2個星期前同大家介紹過嘅吉隆坡->香港->歐洲超平飛（詳情請睇：http://flyagain.la/20784），您有冇入手呢？多謝「又飛啦旅人團」（http://flyagain.la/group）團友Patrick報料，第一程原來仲可以揀曼谷／新加坡，甚至遠至澳洲5大城市（包括墨爾本／悉尼／珀斯／阿德萊德／開恩茲）（總之國泰有得飛就得）！價錢方面（包當地往香港，香港來回歐洲，已連稅），曼谷出發HK$3,744起，新加坡HK$3,729起，澳洲墨爾本HK$4,322起，珀斯HK$4,323起，阿德萊德HK$4,340起，悉尼HK$4,360起，開恩茲HK$4,992起。至於香港往澳洲／新加坡或曼谷可以搭廉航（如酷航／AirAsia），加晒都係四千中（曼谷／新加坡）或五千中（澳洲），已經有2個Trip喎！抵爆啦！不過第一程如果做到咁平就要10月後出發，暑假都可以不過要貴一二千，睇自己需要喇！

至於歐洲嗰程係搭英航，航點只要係英航有覆蓋都得。由於組合極多，建議大家自行併合睇睇最後價錢。日子方面，第一程同第二程可以分開，而去歐洲嗰程遠至2016年2月都訂到，聖誕節／跨年／農曆新年都OK（當然正日就冇乜貨lu），而倫敦亦可以做到Stop Over，歐洲亦可以做Open Jaw！趁今日有時間，慢慢發掘吧！

記住：呢套飛佢最值錢之處，係可以將里數100%儲入英航Avios中，所以最抵玩係澳洲出發，最少可賺12,xxx里（不過留意4月28日後購買就要用新方法計里數，由以往100%大幅降至25%，幸好以出票日期計而非旅遊日期），足以換取一張來回台北機票（仲有3,000里剩）！咁您話抵唔抵呢？機票有效期長達1年，官網冇呢口價，即刻去Expedia搶飛！

提提您：第一段外地返香港必須要飛，一旦No Show，其後行程均會被航空公司取消，敬請留意！

P.S：唔係賣花讚花香，「又飛啦旅人團」實在太多猛人，有時間者不妨入Group睇睇佢哋嘅分享：http://flyagain.la/group

網址：www.expedia.com.hk

（覺得抵可用Whatsapp同LINE Share俾朋友架）

國泰曼谷新加坡澳洲返香港 + 英航香港來回歐洲，連稅$3,744起，坐A380再賺台北機票！

靚靚皇家汶萊航空翻推3個地點（經汶萊首都斯里巴加灣轉機）平飛，來回連稅計：杜拜HK$3,527起、墨爾本HK$3,700起、倫敦HK$5,719起，出發日期依家至5月26日，墨爾本就去到6月26日（4月1日至4月7日除外），最大賣點係長途嗰程用全新波音787夢幻客機，當中又以墨爾本最抵玩，趺破4K包晒行李飛機餐，仲可以免費Stopover汶萊，一雞兩味睇下撞唔撞到吳尊啦！Check過系統，供應集中喺5月，機票有效期為30日，上ZUJI買飛，最後出票日期為3月31日。

網址：www.zuji.com.hk

（覺得抵可用Whatsapp同LINE Share俾朋友架）

平坐夢幻787機！皇家汶萊航空連稅飛杜拜$3,527、墨爾本$3,700、倫敦$5,719起，6月26日前出發

今朝虎航發完閃光彈，酷航照跟：新加坡返香港連稅計SGD$63起（約HK$350起），雖然比虎航貴少少，不過出發日期較長，由依家至6月10日。另外，澳洲線都有平，來回連稅：黃金海岸SGD$224起（約HK$1,246起）、悉尼SGD$252起（約HK$1,404起），出發日期由依家至6月30日。至於去程方面，酷航連稅賣緊HK$598起，如果想再平，可等下期優惠！Check過系統，淡季供應量足！以上價格不包行李寄艙及飛機餐，最後出票日期為3月20日11:59pm前，啱就上官網買。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 07:05 – 10:50（2015年3月31日前）；07:10 – 10:50（2015年4月1日後）
回程：TZ220 01:50 – 05:40（2015年3月31日前）；01:50 – 05:40（2015年4月1日後）

網址：www.flyscoot.com

（覺得抵可用Whatsapp同LINE Share俾朋友架）

限時跟劈！酷航新加坡返香港單程連稅$350起、新加坡來回澳洲$1,246起，6月30日前出發

直航新西蘭奧克蘭，價錢長期高企，轉機都唔太平，不過呢隻可以望下：斐濟航空（Fuji Airways）經斐濟楠迪轉飛奧克蘭，來回淨機票HK$4,430起，連稅HK$5,362起，出發日期由3月25至12月14日（3月26至4月30日、6月15至10月14日除外）。提提您：斐濟航空每週有三班機往納迪，去程逢週二／五／日（FJ392 17:10 / 07:20+1），回程逢週一／四／六（FJ391 22:00 / 04:30+1），如果想喺斐濟停一停，就要加番千五蚊，抵唔抵就見仁見智啦！Check過系統，淡季供應量足，機票有效期1年，上ZUJI買。

網址：www.zuji.com.hk

（記得按下面「讚好」Share俾Facebook朋友）

冷門劈！斐濟航空飛奧克蘭來回$4,430起，12月14日前出發

澳洲步入秋冬天，代表咩？一個字：劈！見澳航劈得咁爽，國泰梗係二仔底：來回澳洲6大城市HK$4,278起，連稅計：珀斯HK$5,333起、墨爾本HK$5,350起、阿得萊德HK$5,378起、布里斯班HK$5,448起、悉尼HK$5,452起、開恩茲HK$5,483起。如果唔一定要坐國泰，早前隻澳航可以比較下，不過珀斯、阿德萊德同開恩茲就只得國泰有直航。出發日期由4月27日至6月26日、8月16日至9月18日、10月17日至11月4日，仲可以OpenJaw（不同城市往返）。Check過系統，供應量足（淡季嘛）機票有效期為1個月，最後出票日期為4月2日。

網址：www.zuji.com.hk

（覺得抵可用Whatsapp同LINE Share俾朋友架）

國泰跟劈！直飛澳洲6大城市來回$4,278起，11月4日前出發

澳洲凍了！平機票回來了！仲要係直航添：澳洲航空來回澳洲4大城市HK$3,400起，連稅計：布里斯班HK$4,575起、墨爾本HK$4,777起、悉尼HK$4,879起、阿德萊德HK$5,055起（需轉機），比上年平足千幾蚊（鬼咩！燃油附加費大減價嘛）！出發日期由4月27日至6月26日、8月16日至9月18日、10月17日至11月4日，呢口價比廉航Scoot係貴HK$2,000左右，但澳航係直飛兼包30kg行李寄艙同飛機餐喎！亦可以做OpenJaw添！呢隻平飛係”Q” Class，儲唔到Asia Miles，想儲就要加入英航Avios喇。Check過系統，供應量足（淡季嘛），如果唔怕8月澳洲凍，香港暑假期間飛一轉真係爽皮。機票有效期為1個月，最後出票日期為3月27日。

網址：www.zuji.com.hk

參考圖輯：「又飛啦！」親身直撃：澳洲航空A330-300之旅

（覺得抵可用Whatsapp同LINE Share俾朋友架）

嘩！澳航直飛澳洲來回$3,400起，11月4日前出發

廉航捷星（Jetstar）啱啱劈咗香港<->大阪航線，今次輪到老家新加坡：飛新加坡單程淨機票HK$238起，來回連稅HK$919起，平就唔係最平，勝在出發時間幾靚。出發日期由4月14日至5月28日、9月1日至24日、10月6日至11月19日，Check過系統，大時大節冇（本身唔包暑假So Sad），不過重陽節例如10月16日（週五）去21日（週三）返都搵到HK$997呢口價嘅～～請兩日假（週一及二）就連放5日，都夠時間玩齊新加坡同馬拉新山LEGOLAND。此外，經新加坡樟宜機場轉機到澳洲都有平，例如（來回連稅計）達爾文HK$2,566起、珀斯HK$2,721起，唔駛三千都幾So。以上價格不包行李寄艙及飛機餐，最後出票日期為3月8日香港時間晚上11:59，啱就上官網買。

網址：www.jetstar.com

（覺得抵可用Whatsapp同LINE Share俾朋友架）

都筍！捷星香港飛新加坡單程只需$238起，11月19日前出發

嘉魯達航空自從成為Skytrax「五星航空公司」後都幾進取，繼超平峇里島機票後，連轉機飛澳洲都有平，來回HK$2,678起，連稅計：珀斯HK$4,671起、墨爾本HK$5,092起，悉尼就冇平，出發日期由依家至3月31日，賣點係嘉魯達航空已包每位飛機餐同30kg免費寄艙行李，比國泰多10kg。Check過系統，機票數量唔多，留意機票有效期只有7日，想逗留14日要補HK$400左右，可上ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

嘉魯達航空Last Minute平飛澳洲，來回珀斯、墨爾本HK$2,678起，3月31日前出發