香港航空推出第二次Flash Sale，多達10個航點有平：香港來回曼谷HK$550（連稅HK$933）起、台北HK$650（連稅HK$985）起、日本宮崎HK$1,040（連稅HK$1,250）起、東京HK$1,550（連稅HK$1,960）起、岡山HK$1,850（連稅HK$2,050）起、大阪HK$1,950（連稅HK$2,393）起、澳洲黃金海岸/開恩茲HK$2,650（連稅HK$3,411）起。同上次一樣，呢啲價都唔係特別驚喜，曼谷同台北唔駛一千都可考慮，但時間咁差不如轉睇阿聯酋航空去曼谷（http://flyagain.la/42382），或者長榮飛台北喇（http://flyagain.la/41654），性價比更高。而宮崎呢個價真係好抵喇，千二蚊飛日本絕對無得輸，仲要包行李，即搶！東京線叫做平咗一百蚊。大阪就麻麻喇，上星期先報過佢哋仲做緊HK$1,450（http://flyagain.la/42499），依家差5百唔多抵。澳洲線又翻兜，都仲可入手位。另外仲有上海同杭州優惠，可到官網睇睇，票價已包20kg行李及飛機餐（澳洲線為30kg），有需要就上官網訂。

【出發日期】8月22日至10月29日（各航線各不同）
【最後訂票日期】8月17日

【訂購網址】www.hongkongairlines.com
【預訂教學】http://flyagain.la/34422

（覺得抵可用Whatsapp同LINE Share俾朋友架）

港航Flash Sale！即搶來回日本宮崎連行李$1,040起！另外曼谷$550、台北$650、東京$1,550、澳洲$2,650起，10月29日前出發

酷航今週推出新優惠，都係冇乜驚喜。來回新加坡連稅要HK$935起，實在貴，可以略過！今次可睇睇澳洲航點，經新加坡轉機來回珀斯HK$1,502（連稅HK$2,386）起、黃金海岸HK$1,844（連稅HK$2,674）起。留意返珀斯係必需要加購Scoot-Thru 酷轉服務，每程HK$110。飛黃金海岸仲可以偷轉機時間入境新加坡，跟住我哋「週末又飛啦」介紹獅城食好西。今次優惠唔算超平，但都叫可入手位，而酷航係廉航，買單程都適合，其餘澳洲航點都要成3千以外，價位唔吸引，所以唔推介俾大家了。以上價格不包行李同飛機餐。有興趣就去酷航官網出票。

想知珀斯有咩玩？不如睇睇我哋嘅介紹：http://flyagain.la/38657

提提您：以上價格不包行李同飛機餐，如果訂票時冇加購行李寄艙限額，如需後補每程需多加HK$50，所以建議大家一開始就買埋個行李。

【出發日期】即日起至10月29日
【機票有效期】不限
【購票日期】即日至8月15日23:59（香港時間）

【訂購網址】www.flyscoot.com
【訂票教學】http://flyagain.la/34754
【Flyagain搭乘報告】787-9夢幻客機的ScootBiz（http://flyagain.la/djhv）及經濟位（http://flyagain.la/wq9d）。

（覺得抵可用Whatsapp同LINE Share俾朋友架）

酷航澳洲優惠！來回珀斯$1,502、黃金海岸$1,844起，10月29日前出發

各位精靈訓練員！去歐洲捉吸盤小丑，去澳洲捉袋獸喇！之前介紹過「港歐廣/港歐台」玩法，當然又點少得「港歐澳/港歐紐」呢？啱晒澳洲粉絲、或者想歐澳兼玩嘅朋友，甚至係要去澳洲Working Holiday或讀書之前，想先嚟一次歐洲之旅嘅，都必需留意呢套飛！今次套飛可以由香港出發經維也納飛歐洲（坐奧地利航空），回程坐漢莎經德國飛香港，然後再轉飛澳洲（國泰或澳航飛墨爾本、悉尼、珀斯、布里斯本或阿德萊德），連稅只需HK$4,399起。飛紐西蘭仲筍呀！坐國泰或新西蘭航空飛奧克蘭，連稅HK$4,694起咋！

舉例2017年5月4日香港往歐洲，5月10日啟程回港，同日或24小時內轉飛澳紐城市（以下以珀斯為例），來回連稅組合如下：

香港->米蘭 // 蘇黎世->香港 // 香港->澳紐 HK$4,399起
香港->阿姆斯特丹 //蘇黎世->香港 // 香港->澳紐 HK$4,399起
香港->斯德哥爾摩 //蘇黎世->香港 // 香港->澳紐 HK$4,399起
香港->哥本哈根 //蘇黎世->香港 // 香港->澳紐 HK$4,399起
香港->布拉格 // 巴塞隆拿->香港 // 香港->澳紐 HK$4,868起
香港->布拉格 // 馬德里->香港 // 香港->澳紐 HK$4,878起
香港->威尼斯// 巴塞羅那->香港 // 香港->澳紐 HK$4,899起
香港->倫敦 // 布魯塞爾->香港 // 香港->澳紐 HK$4,915起

去程經維也納時仲可停留最長24小時，舉例5月3日香港飛抵達維也納，翌日先再飛目的地繼續旅程都唔駛補錢，變相快閃奧地利，一票玩四地！

以上各價以唔在香港作中停計，需要即日或隔日飛第三程，如果想在香港中停者，需加HK$660左右便可，亦變相拆開了1個歐洲+1個澳洲/紐西蘭之旅（整套飛於1個月內完成），非常抵買！至於地點，基本上奧航及漢莎有覆蓋的地點均可組合出來，而澳紐城市則以柏斯、墨爾本、阿德萊德及奧克蘭較易組合。您亦可以依據自己喜好拼合，大家不妨花時間於Expedia香港網站發掘心水城市。

港澳朋友飛澳紐後，回程返港則額外加購1張廉航平機票（例如JetStar、Scoot或AirAsia X），連稅估計6至7千左右，絕對極品抵，適合有長假期朋友。至於澳洲朋友，去程加張澳洲飛香港嘅機票，再接駁呢個組合即可平玩歐洲！呢口價主要集中喺出年4-5月淡季日子，即刻上去搵您嘅心水組合喇。

【出發日期】9月6日至2017年6月24日
【機票有效期】1個月
【最後訂票日期】8月8日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

巨抵！「港歐澳/港歐紐」抵盤！奧航/漢莎來回歐洲＋香港單程往澳紐連稅$4,399起，2017年6月24日前出發

澳洲粉絲，需要單程機票返香港？呢張飛平靚正呀！馬印航空推出優惠，由澳洲珀斯出發，經吉隆坡單程飛香港只需HK$820（連稅HK$1,455）起，馬印雖係低成本航空，但票價已包30kg行李+飛機餐、機艙上仲有USB叉電+機上娛樂，同坐傳統航空差唔多，所以呢口價點都抵過坐Airasia或者酷航喇。出發日子由8月至11月，集中10月會較易搵到，大家可花時間上Hutchgo去搵搵。（馬印同馬航係唔同㗎。）

至於香港粉絲都用得，去程補買一張單程飛澳洲嘅機票，舉例Airasia 9月份單程飛珀斯連稅約HK$1,088（未包行李寄艙），而回程就搭呢張，大約三千頭就可以來回珀斯喇！

【出發日期】8月5日至11月10日
【機票有效期】不限
【最後出票日期】8月14日或售完即止

【訂購網址】www.hutchgo.com.hk
【預訂教學】http://flyagain.la/33982

（覺得抵可用Whatsapp同LINE Share俾朋友架）

咁抵返嚟喇！馬印航空澳洲珀斯單程飛香港$820起，包30kg行李，11月10日前出發

響澳洲留學、做嘢，或者Working Holiday緊嘅您，掛住香港朋友？買張平機票返嚟走轉喇！澳洲航空推出澳洲出發優惠，價錢勁吸引，澳洲來回香港淨機票HK$2,825起，連稅計：阿德萊德HK$3,874起、布里斯本HK$3,937起、悉尼出發HK$3,940起、墨爾本出發HK$3,945起。除咗阿德萊德需要轉機，其餘三個航點都係直航往返，全部四千有找，真係幾抵！票價已包30kg行李配額，機票有效期12個月特長，相當實用。Check過系統，供應尚算充足，官網賣價較貴，大家可上Ctrip出票。

【出發日期】10月11日至10月28日、2017年2月13日至3月22日、4月26日至6月20日
【機票有效期】12個月
【最後訂票日期】8月23日或售完即止

【訂購網址】 www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

抵呀！返港探fd！澳航墨爾本/悉尼/布里斯班/阿德萊德來回香港$2,825起，2017年6月20日前出發

酷航推出新優惠喇！但係冇乜驚喜。來回新加坡連稅要HK$917起，實在貴，可以略過。今次可睇睇澳洲航點，經新加坡轉機來回珀斯HK$1,482（連稅HK$2,367）起、黃金海岸HK$1,824（連稅HK$2,655）起。留意返珀斯係必需要加購Scoot-Thru 酷轉服務，每程HK$110。唔算超平，但都叫可入手位，而酷航係廉航，買單程都適合，其餘澳洲航點都要成3千以外，價位唔吸引，所以唔推介俾大家了。以上價格不包行李同飛機餐。有興趣就去酷航官網出票。

想知珀斯有咩玩？不如睇睇我哋嘅介紹：http://flyagain.la/38657

提提您：以上價格不包行李同飛機餐，如果訂票時冇加購行李寄艙限額，如需後補每程需多加HK$50，所以建議大家一開始就買埋個行李。

【出發日期】即日起至10月29日
【機票有效期】不限
【購票日期】即日至8月4日23:59（香港時間）

【訂購網址】www.flyscoot.com
【訂票教學】http://flyagain.la/34754
【Flyagain搭乘報告】787-9夢幻客機的ScootBiz（http://flyagain.la/djhv）及經濟位（http://flyagain.la/wq9d）。

（覺得抵可用Whatsapp同LINE Share俾朋友架）

酷航澳洲優惠！來回珀斯$1,482、黃金海岸$1,824起，10月29日前出發

Fanfares減佢又減！今期國泰Fanfares有奧克蘭，所以新西蘭航空跟手推出48小時限定盤：來回奧克蘭只需HK$4,787（連稅HK$5,441）起。相比起廉航轉機飛奧克蘭都只係貴咗啲啲，直航五千幾其實真心正！出發日期為10月23至11月30日。平時將近八千埋單嘅機票依家連稅五千多啲就有交易，所以想去就要把握機會喇。Check過系統，供應量足，官網貴幾百，可上Ctrip出票。

【航班時間】
去程：NZ0080 17:55-09:55+1
回程：NZ0087 23:50-06:05+1

【出發日期】10月23日至11月30日
【機票有效期】3個月（需於12月7日前回程）
【最後訂購日期】8月4日香港時間07:59或售完即止

【訂購網址】www.ctrip.com.hk
【預訂教學】http://flyagain.la/34618

（覺得抵可用Whatsapp同LINE Share俾朋友架）

跟減！新西蘭航空直航來回奧克蘭$4,787起，11月30日前出發

香港航空剛剛推出Flash Sale，今次有6個航點參與，香港來回日本鹿兒島/宮崎HK$1,600（連稅HK$1,810）起、澳洲黃金海岸/開恩茲HK$2,650（連稅HK$3,411）起、札幌HK$3,750（連稅HK$4,047）起，呢啲價其實同冇平過係差唔多，之前一直都做緊一排㗎喇。好似之前報過港航澳洲優惠，做到出年3月都有平（詳情：http://flyagain.la/41084）、札幌上星期先出過平價（詳情：http://flyagain.la/42022）、九州線再平啲都試過，不過反應都係一般般。票價已包20kg行李及飛機餐（澳洲線為30kg），有需要就上官網睇睇喇。

【出發日期】
8月16日至10月31日 (黄金海岸/開恩茲)
8月10日至9月14日 (鹿兒島/宮崎/札幌)
【最後訂票日期】8月3日

【訂購網址】www.hongkongairlines.com
【預訂教學】http://flyagain.la/34422

（覺得抵可用Whatsapp同LINE Share俾朋友架）

港航Flash Sale！暑假出發！來回日本鹿兒島/宮崎$1,600、澳洲黃金海岸/開恩茲$2,650起、札幌$3,750起，10月31日前出發