仲記得今年初，小弟趁農曆新年飛去澳洲避年，早喺上年12月已經入手澳航機票。由於必須搭正農曆新年假期飛（早同遲啲都唔得），結果張機票連稅高達HK$11K！之後仲貴到上HK$13K以上！有見及此，小弟依家特別同大家提早搵一搵，結果發現有筍嘢！搭維珍航空直航悉尼，暑假新年期間，來回淨機票HK$5,300，連稅HK$7,934。以價論價，當然唔可以同啲HK$1,990超特價飛比，呢張機票最值錢在於可以揀年三十晚放工先出發（30/1），回程揀9/2（週日）返，前後只需請4日大假就可以併出10日假期，齋去悉尼又好，轉玩其他城市都得！相比起小弟上年嗰張澳航機票足足平HK$4,000！反正農曆新年假期絕對唔會有劈價，有心去嘅，趁仲未有人留意，咪等啦！

網址：www.virgin-atlantic.com

（覺得抵請記得按Like同Share俾朋友）

您冇睇錯，7-8月暑假高峰期都有劈！今次主角係馬航，佢晒冷式推出東南亞／澳洲／新西蘭／印度等唔同航點，先睇直航（來回計，前者出發日期為8/6 – 11/7，後者出發日期為12/7 – 25/8）：吉隆坡HK$580（連稅HK$1,296） / HK$780（連稅HK$1,496）；沙巴HK$1,180（連稅HK$1,896） / HK$1,380（連稅HK$2,096），前者竟然同AirAsia有得Flight！後者都好鬼平！但其實更推介坐商務艙：去吉隆坡如果坐737-800細機，6至8月來回一律HK$2,880（連稅HK$3,596），如果揀A380新機，來回一律HK$4,080（連稅HK$4,796），暑假可以用呢口價歎全新A380商務艙，性價比非常高。至於轉機，馬爾代夫HK$2,480（HK$5,073）/ HK$2,780（HK$5,573），奧克蘭HK$2,580（連稅HK$6,479）/ HK$2,980（連稅HK$6,879），班加羅爾HK$1,780（HK$3,272）。至於澳洲線，由於維珍同澳航鬥劈中，唔入得過。佢仲有一大批東南亞城市減，有興趣可以上馬航官網發掘下。最後出票日期為26/6。

網址：malaysiaairlines.com

（覺得抵請記得按Like同Share俾朋友）

尋晚先講澳航直飛悉尼／墨爾本同布里斯本下半年機票有劈價，對手維珍立即反擊！仲要同您玩晒冷：無論係直航嘅悉尼，抑或轉機嘅阿德萊德／布里斯本／黃金海岸／坎培拉同墨爾本都同樣劈（到悉尼後轉搭維珍澳洲），價錢亦同澳航一樣：淨機票HK$3,040．連稅計，悉尼HK$5,690，阿德萊德HK$5,960，布里斯本HK$5,946，黃金海岸HK$5,942，坎培拉HK$6,061，墨爾本HK$5,819，出發日期亦同澳航一樣：1/8 – 24/9；8/10 – 8/12，機票有效期1年。由於官網只能售賣悉尼機票，建議去番ZUJI訂，因為6個地點都有齊晒，價錢亦一樣．當中以黃金海岸同悉尼最有睇頭：前者少有平盤，後者如果同澳航同價，梗係試下維珍，質素相信比澳航高一啲。

網址：www.zuji.com.hk

（覺得抵請記得按Like同Share俾朋友）

之前幾個禮拜，澳航出過幾次HK$1,990飛澳洲，不過由於太Last Minute（要即買即飛），所以澳航轉新招，改推下半年平機票：出發日期由1/8 – 24/9；8/10 – 8/12，直航悉尼／墨爾本／布里斯班均一價淨機票HK$3,040，連稅計，悉尼HK$5,686，墨爾本HK$5,556，布里斯班HK$5,698，可揀唔同城市往返，放便您周圍玩唔駛行回頭路，機票有效期1個月。Check過系統，供應量充裕，鬼咩！澳洲冬天，唔平邊有人去？不過講真澳洲冬天又唔係冰天雪地（日間都Keep住十幾廿度），都有一批探親客或回流朋友乘機平飛澳洲。雖然比Last Minute劈盤貴HK$1,000左右，但勝在唔駛等唔駛搏，所以適合想一早Plan定行程，又或者同大班朋友去嘅人士（例如放暑假中嘅學生哥）趁低吸納。

網址：www.qantas.com.au

（覺得抵請記得按Like同Share俾朋友）

尋晚未出國泰fanfares，已經有線人報料話新西蘭航空今日會劈奧克蘭機票。當時心諗：新西蘭航空好少會做Last Minute劈喎！原來係國泰首次推出奧克蘭fanfares價！嘿嘿！咁唔怪得跟劈～以盤論盤，香港直航奧克蘭已經好耐冇見過呢個價錢，淨機票HK$4,590起，連稅HK$6,837（同國泰fanfares同價，不過只限坐番自已航班，國泰航班不能），出發日期為2/6 – 20/6，須於25/6前回港，呢樣就同國泰fanfares唔同（人哋係10月，天氣暖啲）。另一唔同嘅係新西蘭航空呢批筍盤可以儲AsiaMiles。如果想去埋其他城市，如基督城 / 威靈頓 / 尼爾森，來回加HK$1,500；皇后鎮 / 但尼丁來回加HK$2,000；羅托魯瓦就經濟啲，來回加HK$1,000。依家已經開賣，不過記得係限時劈，最後出票時間為29/5 23:59。至於其他月份，講真唔平，忍下手好啲。

網址：www.airnewzealand.hk

（覺得抵請記得按Like同Share俾朋友）

國泰劈，澳航劈，同樣有直航飛悉尼嘅維珍，點會唔劈？淨機票一樣HK$1,990，連稅HK$4,784。出發日期為27/5 – 3/6，機票有效期為14日，官網冇得賣，去真旅網啦！Check過系統，供應量唔錯！其實12/6（週三）係瑞午節，最抵嘅方法係31/5（週五）放工出發（香港去程VS200 19:20/06:35+1），去到12/6先返香港（悉尼返程VS201 14:25/21:55），前後請7日假（假設您返5日工），就可以玩足12日，都抵請假，兼且接近用盡機票有效期呢？最後出票日期為27/5。

網址：www.travelzen.com

（覺得抵請記得按Like同Share俾朋友）

暑假想同另一半豪遊世界，去邊度抵？歐洲直航機票經濟位拿埋都萬萬聲，同樣價錢，寧願去澳洲好過，皆因7-8月東岸氣溫平均都有20度以上，好適合出外睇風景同出海。講起澳洲，之前小弟同大家講過Plan緊去開恩茲，結果係……自己唔得閒，反而家父家母2人就成功出發。佢哋返嚟話依家開恩茲天氣和暖，又多風景睇，非常之歎咁話喎！梗係啦！今次佢哋搭國泰特選經濟艙，比經濟艙更舒服，來回淨機票每位只需HK$9,060（須2人同行），連稅HK$11,803，兼且係直航添！查實呢個價比旺季平二千蚊以上，所以都值得推介。更重要嘅係由依家到30/6 期間，經國泰官網訂購開恩茲機票（不論係經濟客艙（包括fanfares機票），特選經濟艙，商務甚至頭等艙），如果係31/10前出發，佢會加送兩項優惠：

1. HK$100國泰航空免稅品預訂電子禮券，您可以喺出發前上國泰免稅品網上商店（http://www.cathaypacific.com/dutyfree）揀定心水免稅品，用呢張禮券即減HK$100（用嚟買飛機模型就最抵喇），然後上機取貨；

2. 一大堆開恩茲旅遊優惠，例如遊輪或潛水活動、參與當地旅遊團、文化公園入場、Skyrail纜車或直升機之旅、餐廳優惠等，夠晒實際，加加埋埋都慳唔少。

記得要經國泰官網訂購，先可以向國泰登記索取禮品播！

優惠詳情請睇：http://bit.ly/14gtiiX

條款細則請睇：http://bit.ly/107LHgj

購買特選經濟艙2人同行優惠機票請去：http://www.cathaypacific.com/cpa/zh_HK/offerspromotions/offerslanding?CX_LANGUAGE=zh&CX_COUNTRY=HK&refID=6471d731b1e08310VgnVCM62000007d21c39____

申請HK$100免稅品電子禮券步驟：

1. 先去國泰官網購買香港單程或來回開恩茲機票（價錢不限），記得係31/10前出發嘅，每次預訂只可換一張HK$100，所以建議兩人去就分開兩次訂，如此類推，咁就可以每人都有HK$100現金券喇！

2. 去呢度（http://bit.ly/107LHgj），Click “登記表格”，填寫個人資料，國泰會喺十四日內核實。記得睇清楚條款及細則呀！

3. 經國泰核實後，國泰會send返一封email俾人客，裡面會有呢張HK$100免稅品預訂電子禮券編號，您只需喺國泰免稅品網上商店（http://www.cathaypacific.com/dutyfree）揀定心水免稅品，結帳時輸入禮券編號，即可減HK$100喇！

（覺得抵請記得按Like同Share俾朋友）

澳航再一次睇住國泰嚟食！連續第三個禮拜針對fanfares澳洲盤，人家今週推悉尼指定日子往返，佢就2仔底：死跟！同fanfares價錢一樣：來回淨機票HK$1,990，連稅HK$4,770，不過去程時間選擇唔多，Check過官網，暫時只有28/5，30/5，3/6，回程最遲係14/6，無上週墨爾本多到任揀，可能大家都捉到澳航呢條劈路。經過三週，幾乎肯定澳航淡季劈價方法：總之週一晚留意國泰fanfares有乜澳洲線指定日子來回嘅選擇，週二去番澳航官網Check同一城市就掂啦！唉！點解國泰完全唔還手呢？最後出票日期為27/5。

網址：www.qantas.com.au

（覺得抵請記得按Like同Share俾朋友）