各位有請印傭姐姐嘅粉絲，佢哋有冇話要返家鄉？如果有需要可以推介呢個優惠俾佢哋啊：汶萊皇家航空推出印尼優惠，香港經汶萊斯里巴加灣來回印尼雅加達HK$1,300（連稅HK$1,509）起，另外來回泗水HK$2,054（連稅HK$2,292）起。單程方面都有優惠，香港飛雅加達連稅HK$1,128起、泗水HK$1,499起，單程飛用嚟送姐姐返屋企就最啱。當然如果想去印尼旅遊嘅呢口價都係抵嘅，其中小小編推介飛泗水轉火車去日惹睇世界文化遺產：普蘭巴南同婆羅浮屠，細味印尼古文化。加上呢張飛可中停汶萊首都斯里巴加灣，一次過玩埋就真係抵晒（用多個目的地Search）！

【出發日期】即日起至11月30日
【機票有效期】（單程）沒有、（來回）30日
【最後訂票日期】7月31日或售完即止

想訂中停汶萊？
1. 先Search到香港至印尼有平飛的日子（例如9月12日去、9月22日返），抄底呢個日子；
2. 用多個目的地功能Search，輸入三段航程：A. 香港-雅加達、B.雅加達-斯里巴加灣、C. 斯里巴加灣-香港；舉例9月12日飛印尼，9月20日印尼往斯里巴加灣，9月22日回程，連稅HK$1,520起。

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

送印傭姐姐返屋企！汶萊皇家航空香港飛印尼雅加達/泗水，單程$1,009、來回$1,300起，11月30日前出發

今期HK Express一次過大推2個優惠，仲可配合DBS信用卡8折優惠代碼，由依家開始到7月18日於HK Express官網訂購機票，輸入折扣代碼即享票價8折優惠，配合埋今次飛日韓台或者東南亞航點2人同行優惠慳得仲多，只限頭3日適用！另外中國航點嘅單程HK$98優惠都有得折，想去旅行嘅你仲唔立即開始撲飛，實行一齊 ‪#‎狂旅派‬！

折扣代碼：HKEDBS20（溫提：記住Search航班前入Promo Code啊！）

*優惠條款及細則約束，優惠代碼適用旅遊日期由8月28日至2017年3月25日。詳情：http://flyagain.la/hr9r

只限7日！DBS 信用卡 x HK Express 機票8折代碼返嚟喇！

國泰溫哥華返港，連稅四千幾蚊就有，香港出發？唔駛六千蚊都要偷笑喇！國泰飛溫哥華都推出優惠，直航來回淨機票HK$5,183（連稅HK$5,588）起。另外多倫多都罕見有平，直航來回HK$6,186（連稅HK$6,632）起，當然同轉機價都仲有段距離，但以國泰定價嚟講都叫OK喇，適合各位有多少少筆直，鐘意坐直航，或者買俾父母，又唔想佢哋老人家要轉機咁辛苦，呢次優惠都可以考慮入手嘅。幫大家搵過系統，溫哥華平飛供應尚算充足，限9-11月出發先搵到有平，回程最遲要喺12月21日，而多倫多有平日子就唔太多。官網貴3百幾蚊，建議可用官網先搵有平日子，再到Ctrip訂購。

【出發日期】9月3日至11月30日
【機票有效期】1個月
【最後訂票日期】7月31日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

國泰直航優惠！香港來回溫哥華$5,183起、多倫多$6,186起，11月30日前出發

約翰內斯堡平機票？最常提都係喺Fanfares喇，但又要成日捕住，都唔知佢幾時先出一次。如果唔介意大陸航空，可以睇睇中國國航優惠：香港經北京來回南非約翰內斯堡只需HK$1,050（連稅HK$3,876）起。以價論價已經算好唔錯，連稅三千幾蚊就可實現踏足非洲土地的夢想，係睇你坐唔坐國航。賣點之一係暑假都有優惠，以旺季嚟講好罕有，而7-8月係當地冬季，可以避暑之餘，又可親近野生動物，好正呀！此外，呢張飛仲可免費中停北京，以北京平時好少有平機票，一次過玩埋就真係抵晒。

提提大家：大陸空管頻頻，轉機需預3小時或以上，並需預備回鄉卡。想訂中停北京機票，方法都好簡單，先搵咗香港來回約翰內斯堡有平日子先，如8月7日去、8月15日返，再用多個目的地方法去Search，分3段輸入，舉例a. 8月7日香港-約翰內斯堡，b. 8月15日約翰內斯堡-北京 c. 8月18日北京-香港，連稅價同樣為HK$3,876起。

【出發日期】即日起至10月31日、2017年2月1日至5月（系統最遠買到出年5月份的機票）
【機票有效期】1個月
【最後出票日期】10月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

暑假出走南非！中國國航香港來回約翰內斯堡，連稅$3,876起，2017年5月前出發

之前報過一次港航越南爆平優惠，呢口價延長到10月底前都有，香港來回河內只需HK$462（連稅HK$790）起，以連稅跌破八百蚊真係超抵，仲要包行李同飛機餐，仲駛諗其他廉航！最正係7月中或之前同8月中或之後都有，都係暑假日子，啱晒有小朋友嘅家庭，正暑假就加HK$150左右，連稅HK$948起。河內係越南首都，唔少建築物上都帶有法式風情，市內亦有唔少平價法國餐廳，平平地就食到精緻法國菜。著名景點包括：聖約翰大教堂、美術館、歌劇院等，都值得細味探索㗎！官網較貴，有興趣就上Ctrip出票。

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？多謝「又飛啦旅人團」粉絲報料，於網上透過越南方面的旅行社代理申請簽證批准信件，再憑此信件於入境越南做落地簽證，總費用約HK$413，平HK$200左右，但要留意落地簽證可能較為耗時。

【出發日期】即日起至10月29日（7月15日至8月22日加HK$150）
【機票有效期】7日
【最後訂票日期】賣完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

平到震！暑假都有！香港航空來回越南河內$462起，包20kg行李，10月29日前出發

暑假唔想再去日韓台喇，想去發掘更多新的旅遊體驗？不如出走緬甸仰光！緬甸航空推出暑假優惠：香港直航來回仰光只需HK$1,428（連稅HK$1,757）起。比上期推出嘅優惠平近千蚊，加上7-8月正暑假都有，有興趣去絕對值得入手。講到仰光呢個「金色國度」最著名嘅景點就係仰光大金寺，已經有二千多年歷史，金光燦爛，宏偉壯觀。城市景點既獨特又浪漫，可以體會同探索在地風情。Check過系統，平飛供應充足，除咗正暑假有，中秋亦可揀9月14日去、18日返（請2放5），或者9月16日去、18日返就一日假都唔駛請。官網較貴，有興趣可到Ctrip出票。

提提您：持特區護照前往緬甸需要辦理簽證，可經緬甸大使館網上申請，單次費用為USD50。

航班時間：
去程：UB8028 15:15-16:25（逢周三、五、日）
回程：UB8027 09:45-14:14（逢周三、五、日）

【出發日期】即日起至9月30日
【機票有效期】14日
【最後出票日期】7月31日或賣完即止

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

抵呀！暑假半冷筍貨！緬甸航空香港直航仰光$1,428起，9月30日前出發

古巴呢個地方，作為鐘意冒險同闖蕩嘅旅遊家，都總係想去，不過票價長期企硬，貴到一個點（以前就係囉）。依家？睇住俄航呢張飛，真係平到唔敢相信！坐俄羅斯航空香港經莫斯科來回古巴夏灣拿，淨機票HK$4,395，連稅後都只需HK$6,294起。平成點呢？如果揀加拿大轉機，索價要2萬蚊以上，去年曾經介紹過俄航都仲係賣緊萬一蚊，年頭中國國航都要接近一萬，所以依家賣連稅六千幾一睇就知爆平，有心去仲等咩。加上呢口價唔難搵到，出年復活節去都有，舉例出年4月13日去、22日返，前後日子都有。

講到古巴就係去尋找鐵幕痕跡，或者列入世界文化遺產嘅哈瓦那舊城區（Habana Vieja），都係必去嘅地方，深入體會呢個神秘國度。呢張飛唔可以中停莫斯科，但係由於轉機時間長，所以可以偷時間入境快閃。Check過系統，由11月至出年5月都搵到有平，大家不妨先上俄航官網搵搵有平飛日子先（官網顯示最平為55,070RUB），再到Ctrip買會平3百蚊左右。

簽證資料：持有特區護照或BNO之香港居民前往古巴需向古巴駐港領事館辦理旅遊簽證，可親自或委托他人遞交申請（簽證費用為HK$250，需遞交申請表格、相片、護照正副本、來回機票副本及酒店訂房單據副本作申請，需時約6個工作天）（資料來源：http://flyagain.la/b4h7）

【出發日期】11月至2017年5月
【機票有效期】165日
【最後訂票日期】售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

超平！冷門巨劈！俄羅斯航空來回古巴夏灣那$4,395起，復活節有，2017年5月前出發

暑假到喇，如果大家計劃外遊，行程都plan得7788喇，但係又點少得份旅遊保險！新鴻基金融旅遊保險網站shktravel.com提供嘅「您」想計劃，有三種唔同程度嘅保障俾你揀，計劃多達23項保障項目，好似接駁交通工具誤點、行李延誤同家居保障都有得保，迎合您旅程所需嘅唔同保障：

基本計劃：迎合不需行李延誤及交通工具延誤保障，及只需基本保障及保額的您
高級計劃：迎合需更齊全保障或到較遠國家如歐洲的您
尊貴計劃：特設最豐富保額及醫療費用高達三百萬港元去迎合尊貴的您，為長途旅程的矝貴之選

投保方法輕鬆簡單，網上幾個步驟即可完成，就算去到上機前一刻買都仲得，只要click入shktravel.com，按「立即投保」，揀選目的地及旅遊日期，即獲得即時報價，再輸入姓名、個人資料等同網上繳費，即可完成投保，過程簡單又快捷，使您出發前更加安心自在。

即日起至8月31日，投保家庭或個人及子女計劃滿HK$200，送您HK$20餐飲禮券乙張*。一家大細去旅行，一齊投保，每人保費仲抵啲添！

優惠詳情：www.shktravel.com

（覺得抵可用Whatsapp同LINE Share俾朋友架）

*客戶須於推廣編號欄位內輸入「831｣。優惠須受條款及細則約束。

多達23項安心保障！新鴻基金融旅遊保險，暑期投保指定計劃即送$20美食現金券