勁平呀！12月開始韓國滑雪旺季，濟州航空推出劈價來回首爾HK$850起，連稅HK$1,578起，想去韓國既各位，唔好諗喇！抵買！出發日期由12月1日至12月31日，而部份日子可以凌晨機去夜機返！Check過系統，聖誕旺季前後都搵唔到，而主要集中係12月頭。提提您，濟州航空包寄艙行李15kg，但冇包飛機餐。訂票日期至31/7，上官網訂飛啦！

航班時間：

去程: 7C2110 13:35-18:15、7C2108 01:50-06:30 (逢一二四五六)
回程: 7C2109 09:55-12:35、7C2107 21:40-00:25+1 (逢一三四五日)

網址: http://en.jejuair.net/jejuair/en_EN/

覺得抵請記得按Like同Share俾朋友）

12月韓國滑雪召集！劈價！濟州航空來回首爾$850起

早餐盤近日排隊推出，明日就輪到韓國釜山：釜山航空將於明日（7月1日）香港時間早上9點開賣其早盤及期貨盤，出發日期由10月1日至明年3月31日，戰線極長，來回淨機票HK$990起（香港出發）或MOP990起（澳門出發），連稅計香港出發HK$1,748起，澳門出發就MOP1,984起。釜山依家有HK Express（香港快運）做競爭對手，以價論價，如果您唔急不如等下對手會否還擊，但如果一心想11月飛去睇紅葉，呢口價都入得過，話晒釜山航空包20kg行李寄艙，呢度都值HK$300。機票有效期7日，最後出票日期為7月7日。

航班時間如下：

BX392 HKG 0205 – 0610 PUS 320 D
BX391 PUS 2135 – 0001+1 HKG 320 D

BX382 MFM 0205 – 0610 PUS 320 1,4,6
BX381 PUS 2150 – 0020+1 MFM 320 3,5,7

網址：www.airbusan.com

（覺得抵請記得按Like同Share俾朋友）

7月1日早上9點開搶！釜山航空香港及澳門來回釜山$990起，10月至明年3月出發

快搶啦！濟洲航空剛出咗首爾平機票，出發日期為1/11 – 30/11，由於每年11月都係韓國紅葉時間（確實日子未咁快知住），有心去就立即磅水出票！來回機票HK$850起，連稅HK$1,577起，不過供應量極少！濟洲航空係包埋20kg行李但唔包飛機餐，如果揀零晨去夜機返會貴啲，最後出票日期為30/6。

網址：en.jejuair.net

（覺得抵請記得按Like同Share俾朋友）

早盤快搶！睇紅葉！濟洲航空來回首爾$850起！已包20kg行李！

之前搶到首爾平機票嘅您，未訂酒店？依家有執平房機會：AirAsiaGo今晚00:00起推出首爾酒店劈，參與酒店約20間，都係啲有水準嘅酒店，最平5折起，可以再用埋佢9折Code，抵上加抵，入住日期到30/9前，換言之暑假都包。精選酒店方面，平平哋可以考慮首爾希爾豪斯酒店，位於首爾塔同明洞聖堂附近，勝在價錢平，每晚HK$481起（未連稅，未用9折Code，下同）；另一間經濟型選擇係首爾CATS飯店，位於鐘路三街地鐵站附近，搭車去明洞都係5分鐘，每晚HK$595起；Budget高啲不妨考慮格蘭莫斯酒店，位於高尚嘅江南區，勝在房大兼裝修靚仔！樓下有泳池健身室等設施，每晚只係HK$923起，性價比超高。至於其他酒店不妨上AirAsiaGo官網望望，最後訂房日期為1/6。

AirAsiaGo 9折訂房Code：AAGTEN，可用港幣結算，大型連鎖酒店不適用，特價房亦可以用，訂其他國家都得！只要喺輸入住客資料嗰頁中，右邊價格一欄Click”推廣代碼”，系統就會彈出格仔，您就輸入”AAGTEN” 再按Enter就得（請留意：折扣只限純房價，稅及服務費冇得折）。

網址：www.airasiago.com

（覺得抵請記得按Like同Share俾朋友）

AirAsiaGo首爾夏季酒店5折劈+9折Code，9月30日前入住，今晚00:00 Start！

如果您係高等教育院校嘅全日制學位或全日制副學位學生（院校名單請睇官網），呢個學生票優惠真係抵：國泰港龍晒冷式推出52個短途優惠航點，只要您學生證有效期年份係2014年或以後（即係31/12/2013前不適用）就可以買，每人只限1張（Check-in時必須Show有效學生證，否則冇得上機）。至於價錢，大陸線來回HK$790起，連稅HK$1,410起，睇過唔太筍，可以不理；東南亞及台灣來回HK$990起，連稅HK$1,575起，我哋認為暹粒／泗水／仰光呢三個HK$990係最抵買，其他都係一般般；日韓線來回HK$1,390起，連稅計，福岡HK$1,971起／沖繩HK$1,973起／釜山HK$2,067起／濟州HK$2,076起／名古屋HK$2,094起／東京成田HK$2,097起／東京羽田HK$$2,102起／首爾HK$2,115起／大阪HK$2,131起／札幌HK$2,576起，其中以札幌最抵！平時暑假連稅起碼賣六／七千！首搶！其他城市都甚有睇頭，呢一組最值得入貨。除咗平，機票有效期更長達21日！仲可以儲25% Asia Miles！不過要留意出發日期由依家到9/7，26/8 – 15/9，暑假高峰期冇平飛，建議早飛早著。最後訂票日期為10/7。

網址：https://www.cathaypacific-campaign.com/popupngo/tc/book

（覺得正請記得按Like同Share俾朋友）

全日制大專生尊享！暑假頭尾適用！國泰港龍大陸來回$790起，東南亞台灣$990起，日本韓國$1,390起

我哋好少介紹美國邁阿密平機票，原因好簡單：香港出發極少會平，如果唔介意首爾出發，呢隻絕對有得諗：達美航空有一隻超筍盤，來回連稅最平只需W611,000（約HK$4,632）起，中間停1至2個城市（例如底特律，阿特蘭大，西雅圖等，但不設免費中停），出發日期話就話由7/9 – 13/12，但Check過系統，主要集中喺9-11月，12月冇乜，反而2015年2-3月少量日子都有呢口價。至於香港飛首爾，依家有廉航HK Express幫手（仲記得佢隻早餐盤嗎？再睇：http://flyagain.la/?p=13377），來回連稅包行李HK$2,000有找唔難，兩套加埋埋單HK$6.6K左右，仲可以順道玩埋首爾，都算抵買。機票有效期1年，Class Code係V可以儲100%里數，去程限週二至五，回程限週一至四，官網有售。

除咗達美，大韓航空同韓亞都有類似優惠，分別在於第一程由首爾飛東京，再由東京搭達美飛美國，而東京需要轉機場（由羽田轉成田）。唔介意辛苦又想貪免費留1晚東京，可以改去ZUJI出票。

達美網址：zt.delta.com

ZUJI網址：www.zuji.com.hk

（覺得抵請記得按Like同Share俾朋友）

平飛美國邁阿密！達美航空首爾來回連稅$4,632起，9月起出發

首爾機票再現跌勢，今次追擊目標係韓亞航空：來回淨機票HK$2,013，連稅HK$2,738起，出發日期為14/6 – 30/6。價錢雖然仲比其他航空公司貴，但韓亞質素始終高少少，加上去程可以坐靚靚A380零晨班次（OZ746 00:40 / 05:10），回程冇限制睇供應，機票有效期又有1個月，呢口價仍然值得考慮。Check過系統，供應量唔多，都係集中6月平日出發，回雞假就冇。最後出票日期為23/5，可以去ZUJI買。

提提您：去程週五OZ746及回程週四OZ745，並非A380班次

網址：www.zuji.com.hk

（覺得抵請記得按Like同Share俾朋友）

搭A380飛首爾！韓亞航空6月中下旬出發，來回$2,013起

首爾線自從有香港快運加入後，票價愈劈愈平！濟洲航空剛推出首爾線早餐盤，1/9 -31/10出發，來回淨機票HK$840起，連稅HK$1,565起，最大賣點係可以揀凌晨去夜機返（去程7C2108 01:50 / 06:30，逢週一／二／四／五／六，回程7C2107 21:40 / 00:25+1，逢週一／三／四／五／日），仲要佢包埋來回20kg行李寄艙，機票有效期長達1年，比快運更筍，呢口價，唔駛諗，爆搶！睇嚟好快賣晒架！

網址：en.jejuair.net

（覺得抵請記得按Like同Share俾朋友）

爆搶！首爾9至10月早餐盤，濟洲航空來回$840起！可凌晨去夜機返添！