X
港航逢星期五出招，今期嘅「“飛”試不可- 週末狂熱」推出新加坡（HK$1,000）、河內（HK$2,090）。河內呢口價算把啦！新加坡之前佢做10月頭特價HK$1,158，依家9月份出發佢仲減多百幾蚊，抵上加抵。訂票時間由依家到20/9為止，出發日期為23/9至29/9，Check過系統，五去日返賣晒喇！但國慶個Weekend仲有喎！最遲28/9週三去2/10返，連稅都只係HK$1,730，咪請週四同週五兩日囉！
（記得按下面「讚好」Share俾Facebook朋友）
為慶祝AirAsia老細正式入主英超新升班隊伍昆士柏流浪，AirAsia推出明年一至三月尾嘅平機票。香港出發者只有曼谷（單程連稅HK$688，下同）、吉隆坡（HK$738）同檳城（HK$588）有特價飛，不過喺吉隆坡出發者，好多地方都有超特價選擇，例如去浮羅交怡單程全包都只係HK$137，抵過你搭車啦下話（況且搭車去唔到呢）！Check過系統，除咗農曆新年冇提供之外，其他日子都仲有大量選擇，訂位日期去到20/9為止，快啲同班Friends Plan一Plan嘞～～～
（記得按下面「讚好」Share俾Facebook朋友）
靜咗兩個幾星期，AirAsia又手痕喇！今晚凌晨00:00（7/9）開始直到11/9訂飛，所有航線一律八折（包括AirAsia X），出發日期為12/9到16/11。今年重陽節係週三放，請3/10 同埋 4/10就有5日4夜假，大家不妨Mark緊呢個Period主力搶飛吧！其他日子，Check過系統，曼谷以10月尾同11月尚有少量來回HK$1,800（連稅，下同）；布吉9月尾有少少來回HK$2,600，之後要到11月中先有少量日子來回HK$2,000（但16/11後已經冇八折喎）；檳城10月有好多來回HK$2,000唔駛嘅選擇，11月仲平啲，一於捉實！吉隆坡就來回HK$2,400左右；沙巴10月打後一般來回HK$1,800，11月個別例子仲可以低至HK$1,500！以上價格全部未折，大家拎定日曆表，準備一陣AirAsia開倉喇！
（記得按下面「讚好」Share俾Facebook朋友）
[2/9更新：港航今日宣佈可以同佢直接訂，價錢仲平$100（即係HK$1,900），但唔包台中，如果想買埋台中就搵Agent訂，否則直接打去港航熱線3151 1888著數，快！]
大家都知港龍有HK$2,150一個價錢兩張機票優惠，其實佢對手香港航空都有類似Offer！不過官網冇得訂，要經Agent先有。Noble Vacation正推出「給一樣的價錢，不一樣的組合」優惠，依家到20/9訂香港航空同香港快運兩張來回經濟客位機票，加埋只係HK$2,000咋！仲平過港龍HK$150！最攞命嘅係，佢可以去埋新加坡、曼谷、布吉島、河內、北京、台中呢啲港龍/國泰都唔包嘅熱門旅遊地點！其餘航點包括重慶、成都、長沙、杭州、昆明、上海、三亞，一共14個，地點選擇與港龍相若，但勝在類別眾多，大陸又有，東南亞又有，而且出發日期可以去到2012年1月中，比港龍更Flexible！不過呢啲機位供應好有限，要就快手Call Noble Vacation訂飛！
留意位：
1. 機票出發日期：1/9 – 8/9；11/9 – 29/9；4/10 – 20/12；2/1/2012 – 18/1/2012
2. 以上價格未連稅及油附
3. 出票最後日期：20/9
查詢電話：2698 1998
查詢電郵：[email protected]
（記得按下面「讚好」Share俾Facebook朋友）
上星期港龍開倉派米，今個禮拜輪番國泰！佢剛推出亞洲區5個城市限時大平賣，有曼谷（HK$1,090未連稅，下同）、吉隆坡（HK$1,090）、首爾（HK$1,790）、胡志明市（HK$1,790）同雅加達（HK$1,790），由依家訂到星期六（3/9）晚23:59。不過Check過官網，曼谷同吉隆坡嘅特價飛賣淨Weekday？乜咁快就Book晒？上次開倉賣日本平飛，Weekend飛都冇咁早賣晒喎？至於其他城市就有Weekend平飛賣，但要買趁早囉。
值得一提嘅係，首爾係唯一冇Block Out 30/9 – 7/10呢段國慶假期嘅地點，想喺嗰個Weekend飛一轉，呢個價錢好抵買！
留意位：
1. 出發日期：曼谷、胡志明市、雅加達（12/9 – 29/9；8/10 – 30/11）；吉隆坡（12/9 – 29/9；8/10 – 6/11）；首爾（12/9 – 30/11）
2. 最短／最長停留期限：2/7天
3. 航班限制：
（記得按下面「讚好」Share俾Facebook朋友）
回覆Facebook網友Lsheep Leung提問，佢想9月頭用4日3夜去泰國享受陽光與海灘，「筆直」約HK$3,000。臨急先抱佛腳，好多航空公司啲平飛都走晒啦！最後又要搵救星AirAsia。幫襯番AirAsia Go網站，10/9星期六走，13/9星期二返，搵勻成個東南亞有陽光與海灘嘅直航點，要啱「筆直」又要性價比高，唯有檳城。入住Paradise Sandy Beach Resort Penang，套票連稅只係HK$2,697！呢間4星級酒店舊就舊咗啲，但勝在樓下就係沙灘，本身都有大泳池。每間房設有獨立露台，飽覽全馬六甲海峽海景，啲房好大架！咁嘅價錢有陽光與海灘，直頭筍爆啦！唯一要留意嘅係AirAsia飛檳城係夜機七點幾，我建議早一日星期五晚放工閃去啦！
To Lsheep Leung：如果真係只想去泰國，布吉冇你呢個Budget，不如你自己分拆買曼谷機票同芭堤雅酒店，或者可以做到你「筆直」，不過你得4日3夜，仲去芭堤雅？時間太短卦？
（記得按下面「讚好」Share俾Facebook朋友）
回覆Facebook網友Shirley Lam關於沙巴套票問題，佢想15/10至20/10去玩。一諗起沙巴，自然諗起AirAsia，因為搭沙巴機，港龍同馬航機票好少減，而AirAsia成日Keep住有平機票；跟埋佢屬下AirAsia Go訂套票，有時仲有驚喜發現！
嗱，如果你Budget緊，只想住間乾淨酒店就OK，咁你可以買佢Tune Hotels 1Borneo Kota Kinabalu，雖然佢唔喺市中心，但隔離正係全東馬最大商場1Borneo，可以行下街食下嘢都唔錯。買6日５夜套票連稅，每人只係HK$2,324咋！呢個價連去澳門都唔得啦下話！
如果想住靚靚Resort，可以揀Shangri La Tanjung Aru Resort，6日5夜套票全包價HK$6,390。睇落好似好貴，查實呢間係好嘢嚟！齋房網上訂最平都要HK$1,800一晚，計落去張機票連稅只係HK$1,890左右，抵啦！最緊要喺呢間5星級酒店正正係機場隔離，搭車幾分鐘就到，去市中心都係10分鐘，方便啲既想寧靜歎世界又想方便熱鬧嘅香港人。
To Lsheep Leung：你想10/9至13/9 Hea 4日3夜？不如考慮呢個Plan吖！
（記得按下面「讚好」Share俾Facebook朋友）
蝦！我發覺香港航空好鐘意喺星期五下午推出平機票！今次佢玩限日發售，由依家至23/9，5日時間俾你買7個重點城市平機票，包括北京（HK$1,740起）、上海（HK$1,340起）、重慶（HK$1,340起）、曼谷（HK$1,190起）、新加坡（HK$1,390起）、東京（HK$1,840起）同沖澠（HK$2,340起），出發日期由27/8 至 28/9。
一睇呢個價，東京同沖澠要即刻搶！曼谷都好筍！（因為佢有午去午返選擇，唔駛捱OX），國內線就以北京最抵。新加坡呢口價，我寧願訂國泰/新航囉！
仲諗？搶呀老友！
留意位：
1. 機票最短/最長有效期：2/7日
2. 優惠不適用於以下日期出發：9/9 – 10/9
（記得按下面「讚好」Share俾Facebook朋友）
X