放國慶中秋長假前，日航將東京2人同行$1,900優惠出發限期稍為延長至14/12，作為對手嘅國泰，梗係二仔底：死跟！官網已低調Update咗最後出發日期到14/12（奇怪係改啲唔改啲，有啲地方仲寫住最後出發日期為30/11），唔單止東京，大阪同名古屋亦一併延長至14/12，價錢維持不變：2人同行飛東京每張HK$1,900（連稅HK$2,767），大阪每張HK$2,430（連稅HK$3,308，都係樂桃抵啲！），名古屋每張HK$2,000（連稅HK$2,863，抵去！），最緊要係全部都有AsiaMiles里數儲。Check過系統，基本上供應非常充裕，鬼咩！釣魚台事件令大量大陸旅客卻步，日本線唔平唔得。蝦！遲啲會唔會再減呢？如果聖誕附近都有呢口價，又唔錯喎～

網址：www.cathaypacific.com

（記得按下面「讚好」Share俾Facebook朋友）

好多人問我哋「又飛啦！」點樣先可以執港台線平機票？答案就係Last Minute先訂飛！上週四先講長榮9月尾Last Minute出發只需HK$960（未連稅，下同），今次就介紹港龍「尾劈飛」，又係咁上下：由依家到27/9以及2/10至6/10出發，飛台北同高雄來回只需HK$950，連稅HK$1,637（台北來回必須其中一程揀港龍，另一程可以揀番國泰，彈性頗大），最抵嘅係可以俾您做埋Open-Jaw（即可以揀唔同城市來回），唔駛加錢，唔駛走回頭路，呢個價係咪堅抵先？不過Check過系統，呢批飛主要集中喺平日來回，Weekend就冇啦！可惜咗啲。

留意位：

1. 機票有效期：2-7日

2. 航班限制：行程中必須包含港龍航班。香港 – 台北只適用於 KA486 或 CX494/CX406/CX466；台北 – 香港只適用於KA487 或 CX467/CX405/CX473

網址：www.dragonair.com

（記得按下面「讚好」Share俾Facebook朋友）

國泰以往做限時劈，一向集中劈短途亞洲線，今次竟然集中火力做長途，有啲意外播！巴黎$3,390（比法航平千幾二千），約翰內斯堡$3,990（好少劈價，南非航空永世冇平，加上年尾正係當地春至夏，最佳旅遊時間），芝加哥$4,990（直航呀！一於夾隻內陸機飛埋紐約或多倫多！分分鐘比直航平幾千！），平成半以上！加上呢三個地點直航極少有劈價盤，今次一定咪執輸！最後出票日期為本週六22/9 23:59，機票有效期為14日，今晚搶呢隻，好過AirAsia啦！您話係唔係？:)

出發日期：

1. 巴黎：1/10 – 14/12；23/12 – 31/12

2. 約翰內斯堡：7/10 – 12/12

3. 芝加哥：1/11 – 30/12

網址：www.cathaypacific.com

（記得按下面「讚好」Share俾Facebook朋友）

隨住日本廉航樂桃航空開咗香港<->大阪航線後，其他對手都有壓力鳥（據聞樂桃入座率非常高）！國泰於是出手，中劈一番（即係介乎小劈與大劈之間），來回淨機票減至HK$1,950，連稅HK$2,822，不過航班亦有限制：去程限搭CX566（01:45/06:20），同樂桃一樣！回程限搭CX567（09:30/12:25），早機返，吸引力就爭啲！機票有效期7日，嗯！小弟就寧願搭番樂桃，起碼回程係夜機呀！唔駛浪費尾嗰日。聽聞樂桃下星期又有劈價，小弟就忍忍手，睇埋佢有幾平！

網址：www.cathaypacific.com

（記得按下面「讚好」Share俾Facebook朋友）

隨著九月淡季來臨，大劈價終於降臨！國泰率先起兵，將其印尼峇里機票怒劈七成：平時賣開五六千，竟然三折益街坊！由依家到5/10前出發，來回淨機票只需HK$1,643，連稅HK$2,249（平時搭轉機，新航淨機票都要二千）！初初以為系統出錯，但再比較唔同網站後發現係真，先敢報上嚟！不過咁平梗係有代價：來回時間勁差！去程限搭CX671（20:35 / 01:15，逢二、五、六先有），回程限搭CX670（07:15 / 11:55，逢三、六、日先有）。由於峇里酒店唔平，而且去得個度都想豪歎Resort，如果您只係想玩三四日嘅，就唔好貪呢隻Fare（因為前後冇咗兩日），否則如果拉到一星期（機票有效期最長7日），可以去馬，事關頭尾兩晚可改住Cheap Cheap酒店，五星級Resort就留番中間幾日歎囉！Check過系統，呢一刻仲有，不過相信今明兩日必定掃清光，所以要快手啦！官網冇得賣，Zuji啦！

網址：www.zuji.com.hk

（記得按下面「讚好」Share俾Facebook朋友）

國泰好耐冇做限時劈價，今晚零晨開始佢又開倉喇！今次目的地有三個：曼谷HK$990（未連稅，下同），胡志明市HK$1,790，悉尼HK$3,390，出發日期各有不同：曼谷就1/11 – 14/12（Under HK$1,000搭國泰，合埋雙眼搶啦！），胡志明市1/9 – 30/9（算係Last Minute Offer，比平時平成千蚊），悉尼1/10 – 9/11（春天咋喎！未熱番晒，嗯～～），開倉日期至本週六1/9午夜00:00前。Check過系統，呢一刻曼谷仲有唔少位，早去午返都得（例如去程CX755 09:40/11:25，回程CX754 12:40/16:25），不過好可惜所有週日回程都被國泰Hold起晒！胡志明市就全部都有；悉尼優惠期雖然包括10月及11月，但系統只係放咗10月尾打後嘅飛，唔知點解？Anyway，逢係國泰限時劈價嘅，今晚臨瞓前好搶啦！聽早起身先？唔知仲有冇靚日子呢？

網址：www.cathaypacific.com

（記得按下面「讚好」Share俾Facebook朋友）

剛過去呢個Week，唔係講日本就係台灣，趁Weekend轉下地方，今次就介紹一隻期待已久嘅國泰長途早餐盤。由1/11 至 31/12（6/12 至 22/12出發不適用）出發飛歐洲以下城市：阿姆斯特丹、法蘭克福、倫敦、巴黎、米蘭同羅馬，2人同行，每張HK$4,458起，連稅及油附嘅話，阿姆斯特丹HK$6,816、法蘭克福HK$7,285、倫敦HK$7,943、巴黎HK$7,019、米蘭HK$6,765，同埋羅馬HK$6,700，最後出票日期為31/8，官網暫時未有得訂，上Zuji出飛啦！Check過暫時供應量都有唔少。

網址：www.zuji.com.hk

（記得按下面「讚好」Share俾Facebook朋友）

尋日機票劈價新聞此起彼落（有冇訂濟洲航空飛釜山平價飛？淨係我哋「又飛啦！」會員先有），令呢隻Offer順延今早先講．國泰航空推出秋冬2人同行飛日本優惠，飛東京HK$1,900（連稅HK$2,730），名古屋HK$2,000（連稅HK$2,826），大阪HK$2,400（連稅HK$3,241），都非常有睇頭：東京及名古屋呢口價同對手ANA相若，但班次選擇多，技術性擊到啦！至於大阪，有網友問HK$2,400好唔好去馬？嗯！國泰大阪線不嬲好少減，呢個價雖然看似稍貴，實際上都算係國泰低位，之不過依家有廉航樂桃航空幫手，如果你行李唔多，又或者只求平價，我會揀番樂桃，始終連稅後兩者都有千多元差距嘛！官網仲未有得訂，去真旅網啦！

留意位：

1. 出發日期：27/8 – 27/9；1/10 – 18/10；22/10 – 30/11

2. 最後出票日期：29/11

3. 機票有效期：2-7日

網址：www.travelzen.com

（記得按下面「讚好」Share俾Facebook朋友）