雖然大家可能連屋企啲糉都未食晒,但依家又係時候Plan吓中秋節飛去邊玩喇,今年中秋公眾假期係9月16日(星期五),連埋周六、日已經有個Long Weekend,請多1-2日就夠去個短Trip。我哋精選咗台灣、泰國、韓國、日本幾個精選地點嘅平機票比大家參考,而且最少請1日就可以放4日,如果冇假又想飛,呢篇文章真係要Bookmark+Share+深入研究,不過旺季日子真係早買早享受,遲買冇咗呢個價就真係喊都無謂,搵到朋友、搵到心水日子、搵到啱價就即刻去馬喇!
台灣:
中華航空:中秋節飛台灣機票已經冇乜,如果可以拎3日假,9月14日去、9月19日返(請3放6),華航來回台北/台中只需HK$810(連稅HK$1,100)起,台北線仲係早去晚返靚時間,訂夠3張可以用滿HK$2,000減HK$300優惠Code(詳情按此:http://flyagain.la/40301),每張機票平HK$100,即係連稅一千就得。
國泰/港龍:唔鐘意華航亦可考慮國泰,但要2人同行,飛台北/高雄每位HK$870(連稅HK$1,160)起,不過時間亦冇咁靚,台北係早機去午機返,高雄仲揀到早去晚返,可揀9月14日去、9月19日返(請3放6),訂夠3張一樣可用滿HK$2,000減HK$300優惠Code。另外9月14日去、9月18日返都得(請2放5),飛台北/高雄每張HK$1,100(連稅HK$1,400)起,訂2張已經可以減HK$300,即係每張只需HK$1,250起,叫做合理水平喇。
曼谷:
斯里蘭卡航空:曼谷機票同樣搶手就爆,所以平+靚時間係冇乜可能,但如果9月15日去、9月19日返(請2放5),可搭斯航,每位HK$939(連稅HK$1,278)起,訂夠3張可以用滿HK$2,000減HK$300優惠Code,每張機票平HK$100,即係每張連稅HK$1,178起。
國泰航空:或者俾多少少坐國泰,時間都唔太差嘅,可以揀9月15日去、9月19日返(請2放5),2人同行每位HK$1,354(連稅HK$1,693)起,訂2張可用滿HK$2,000減HK$300優惠Code,每張機票平HK$150,即係每張連稅HK$1,543起,叫做有早機去中午機返。
首爾:
埃塞俄比亞航空:中秋期間出發最低價係佢,可揀9月15日出發、9月19日返(請2放5),淨機票HK$1,790(連稅HK$2,193)起,呢口價坐埃航唔係話好平,但以包30kg行李寄艙+飛機餐,航班時間都靚仔(午去晚返),坐787夢幻客機,都叫可入手價。
大韓航空:如果俾多少少可揀大韓,做緊HK$1,942(連稅HK$2,295)起,大韓有名氣質素唔差,飛機餐係韓式拌飯都好出名。可揀出發日期:9月15日出發、9月18日放(請1放4)、9月15日出發、9月19日返(請2放5);
泰國航空:泰航又係另一間質素之選,不過時間麻麻,午去早返,淨機票HK$1,952(連稅HK$2,305)。可揀9月15日出發、9月18日放(請1放4),9月15日出發、9月19日返(請2放5),HK$1,952(連稅HK$2,305)起,9月16日出發、9月19日放(請1放4)。
韓亞航空:韓亞喺幾間比較之下最貴,做緊HK$1,965(連稅HK$2,318)起,但最剎食一定係航班時間,凌晨機去,晚機返都仲搵到,玩盡每一日。可揀出發日期:9月15日出發、9月18日放(請1放4)、9月15日出發、9月19日返(請2放5);
日本:
ANA全日空:嘩!估唔到去日本都有平機票,雖然唔係震撼果隻,但呢口價都係吸引嘅:2人同行搭ANA來回名古屋HK$2,570(連稅HK$2,922)起,9月14日去、9月18日返(請2放5),呢口價係有2件23kg寄艙行李,Shopping掃貨都冇後顧之憂,而且可以享受ANA優質服務,性價比極高。
【訂購網址】www.hutchgo.com.hk
【預訂教學】http://flyagain.la/33982
(覺得抵可用Whatsapp同LINE Share俾朋友架)
![詳細分析!中秋機票埋嚟揀:來回台灣$710、曼谷$839、首爾$1,790、日本$2,570起](http://flyagain.la/wp-content/uploads/2016/06/CI-TPE-810.jpg)
詳細分析!中秋機票埋嚟揀:來回台灣$710、曼谷$839、首爾$1,790、日本$2,570起