見華航6月頭台北線劈得咁過癮（短短2日我哋錄得過千個Like！史無前例）？長榮點會唔跟？佢將新開嘅去程一頭一尾航班：BR828（07:30/09:10）及BR810（21:45/23:25）劈劈劈，價錢同佢航班號碼一樣：BR828 = HK$828（未連稅，稅就HK$729）BR810 = HK$810，雖然比華航貴百幾蚊，但勝在去程仲有早機揀（華航早機爆晒），咁頭一日俾你玩足成日，個百幾蚊唔係錢啦下話！回程一樣俾你任揀航班，視乎供應量啦！7/6 – 12/6就加番上HK$1,050，不過都算抵買。

留意位：

1. 出發日期：2/6 – 6/6（HK$828）；1/6 – 5/6（HK$810）；1/6 – 12/6（HK$1,050）

2. 機票有效期：2 – 7日

3. 最後出票日期：11/5（HK$810/828）；31/5（HK$1,050）

網址：www.evaair.com

（記得按下面「讚好」Share俾Facebook朋友）

邊有人自己劈自己架？咪華航囉！你睇，我哋「又飛啦！」星期一先講佢5月份2人同行飛台灣HK$846起（未連稅，下同），點知3日之後，佢自己狠劈自己一刀，將6月份頭6日（1/6 – 6/6）出發嘅台北機票，再減多HK$200，變成HK$646！不過當然有限制：去程要揀早上9點前或晚上9點後（前者得1班CI678 08:15/09:55，後者有2班，分別係CI924 21:30/23:10及CI928 22:15/23:55），回程揀邊班都得，7日機票，今次1人成行都得，邊有咁平架！靜雞雞話埋你知吖！7/6 – 13/7期間出發去台北嘅機票，以同樣出發條件，張機票只係貴少少：HK$776（29/6 – 2/7除外）！暑假又一平飛例證！不過記住用PayPal付款，以便獲得HK$194折扣，呢個折扣會於28/4截止。

網址：www.china-airlines.com

（記得按下面「讚好」Share俾Facebook朋友）

華航又劈價！不過今次要2人同行先得。只要去佢官網出飛，無論你飛台北／高雄抑或台中，2人同行統統減到HK$1,040起一張（連稅就HK$1,770起），如果你以PayPal俾錢，佢每張機票再減多HK$194，變相齋機票每張只需HK$846起，同上次狠劈水位差唔多，不過就要搵多個Friend飛了！唔緊要啦！出發日期限5月份，出票限期至28/4，機票有效期最長7日。

網址：www.china-airlines.com

（記得按下面「讚好」Share俾Facebook朋友）

飛日本或韓國首爾，一般都係搭直航啦！不過如果你想一次過玩埋台灣（事實上有十個喺「又飛啦！」FB發問者，有六/七個都關於台灣嘅），長榮呢隻Promo就要留意。佢俾你免費停一次台北（來回任揀，兩次皆停加HK$1,000），咁飛首爾就HK$1,900（未連稅，下同），而日本方面，東京成田HK$1,800；福崗HK$2,000；大阪HK$2,270；札幌HK$2,670；小松HK$2,800，當中會遇上Hello Kitty飛機架！如果想一雞兩味，又或者係老堅Hello Kitty迷，呢個價著實唔錯，否則梗係寧願俾多少少搭直航算啦！

留意位：

1. 機票有效期：0 – 14日

2. 出發日期：8/4 – 26/4；29/4 – 28/6

3. 若需更改航班日期或停留台北，可於購票後經長榮航空訂位部辦理

4. 香港-台北來回航段僅可乘搭由長榮航空營運之航班

網址：www.evaair.com

（記得按下面「讚好」Share俾Facebook朋友）

我哋「又飛啦！」都同大家報過港航4至6月各地平機票。其實佢隻GV2（即2人同行）一直有做優惠，不過一般旅行社會以套票形式出售，所以冇特登報。尋晚港航屬下嘅港航假期喺Facebook度介紹佢一系列嘅2人同行筍盤，包括多條亞洲區航線，例如東京HK$1,580／大阪HK$2,320；台北高雄HK$990／台中HK$1,100；三亞海口HK$740／上海HK$950／北京HK$1,160；曼谷新加坡HK$950；河內HK$1,480（以上全部未連稅）。以價論價，以上咁多隻中以大阪／上海／北京／曼谷／河內有啲睇頭，其他嘅，喂老實講對手都做呢個價錢（甚至更平），而且單買1張飛都得。佢冇講明係咪一定要跟套票出，而官網係冇呢口價嘅。Anyway，有興趣可以Call下港航假期問清楚，如果唔駛跟Pack，咁就值得買啦！

查詢電話：2369 8888

（記得按下面「讚好」Share俾Facebook朋友）

劈劈劈！華航近排同港航劈到你死我活，之前華航推3月份台北平機票減到$970，港航就變招推出$840但去程限坐最夜個班HX284 23:20/00:50。到4-6月新戰線，華航又同佢鍊過，呢次終於狠心一劈：劈到$875！而且台北高雄同價添！台北去程仲可以揀中午（11:05或12:50）或夜晚（21:30或22:15）班次，高雄去程揀11:40或21:05，回程就好多班都揀得！互片成咁，真係血流成河喎……我喺指荷包呀！搞到成日都想飛台灣添！不過想Enjoy呢口平價，記得喺官網用PayPal網上付款先得（佢會平HK$195）（P.S. 多謝網友Boco Leung今日報料）。

留意位：

1. 機票有效期：7日（如需要14日機票，加多HK$220）

2. 出發日期：1/4 – 30/6 （3/4 – 7/4除外）

3. 以PayPal付款可獲HK$195折扣

網址：www.china-airlines.com

（記得按下面「讚好」Share俾Facebook朋友）

爆單未經證實嘅壞消息俾大家知，長榮Hello Kitty環球機自上年23/12開始執飛香港<->台北線後（BR 857/858）一直深受歡迎，不過「又飛啦！」收到料，長榮會於23/5起重新調配Hello Kitty機，將其中兩部彩塗機由台北桃園調去台北松山，分別執飛東京羽田同埋上海虹橋，自此Hello Kitty機會同香港朋友講Bye Bye。未搭過／想Encore者，快快趣趁23/5前坐啦！官方未有正式公佈，相信一Confirm，餘下機票定必好快搶清光，各位「又飛啦！」Fans行動要快啦！

（記得按下面「讚好」Share俾Facebook朋友）

終於等到長榮推出4-6月（30/6）台北平機票啦！不過個價……同以前淡季一樣，盛惠HK$1,100起（未連稅），唔似華航／港航咁劈到HK$1,000以下。鬼咩！依家長榮同港航係合作關係嘛！大家做Code-Sharing，咁又點會學似華航咁大劈特劈咩！不過講真HK$1,100坐長榮好抵啦！起碼「準時」呢一樣嘢已經殺晒。更爆嘅係，復活節期間個價都只係HK$1,430，但代價係……回程要搭早上八點機呀陰公！想夜少少先返？得！俾多HK$800啦！抵唔抵俾，睇你荷包鳥。

網址：www.evaair.com

（記得按下面「讚好」Share俾Facebook朋友）