679，來回航班冇限制，值得搶購！順帶一提，華航將聯同「又飛啦！」推出獨家優惠，詳情留意稍後我哋公佈啦！

網址：www.china-airlines.com

（記得按下面「讚好」Share俾Facebook朋友）

遲起嘅鳥兒又有蟲吃！長榮台北線好少低過HK$1,000，最平已經係27/8我哋「又飛啦！」報導嘅二人同行HK$970（國慶零晨出發嘅HK$790唔計，話晒只係加班機而已），點知佢又嚟一招暗劈，唔聲唔聲，將由依家到20/9出發去台北嘅早機BR828（07:30/09:10）劈到HK$960（連稅HK$1,679），仲要買1張都得，Last Minute機票都咁靜雞雞劈價，如果唔係我哋咁醒水，真係走寶都唔知！回程冇限制，視乎供應，有時仲可以揀到Hello Kitty航班BR857（18:10/19:50）添！呢個價坐長榮飛台北，仲可以早去晚返，係咪好想即刻又飛啦先？

網址：www.evaair.com

（記得按下面「讚好」Share俾Facebook朋友）

國慶期間，航空公司會額外加班疏導人流，尤其係港台黃金線，依家一般航班已經好爆。長榮率先推出兩班加班機俾大家選購：不過要搭零晨機，但計落真係幾抵。第一個選擇係去程6/9至28/9是旦一日飛台北，但回程必須搭29/9零晨04:20/06:00嘅BR1857加班機回港，來回淨機票$840（連稅HK$1,558）。一般特價飛有效日期最長7日，但呢隻機票您有權去足23日！依家買一個月有效期機票飛台北一般要HK$2K（未連稅）以上，依家您只要捱一程零晨機，就可以慳足千幾蚊，勁化算啦！第二個選擇就係去程必須揀3/10零晨01:05/02:45嘅BR1857，回程冇限制視乎供應，機票有效期最長14日，淨機票賣HK$790，連稅HK$1,508，由於去程限坐3/10，平日嚟嘅，相對上冇咁吸引，但14日機票坐長榮有呢口價，都值得講俾大家知。官網暫未推出，上真旅網買啦！

網址：www.travelzen.com

（記得按下面「讚好」Share俾Facebook朋友）

16/8，「又飛啦！」就同大家報過華航9月中前飛台北高雄來回淨機票HK$737，但華航已經暗地Encore！「又飛啦！」再度全港首報，先講台北線：由21/9 至 26/9期間嘅週三／五／日，如果您揀指定早機航班出發：CI602（10:15/11:55）、CI904（11:05/12:45）或CI642（11:40/13:20），回程任揀視乎供應，連稅就HK$1,738，扣減PayPal優惠HK$233以及油附HK$718，淨機票只係HK$787，單人飛都得！仲要早機出發添！至於高雄，只要揀以下三日出發：13/9、19/9及23/9，去程限坐航班日日不同，回程冇限制，價錢同台北一樣（淨機票HK$787，連稅HK$1,505，需用PayPal付款）；至於台中基本上25/9前整個9月都有淨機票HK$787選擇。機票有效期一律7日。依家淡季想執台灣平機票，Last Minute出票似乎係最佳途徑鳥！

網址：www.china-airlines.com

（記得按下面「讚好」Share俾Facebook朋友）

P.S. 原來呢篇已經係第700篇報導了！多謝各位Fans一直支持「又飛啦！」

27/8，我哋「又飛啦！」同大家講過長榮有隻台北日本一雞兩味（即係一遊兩地）優惠機票，華航今日就趁推出Crazy Tuesday，追住長榮嚟砌！只要您用埋佢PayPal $194優惠，飛日本連稅最平只需HK$2,039（您冇眼花，係連稅）！仲可以俾您免費停台北一次（可揀去程或回程，需再補相關稅金及燃油費差額），出發日期為4/9 – 31/10（29/9及30/9中秋國慶長假出發不適用）。目的地方面，最平沖繩HK$2,039（連稅及計埋PayPal $194優惠，下同）、東京HK$2,242、福岡HK$2,403、大阪HK$2,303、名古屋HK$2,558，供應唔算好多，未必日日有，自己上佢官網Check吧！

網址：www.china-airlines.com

（記得按下面「讚好」Share俾Facebook朋友）

繼本週一長榮劈台北2人同行平機票至每張HK$970起，事隔兩日，華航終於出手，一口氣推出台北／高雄及台中三線2人同行平機票，機票有效期2-7日，淨機價每張HK$980，同長榮相若，不過華航勝在有PayPal付款優惠，每張再減HK$233後，淨票價每人只需HK$747（連稅HK$1,417）：看似唔係最平，事關9月頭飛台北／高雄1人飛淨票價都只係HK$737，依家2人同行喎！不過睇真啲，今次加入埋台中，加上去程航班選擇多，而且有效期去到30/11，如果你一早Plan好同Honey或朋友10-11月去台灣嘅，可以出咗先，如果你一支公嘅，不妨等等，事關佢依家賣緊淨票價HK$1,057（連稅HK$1,727，須配合PayPal HK$233優惠），估計仲有劈價空間。順帶一提，華航會由1/9起調高燃油附加費，香港出發到亞洲每程加HK$24，來回加HK$48，到歐美澳洲就每程加HK$84，來回加HK$168。

網址：www.china-airlines.com

（記得按下面「讚好」Share俾Facebook朋友）

知道大家勁Like去台北，近月華航不斷減價，淨機票減到七八舊，久冇劈盤嘅長榮終於還擊！推出2人同行飛台北優惠，佢分兩種價錢：如去程揀最早個班BR828（07:30/09:10） / BR810（21:45/23:25）就每張HK$970（未連稅，下同），如果去程揀下午2時或晚上9時後出發之航班，每張就HK$1,030，差HK$60而已，回程就冇限制視乎供應（有時回程會揀到Hello Kitty航班BR857），出發日期為25/8 – 27/9；2/10 – 18/10。想貼近中秋國慶長假期飛台北？以27/9去2/10返為例（請2日假），Check過系統，2人同行每張HK$1,200，回程仲要係超早機08:20！如果遲一日返（3/10），每張賣HK$1,030，回程最遲只剩番中午12:40，不過前後請3日假，又好似多咗啲～自己決定啦！

網址：www.evaair.com

（記得按下面「讚好」Share俾Facebook朋友）