上星期我哋報過廉航濟州航空推出1月份特價團飛，真航今日就拎啲指定日子出發嘅平飛對撼，未連稅就HK$1,350，好處係雖然要指定日子去，回程唔駛指定日子返（有效期7日，夠你Weekend走一轉嘅），又平對手30雞。今次香港總代理一次過推出以下日子特價飛：5/1，9/1，10/1，12/1，13/1，16/1，17/1，19/1同埋20/1。20/1係週五，本來最適合連埋農曆年假，不過Check過已爆，19/1就仲有；至於返港嘅，初三打後冇位，由於呢張飛有效日期只有7日，最possible做法係初二24/1返，不過記住佢回程開早機09:00，咁又冇咗一日。算啦！都算玩足5日（19/1去嘅話），請兩日假仔走一轉行大運，呢個價你仲想點？依家先訂正日機票？有！大韓盛惠HK$4,326連稅唔該。

查詢電話：2524 4154

（記得按下面「讚好」Share俾Facebook朋友）

濟州航空1月份嘅團飛優惠又嚟喇！指定日子來回首爾，5日4夜機票只需HK$1,380（未連稅），今次香港代理揀選嘅六個組合，都橫跨週六日，尤其係最後嘅一Pair：19/1去，23/1返，有幾日都算踏入農曆新年，如果想農曆新年平平地去旅行，將就啲，呢個啦！農曆新年正日來回嘅機票，貴到唔敢報呀～～～

查詢電話：2185 6499

（記得按下面「讚好」Share俾Facebook朋友）

依家先決定聖誕節去旅行？Well……機票好貴喎！不過只要接受非搭正公眾假期去嘅話，可以考慮飛首爾。我哋「又飛啦！」都報導過濟州航空嘅秒殺優惠，剛剛佢又推出新一批特價團體機票（即係Fix死來回日期），兩組首爾來回同埋一組釜山來回，其中一組首爾來回，剛好橫跨聖誕節，去程22/12，回程26/12，票價只需HK$1,680（未連稅，下同），請頭2日假就可以平飛首爾渡節，不過回程26/12係早機嚟，講真時間就唔係太好，之不過Fit晒啲Last Minute先決定去又唔想破費嘅人，始終一般散飛嗰段其間都要收你起碼三千尾。另外一組首爾平機票為16/12去20/12返，而釜山就係17/12去21/12返，都只收HK$1,380。想訂就聽早Call總代理喇！

查詢電話：2185 6499

（記得按下面「讚好」Share俾Facebook朋友）

今早報過濟州航空指定日子來回首爾HK$1,380，如果唔想俾人Fix死晒來回日子，又可以今個月21號前出發，可以諗埋另一家廉航真航，總代理推出咗4人同行優惠，每人只需HK$1,500（未連稅，下同），單人飛就只係貴1舊水HK$1,600，唔係激平，但都叫抵。直接Call佢熱線出飛啦！

查詢電話：2524 4154

（記得按下面「讚好」Share俾Facebook朋友）

濟州航空秒殺優惠浪接浪，上星期一先出啫，今個禮拜又嚟！一樣HK$1,380（未連稅，下同），佢拎3個首爾來回指定時段同2個釜山來回時段，今次只有15/12去19/12返好合我心水，皆因可以玩盡埋週六日，有興趣朋友可以Call總代理訂飛。

查詢電話：2185 6499

（記得按下面「讚好」Share俾Facebook朋友）

買iPhone4s俾大陸外掛秒殺？唔好嬲，買濟洲航空平機票補數啦！佢哋又推出秒殺優惠，於12月頭指定日子來回首爾同釜山，5日機票，均一價HK$1,380（未連稅），除咗4/12去11/12返時間差少少外，其他日子都橫跨週末；話時話，今次佢首次推出釜山Last Minute秒殺機票，有假期又有興趣嘅，依家就拿拿林打電話去總代理訂位啦！手慢冇就唔好怪人鳥～～～

查詢電話：2185 6499

（記得按下面「讚好」Share俾Facebook朋友）

上星期同大家介紹過濟州航空嘅HK$1,380秒殺優惠，同樣係廉航嘅真航，都有樣學樣推出團體特價飛，只需HK$1,400起，須於22/12前出發，並於指定日子出發及回程，例如星期四出發嘅就要星期一返，星期五去就星期二返，星期二去就星期日返，即係5-6日票，比濟州多少一至兩日。想自由一啲，可以買佢7日票，只需HK$1,700，而12月到明年3月（23/12 – 27/12及21/1 – 26/1除外）就加至HK$1,900（四人同行每人可減HK$100）。至於聖誕旺季飛7日票就HK$2,600，呢口價就諗諗先。想訂呢啲平飛要打去佢香港總代理。提提你，做埋真航Facebook Fans每人可再減HK$50！

網址：www.pattersontravel.com.hk

（記得按下面「讚好」Share俾Facebook朋友）

好耐都冇提過釜山航空，可能因為佢只係飛釜山，未必有咁多人留意，但其實釜山係韓國第二首府，身為韓迷，都好值得定期趁有平機票去吸「韓氣」。最近佢哋推出飛釜山早餐盤優惠，8/3/2012後出發來回只係HK$1,033起（未連稅，下同），唔想咁遲先去？1月嘅飛都仲有啲HK$1,602起嘅選擇。由於佢哋一星期只有三日有航班，加上只用細機飛，所以一有筍嘢都好快搶晒，睇下你又搶唔搶到吖！

網址：en.airbusan.com

（記得按下面「讚好」Share俾Facebook朋友）