靚靚瑞士航空唔係成日有平，一有就要把握喇：直航蘇黎世來回淨機票HK$5,110起，連稅HK$5,894起，呢口價以瑞士航空嚟講算係「Very骨」啦！最大賣點係機票有效期長達1年，啱晒移民客／學生哥入手，就算齋去玩，瑞士位處歐洲正中央，玩埋附近國家（例如意大利）兜個大圈都唔錯。出發日期為3月29至12月31日。Check過系統，淡季供貨量充足，暑假就無lu！啱可上瑞航官網買。

瑞航有樣好：Search Engine中嘅日曆會一次過Show晒整個月來回程邊日有平機票（藍色顯示），慳時又慳錢。

網址：www.swiss.com

（覺得抵可用Whatsapp同LINE Share俾朋友架）

直航靚貨！瑞士航空飛蘇黎世$5,110起，1年有效期，12月31日前出發

珍姐又有英倫平貨賣，不過驚喜唔大，即管睇睇：來回淨機票HK$4,630起，連稅計：直航倫敦HK$6,454起，經倫敦轉飛鴨巴甸（或譯作亞伯丁）及愛丁堡HK$6,736起，出發日期由5月2日至6月17日，呢口價比之前貴咗HK$200左右，始終踏入英國旺季，無辦法啦！不過今次張飛可以OpenJaw，舉例愛丁堡入，倫敦走，來回連稅HK$6,721起，都OK囉！Check過系統，平飛數量足，機票有效期60日，啱就上官網買。

網址：www.virgin-atlantic.com

（覺得抵可用Whatsapp同LINE Share俾朋友架）

維珍航空直航倫敦，轉飛愛丁堡、鴨巴甸$4,630起，可OpenJaw，6月17日前出發

法航荷航（同公司嚟）新推出直航平貨，頗有睇頭：來回巴黎及阿姆斯特丹淨機票HK$4,150起，連稅計：阿姆斯特丹HK$4,876起，巴黎HK$5,109起，當中以阿姆最抵玩，因為就算轉機都好少平，今次直航連稅唔駛HK$5K，真係太抵了吧！出發日期由依家至5月31日、10月3日至12月31日，不過Check過系統，平飛主要集中喺10至12月秋冬時份，當中阿姆貨量較多，巴黎貨量極少（或者一程要轉機先有平）。至於轉機盤，由於佢哋啲燃油附加費出晒名貴，計落仲貴過中東三寶，咁梗係食三寶好過。官網有”顯示整個月份”選擇，較易搵到平飛組合。機票有效期1個月，最後出票日期為4月5日。

網址：www.klm.com

（覺得抵可用Whatsapp同LINE Share俾朋友架）

直航罕筍！法航飛巴黎及荷航飛阿姆斯特丹來回$4,150起，12月31日前出發

成日講日韓台，今日講啲冷門但又平嘅貨色：北歐航空（SAS）將於今年9月10日起復辦香港直航瑞典斯德哥爾摩，佢有一批轉機嘅北歐城市平飛，其中最值得推介係冰島首都雷克雅維克：來回淨機票HK$5,540起，連稅HK$6,741起，可免費中停斯德哥爾摩（補番機場稅就得），比起之前最平嘅芬蘭航空平足一兩千蚊，希望以後有競爭下價錢再跌啦！Check過系統，呢口價以10月較易搵到，11月打後都係貴HK$600，不過去程要轉多一次機，無咁方便。留意斯德哥爾摩來回雷克雅維克係坐番冰島航空（Icelandair）。如果經官網訂飛，去程點都要轉多一次機，去Expedia買啦！只需斯德哥爾摩轉一次就得，唔駛經北京／上海轉多一次。最後出票日期為3月31日。

航班時間（香港<->斯德哥爾摩）：
SK964 HKG0905 – 1435ARN 333 週二、五、日
SK964 HKG0905 – 1435ARN 343 週一及六
SK963 ARN1500 – 0720+1HKG 333 週一、四、六
SK963 ARN1500 – 0720+1HKG 343 週五、日

網址：www.expedia.com.hk

（覺得抵請記得按Like同Share俾朋友）

平睇北極光！北歐航空來回冰島雷克雅維克連稅$6,741起，可中停斯德哥爾摩，9至10月出發

中東三寶之一嘅卡塔爾航空推出全球優惠，一如以往，歐洲航線最吸引，來回HK$2,000起，連稅計：馬德里HK$4,347起、羅馬HK$4,369起、巴塞隆那HK$4,409起、巴黎HK$4,564起、伊斯坦堡HK$4,683起、米蘭HK$4,779起、奧斯陸HK$4,799起、斯德哥爾摩HK$4,837起、蘇黎世HK$4,905起、曼徹斯特HK$4,945起、慕尼黑HK$5,067起、華沙HK$5,144起、布達佩斯HK$5,201起、法蘭克福HK$5,202起、哥本哈根HK$5,261起、倫敦HK$5,266起、愛丁堡HK$5,562起，以上各價比上期平HK$100或以上，其中曼徹斯特跌穿HK$5K真係辣手即搶（話晒英倫盤五千幾蚊係心理關口）！一如以往，可以Open Jaw（請用Multi-City去Search），如果飛英國，回程揀非英國走，可以慳番成千蚊英國離境稅添。出發日期由4月1日至7月10日，Check過系統，機票供應以淡季為主。機票有效期1個月，最後出票日期為3月13日。

網址：www.qatarairways.com

（覺得抵可用Whatsapp同LINE Share俾朋友架）

四千幾蚊遊歐洲！卡塔爾航空來回歐洲連稅$4,347起，7月10日前出發

無見一排嘅土耳其航空又有新搞作！經伊斯坦堡轉機飛歐洲各大城市，來回淨機票HK$4,040起，連稅計：哥本哈根HK$5,547起、莫斯科HK$5,526起、阿姆斯特丹HK$5,580起、米蘭HK$5,595起、羅馬HK$5,675起、巴黎HK$5,820起、巴塞隆那HK$5,825起、馬德里HK$5,863起、法蘭克福HK$6,058起、曼徹斯特HK$6,336起、倫敦HK$6,562起、波圖HK$6,591起，雖然比中東三寶貴少少，但土航都係好嘢嚟，以價論價唔輸蝕。呢張飛有2大賣點：1. 可OpenJaw（英國入，其他城市走，可慳番英國機場離境稅）；2. 機票有效期3個月。如果想Stopover伊斯坦堡要補HK$700，出發日期由依家至11月30日，Check過系統，供應量集中10月同11月。

如果想玩埋曼谷，可自制Double Open Jaw（不同城市來回），舉例由香港去慕尼黑、奧斯陸返曼谷，連稅HK$4,403起，再加張斯里蘭卡航空單程返香港連稅約HK$1,000左右，咁就可以亞、歐齊齊玩喇！最後出票日期3月31日，啱就上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

土耳其航空來回歐洲$4,040起，機票有效期3個月，11月30日前出發

歐洲直航平盤又有喇！今次主角係法國航空與荷蘭皇家航空（其實兩兄弟嚟），分別推出巴黎同阿姆斯特丹優惠，出發日期由3月9至2016年2月29日（6月25日至9月10日、2016年1月1至10日除外），香港直飛阿姆斯特丹、巴黎淨機票HK$5,200起，連稅計：阿姆斯特丹HK$5,932起、巴黎HK$6,048起，直航六千蚊，唔知邊度搵？況且最大賣點係機票有效期長達一年，啱晒去Working Holiday 或留學生用。

除咗直航，呢隻盤轉飛其他歐洲城市都有平，淨機票HK$4,350起，連稅計：布魯塞爾HK$6,059起、哥本哈根HK$6,011起、羅馬HK$6,070起、倫敦HK$7,022起（以1年有效期嚟講算係咁），仲可以Open Jaw（請用Multi-City去Search），舉例阿姆斯特丹入、巴黎走，連稅HK$5,932起。雖然暑假旺季冇呢口價，但係聖誕同農曆新年都用得（12月23及24日出發都有）。Check過系統，平日供應量足，上Expedia 訂。

網址：www.expedia.com.hk

（覺得抵可用Whatsapp同LINE Share俾朋友架）

直航長筍貨！法航荷航飛阿姆斯特丹及巴黎$5,200起，2016年2月29日前出發

大韓航空除咗美加航線有平，原來歐洲線都有。香港經首爾飛歐洲各站HK$4,350起，連稅計：伊斯坦堡HK$5,121起、莫斯科HK$5,290起、巴黎HK$5,491起、法蘭克福HK$5,754起、阿姆斯特丹HK$5,847起、倫敦HK$6,363起，呢口價雖然冇俄航咁平，但最大賣點係8月暑假尾都有（舉例8月25日出發，8月31日返），加上大韓嘅稅項雜費較平，仲可以Open Jaw，都有一定捧場客。出發日期由依家至4月15日、4月22日至7月9日、8月25日至12月19日、12月29日至2016年2月16日，超長期嘅盤不妨試多幾個日子搵搵。Check過系統，平飛主要集中淡季平日同暑假尾段，機票有效期3個月，最後出票日期為3月16日，啱就上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

暑假尾平飛歐洲！大韓航空來回$4,350起，可OpenJaw，明年2月16日前出發