X
都好耐冇同大家介紹過法航優惠，最近佢又推出HK$4,800淡季歐洲平機票，仲要係1年期機票！出發有效期亦非常之長，由依家到明年3月尾，如果想1/4至24/6或11/9打後到年尾出發，只係俾多HK$400而已。如果轉機時想停巴黎Stay Behind，法航可以俾你停一次，加HK$750就得，算係抵玩。五／六月歐洲天氣大多回暖晒，用呢個價去歐洲真係幾抵玩。
（記得按下面「讚好」Share俾Facebook朋友）
最近香港物業市場淡靜，有發展商將貨尾單位減價出售，原來連賣機票都有呢一招！之前我哋報導過，德國漢莎航空於九月推出冬季及明年春季平機票，去德國及其他歐洲城市來回機票只需HK$4,090，點知10月又推出限時買1送1優惠，除番開每張機票只係HK$2,520！你可以話呢張GV2最長有效期只係1個月，會平啲。嘿！點知今個月又嚟劈過，同上次HK$4,090一模一樣條款嘅機票，再減至HK$3,700，咁今次你夠唔夠膽買呢？如果短期內出發嘅，買囉！依家歐洲經濟咁差，話唔定下個月又劈呢！依家賣機票，同發展商賣樓差唔多囉～～～
留意位：
1. 優惠期至：30/11
2. 出發日期：14/11/2011 – 31/3/2012
3. 回程日期：20/11/2011 – 30/6/2012
4. 提前預訂：7 日前
5. 最短/最長停留：6日/3個月
（記得按下面「讚好」Share俾Facebook朋友）
繼維珍同國泰將倫敦航線劈價後，澳航又加入戰團，推出2人同行飛倫敦HK$3,190震撼優惠（連稅HK$6,675），同維珍同價，再睇清楚啲，就發現比對手有兩點更筍：第一，呢套機票可以賺取里數（有成11,982分）！須知道澳航係寰宇一家成員，你可以用番澳航積分換取寰宇一家成員航空公司嘅免費機票。由於國泰係寰宇一家成員，換言之你可以換取國泰機票，呢個Plan比國泰HK$3,450但冇里數賺嘅英國機票更筍（不過要留意，以澳航里數換一張香港<->台北來回機票需要20,000里，國泰Asia Miles就15,000里；來回曼谷就28,000里，國泰Asia Miles就20,000里，澳航要求高啲）！第二就係，呢張機票有效期可以長達5個月！總之你24/3/2012返嚟就OK！彈性超大！而且聖誕節同農曆新年都適用。今個冬天飛歐洲，真係平得交關。
留意位：
1. 出票最後日期：31/10
2. 出發日期：現在起至31/12、11/1/2012 – 29/2/2012由香港出發，並於24/3/2012或之前完成整個行程
（記得按下面「讚好」Share俾Facebook朋友）
今早講起歐洲平機票，又有一間航空公司跟風減價。德國漢莎航空宣佈由今日起到21/10，一連四日喺官網推出買1送1優惠，由香港飛德國城市，以及經德國轉飛其他歐洲城市，2人同行機票只需HK$5,040起，除番開每張機票只係HK$2,520，聽落去梗係抵啦！不過重點係下欄！官網講明油附連稅大約HK$3,880起（又係妹仔大過主人婆），好在加埋都只係HK$6,400起，仍屬合理射程範圍，都值得推介。
留意位：
1. 出發日期由14/11到14/12
2. 有效期1個月
3. 最短/最長停留: 7日/ 1個月
4. 提前預訂：3 日前
5. 不可中途停留 / 不可更改日期/旅程
（記得按下面「讚好」Share俾Facebook朋友）
之前我哋報導過，搭俄航去俄羅斯聖彼德堡只係HK$1,900，依家俾多一個選擇你：阿聯酋航空為慶祝1/11起開辦杜拜<->聖彼德堡航線，推出特價機票，由香港經杜拜轉飛聖彼德堡，10/11前訂購，全包宴（即連稅同油附）只係HK$5,673起，雖然貴俄航千幾，但佢最大賣點係你可以揀歐洲城市回港，即係可以先去聖彼德堡玩，然後玩盡歐洲城市，唔駛回頭返聖彼德堡，非常有彈性兼慳唔少時間。不過Check過系統，HK$5,673全包就好難搵到，你預大約HK$6.5K至HK$8K全包啦！但以去歐洲來回嚟講，都仍算合理範圍內，如果你真係搵到HK$5,673來回者，記得同大家分享～～～
（記得按下面「讚好」Share俾Facebook朋友）
20/10更新：官網已推出，價錢亦一樣HK$3,450，詳情請按此。
早前我哋報導過，英航飛倫敦及其他英國城市（包括鴨巴甸、愛丁堡、曼徹斯特、紐卡素同埋澤西）做HK$4,900，嘿！依家國泰出手鳥！推出2人同行HK$3,450（未連稅，下同）！唔單止有齊以上城市，仲可以飛埋格拉斯哥（倫敦梗係包括埋啦），嘩！平成咁唔係嘛！呢個Offer聖誕都用得（農曆新年就唔得），最後出發日期去到31/3/2012，雖然倫敦線比維珍HK$3,190貴三舊幾，但飛其他英國地方都比英航平成千六蚊，呢個靚價真係史無前例。官網仲未有得訂，聽日快啲打去東南西北旅遊出票啦！
留意位：
1. 出發日期：14/10/2011 – 31/11/2011；10/1/2012 – 19/1/2012；28/1/2012 – 31/3/2012
2. 機票有效期：2日至2個月
查詢電話：2783 0881
（記得按下面「讚好」Share俾Facebook朋友）
淡季去倫敦，之前都報過英航機票來回HK$4,900起，點知依家仲有更平選擇！搭維珍航空，2人同行來回只需HK$3,190起（未連稅，下同），仲係2個月期機票，方便你玩盡其他歐洲城市，而且又可以賺取里數！如果單人出發，亦只係HK$3,890。呢個優惠票價去到15/10就截止啦！有效日期去到明年二月底（1/1至11/1就唔用得）。印象中以直航計，呢個價真係好接近03年沙氏價囉！雖然依家英國機場稅貴咗唔少，但維珍咁好坐都三千頭，唔知國泰又點應付呢？
留意位：
1. 最後出票日期：15/10/2011
2. 機票使用日期：即日起至31/12/2011；11/1/2012至29/2/2012
3. 機票有效期：3-60日
4. 如想訂2人同行優惠，必須致電維珍航空訂位部熱線2532 6060或各旅行社，網上只會售賣單人HK$3,890優惠
（記得按下面「讚好」Share俾Facebook朋友）
依家俄羅斯凍冰冰，飛俄羅斯啲機靜到拍烏蠅，咁又係殺價嘅最佳理由喇！俄羅斯航空直航去莫斯科SVO減到HK$1,900，仲平過稅呀！早排國航先做緊HK$1,810，但要喺北京轉機，即係話豪多佢HK$90就改坐直航，十個鐘頭機都可以減成咁，唉！生意難做！想去聖彼德堡，亦可以免費喺莫斯科轉機去。呢張機票有效期去到20/4/2012，嫌依家太凍，咪訂定明年3至4月去，除非你勁想過一個白色兼勁凍嘅旅行啦！
留意位：
1. 出發日期：10/10/2011 – 20/4/2012
2. 不能使用日期：4/11/2011 – 8/11/2011；23/12/2011 – 10/1/2012
查詢電話：3121 3121（富聯美國運通旅遊）
（記得按下面「讚好」Share俾Facebook朋友）
X