都好耐冇同大家講下酒店優惠，今次就介紹Hotels.com一隻為Promo佢手機應用程式(App)嘅特別折扣。只要你用佢隻手機App或上佢流動版網站，訂購25/5 – 31/8入住嘅房間，揀任何一間酒店，只要輸入優惠券代號：MOBILE3，即可享有全單額外9折優惠（不包括稅），呢個優惠網站版冇架！咁如果我冇智能手機呢？哈哈！靜靜雞同你講，用一般電腦瀏覽器一樣去到流動版，只係資料排列冇網站版咁詳盡及User Friendly，建議大家先去網站版揀啱心水酒店，然後用另一瀏覽器上佢流動版，照樣輸入優惠券代號，咪可以享用9折優惠囉！優惠限期到14/6止，暑假訂房，算係幫補下啦！

優惠券代號：MOBILE3

Hotels.com網址：http://zh.hotels.com/

Hotels.com流動版網址：http://zh.hotels.com/mobile/index.html

（記得按下面「讚好」Share俾Facebook朋友）

Accor酒店集團旗下品牌多不勝數，由走高檔嘅Pullman/Grand Mercure，到中檔嘅Novotel/Mercure，以及唔少筆直旅客至愛嘅ibis/All Season系列，想執佢平貨？快手喇！尋日起佢靜雞雞喺官網推出限時優惠，旗下亞太區內（包括埋澳洲及新西蘭）超過三百間酒店，由依家到30/3為止全線打6折（會員仲可以平多一折：5折），入住日期為15/4至30/6。就以佢東京新宿ibis為例，依家連稅低至HK$580左右！嘩！咪同著名商務旅館Toyoko-Inn差唔多？話晒佢Location更正：好近新宿JR西出口喎！曼谷就更加多籮籮，住Pullman King Power連稅低至HK$650，位置超靚嘅Novotel Siam連稅HK$650，最經濟實惠嘅ibis Sathorn更平到連稅HK$250！總之大把平酒店俾你揀，自己上官網慢慢發掘啦！

網址：www.accorhotels.com

（記得按下面「讚好」Share俾Facebook朋友）

星期五晚，轉下話題講下平酒店。Agoda又推出一批曼谷平房，有唔少都有四折以上，雖然一線名牌酒店就冇乜，不過大部份仍算超值。Thonglor已成為潮人區域，當中小巷佈滿唔少潮物店／食店進駐，裡面有一間叫Grass Suites Thonglor嘅超正酒店，甚少香港人識，佢依家做Promo：近400呎嘅單人房只需HK$343（未連稅，下同），打足三四折有多！一房單位亦只係HK$439，大到有600呎實用，真係抵住到暈；另一間推介係In Residence（圖），呢間又係少香港人住，無他嘅！位置比較吊腳，距離Nana BTS都有10-15分鐘步程，要靠TukTuk出入，不過佢勝在夠新又係5星，普通房有成600呎大！依家提早21日前預訂有四折，平日每晚約HK$500左右，假日就HK$900左右。最後一間係Ramada Encore，都係喺Nana BTS附近，呢間好啲，行去BTS站都只係10分鐘以內，上年年中先開張。房間同床就細啲，設計就非常型仔，整體環境唔錯！依家14日前預訂有半價優惠，普通房HK$450左右，Ramada都係大品牌，呢個價住得過。

網址：

Grass Suites Thonglor：www.agoda.com

In Residence：www.agoda.com

Ramada Encore：www.agoda.com

（記得按下面「讚好」Share俾Facebook朋友）

搵到東京平機票？咁下一步就要搵平酒店啦！我哋「又飛啦！」都有一排冇介紹Agoda嘅平酒店，今次就幫大家搜查東京筍盤。港人至愛嘅新宿方面，好多港人住嘅新宿華盛頓竟然打六折，價錢去到HK$597（未連稅，下同），平時一般八九舊，呢次真係超平（平到接近商務酒店水平）。喺歌舞技町旁邊嘅Best Western Shinjuku Astina都平到HK$1,129（打七折）；至於台場地區，望住全海景嘅台場東京日航酒店打五折，平到HK$1,329，四星半嚟架！Grand Pacific Le Daiba仲筍，打六折平到HK$1,210；品川方面，新高輪王子酒店六折，跌破一千大關HK$955。品川王子酒店打六折HK$1,090，位於JR品川站旁邊，Location贏晒！想俾多少少住好啲？住東京大倉啦！依家打七折只需HK$1,882，超五星級架（澳門個間都貴個佢，陰公）！

網址：

新宿華盛頓六折

新宿Best Western Shinjuku Astina七折

台場東京日航酒店五折

台場Grand Pacific Le Daiba六折

品川新高輪王子酒店六折

品川王子酒店六折

東京大倉七折

（記得按下面「讚好」Share俾Facebook朋友）

尋晚同大家講，話揸DBS AE Black Card去Agoda訂房可享有6%優惠。你冇呢張卡？咁大路啲嘅恆生又有冇呢？佢又同Agoda合作，如果你係普通卡／金卡用戶可享有5%折扣，白金卡就6%，Visa Infinite及萬事達顯貴卡就7%，呢個優惠同樣去到今年年尾（31/12）。比DBS更搞嘢嘅係，佢會每季推出一批指定地點酒店，呢批酒店房折扣更高：8%！今季先行部隊有澳門／中國／澳洲以及新西蘭。你一定要由指定網址進入Agoda先享有折扣優惠，否則冇得減架（佢已講明唔會回水）！

推廣詳情：www.hangseng.com

一般預訂：www.agoda.com/hangseng （必須經呢條Link入Agoda，方可享有高達7%優惠）

今季精選預訂：www.agoda.com/hangsengpromo （必須經呢條Link入Agoda，方可享有8%優惠）

（記得按下面「讚好」Share俾Facebook朋友）

好耐都冇講平酒店，咁啱見到DBS出廣告，用DBS AE Black Card上Agoda訂房可以平多6％，優惠仲去到今年年底，正喎！如果你成日都想飛，與其出錢買機票不如出DBS Black Card啦！因為佢賺AsiaMiles超易，HK$6兌一里可謂全城最抵之一，用佢嚟作一般消費，又或者Trade Apple產品，好快趣就賺到機票（我就平均每月賺到一張台北來回），既然Agoda個Rate不嬲都唔錯，酒店選擇又多，依家減多6%，又多個理由出呢張卡喇（仲順便賺埋迎新優惠：HK$4兌一里添）！

網址：www.agoda.com/dbsblackcard （必須按呢條Link入Agoda訂房方可享有4%優惠）

（記得按下面「讚好」Share俾Facebook朋友）

AirAsia 賣$0機票已經唔係新鮮事，不過佢旗下酒店訂購網AirAsiaGo免費送酒店房就少見。今日AirAsiaGo就預告今晚00:01起送出3,000間酒店房，但送邊度？點送法（全送定係買X送Y）？統統唔講大玩神秘。其實上年5月佢都試過一劑$0酒店開倉，當時主要有兩種玩法：1. 隔晚$0（除非你住一晚咁勁，又或者晚晚換酒店，否則變相買1送1）2. 賣晒$0就賣超平價（例如十蚊八蚊港紙個隻），不過兩樣數量有限，而且唔包稅同下欄。一陣00:01上去搶啦！

網址：www.airasiago.com

（記得按下面「讚好」Share俾Facebook朋友）

卡塔爾航空不嬲以平（面）價取勝，之前都見佢推出唔少飛歐洲齋機票二千幾嘅筍盤，以為好抵？仲有更抵！為慶祝香港多哈加開新航班（去程QR817 1820/2300；回程QR816 0750/2025），只要肯搭呢對指定航班，飛歐洲五城包括倫敦、巴黎、羅馬、米蘭、法蘭克福，包埋一晚當地指定酒店，只係HK$1,799，呢間房旅行社計你HK$800一晚嘅，換言之張機票只係HK$1,399！當然啦！卡塔爾航空啲稅超級貴，就以巴黎為例，下欄費高達HK$4,086，張機票連稅約HK$5,485，如果計番一般下欄約HK$2.7K比較，即係張機票齋計約HK$2.7K左右。點樣出到呢張筍機票？去搵Wincastle啦！

留意位：

1. 出發日期：30/1 – 27/3

2. 最後出票日期：21/1

3. 機票有效期：3日 – 1個月

4. 如改用任何一程QR813或QR812，需付附加費$500 (每位)

網址：www.wincastle.com.hk

（記得按下面「讚好」Share俾Facebook朋友）