X
聯合航空為慶祝四月份開始香港<->關島航線增至四班（以後逢週一／三／五／六各對開一班直航)，推出特價機票，來回淨機票HK$3,800起，連稅HK$5,040起，機票有效期長達21日，呢口價比較少見。Check過系統，供應量充裕，連六月尾出發都有！回雞假，暑假初，一於去關島陽光與海灘啦喂！最後出發日期為30/6。
（記得按下面「讚好」Share俾Facebook朋友）
華航雅加達航線不嬲都幾肯劈價，無辦法，來回時間唔好嘛！不過呢隻特別劈盤值得講下。喺20/4週六零晨，華航會有一班特別加班機由香港直飛雅加達，出發時間01:00，到達時間04:45，來回淨機票HK$910，連稅HK$1,547，呢隻Fare有兩大賣點，1. 機票有效期長達一個月，一般咁平嘅飛都只係7-14日左右，適合有意慢慢玩人士，而且到雅加達咁早，方面大家轉內陸機去印尼其他城市。但最正嘅係：2. 印尼傭工於香港機場出示有效工作證明，可額外享有15公斤免費行李託運（只限香港至雅加達航段），買嚟俾家中印印放假就正啦（記得叫印印到時拎埋僱傭合約正本以便辦理出境及入境手續）！
（記得按下面「讚好」Share俾Facebook朋友）
暑假想平飛？有！今次就介紹空氣亞洲：即係AirAsia嘅暑期筍盤鐵三角，包括曼谷來回HK$1,066（連稅，下同），吉隆坡HK$1,076，沙巴HK$1,016，出發日期由1/7 – 17/11，Check過系統，暑假供應量不俗，曼谷就比較集中喺八月中下旬，其他就七八月都唔太難搵（咁梗係唔會日日有啦），不過沙巴最慘回程要捱超早機，否則就俾多近一千，建議先訂去程，回程唔好訂住，睇下遲啲有冇再劈先去補飛。最後出票日期為1/4。溫馨提示：以上價格唔包行李寄艙同飛機餐。
（記得按下面「讚好」Share俾Facebook朋友）
當國泰成日推出越南fanfares HK$790機票，越南航空唯有死跟啦！今晚00:00開始，佢會喺官網推出一系列平盤，當中香港飛河內及胡志明市，淨機票同國泰睇齊：HK$790起，連稅HK$1,520起，出發日期為1/4 – 27/4；2/5 – 30/6；1/8 – 25/9；3/10 – 15/12，即係包括八月暑假同埋年底，暑假又一平旅行機會！而且唔駛等國泰「恩賜」fanfares俾您添！不過越南航空官網淨係識得Show越南盾價錢，幾百萬上落（！！），記得開埋Yahoo貨幣轉換器（http://hk.finance.yahoo.com）計番港幣，啱價先下手，最後出票日期為29/3。
（記得按下面「讚好」Share俾Facebook朋友）
又到週五晚，又係時候介紹港航今個週末有乜筍嘢喇！今次有三樣好嘢：第一：港航話今日加推咗一批北京HK$610同埋台北HK$510（未連稅）機票，Check過系統，北京HK$610主要集中喺九月後，台北HK$510主要集中喺六月頭同尾（回雞假就冇，除非您肯26/6去30/6返），暑假就冇，九月打後大把。記得用埋紫荊會會員減HK$50優惠（紫荊會免費申請網址：http://bit.ly/XiCJvm），減完後，北京HK$560，台北HK$460！超平啦！第二：逢週末都有嘅”週末熱賣”又嚟啦！都係用番相同Promotion Code（詳情請睇：http://www.hongkongairlines.com/zh_HK/flight/weekendbazaar），如果之前睇中咗冇特價嘅機票，就要趁週末用埋佢Promotion Code減埋價出票喇！最後一樣：四月平日飛台北來回HK$320仲有喎！記得以下買飛步驟：
Step 1：出發日期必須揀四月週日至三，回程七日內
Step 2：如果見到有HK$620機票，恭喜您！就係您今次要搵嘅目標！
Step 3：記得先登記及login紫荊會會員（紫荊會免費申請網址：http://bit.ly/XiCJvm）
Step 4：再輸入Promotion Code : wZQ638EV（大細階必須跟足）
Step 5：系統會幫您減HK$300，總之連稅價係HK$1,004就去俾錢啦！
記住：以上三個優惠係紫荊會會員先有！記得俾錢前Login，否則就用唔到相關優惠喇～
紫荊會免費申請網址：http://bit.ly/XiCJvm
（記得按下面「讚好」Share俾Facebook朋友）
春天飛三藩市想買特價飛？依家國泰都有淨機票HK$5,900連稅HK$8,404選擇，但機票有效期只有15日，想玩耐啲？大韓有好嘢益您！由31/3至31/5出發，經首爾轉機飛美國三藩市，來回連稅HK$6,998起，機票有效期長達三個月，只要加約HK$600可延長至一年，再加HK$800更可以停留首爾，加埋亦係八千鬆啲，但可以一雞兩味，仲可以食足一年，去大韓官網出飛吧（HK$6,998供應量較少，要慢慢搵）！最後出票日期為30/4。
（記得按下面「讚好」Share俾Facebook朋友）
18/3，我哋「又飛啦！」先介紹去ZUJI訂長榮五月尾前飛台北機票來回HK$684，依家連長榮官網都有得訂，仲要再平啲：盛惠HK$650，連稅HK$1,333！不過呢個價只限搭香港->台北早機BR828（07:30/09:10）同埋最夜機BR810（21:45/23:25），其他航班只需加HK$50：淨機票HK$700，連稅HK$1,383，建議豪多HK$50，航班選擇多嘛！2-7日機票，最後出票日期為本週六（23/3） 晚23:59，不過呢個價錢，相信稍後時間又會拎番出嚟賣嘅！
（記得按下面「讚好」Share俾Facebook朋友）
澳洲步入冬季，機票越嚟越平！澳航剛推出飛悉尼、墨爾本、布里斯本、凱恩斯、阿得萊德劈盤，來回淨機票HK$3,370起，1人飛都得，出發日期為1/4 – 13/6，機票有效期21日。連稅後，飛悉尼HK$6,283、墨爾本HK$6,121、布里斯班HK$6,299，都係直航。凱恩斯HK$6,666，阿德萊德HK$6,574，呢兩隻就要轉機。至於珀斯，冇直航後價錢就變貴，連稅高達HK$8,027！即刻放棄！Check過系統，四月中前供應量唔多，之後到六月中都唔太難搵到，上澳航官網望下啦！最後出票日期為24/4。
（記得按下面「讚好」Share俾Facebook朋友）
X