X
好少咁夜出Post！皆因國泰官網剛剛喺12am後推出平到「黐孖根」嘅Offer！飛曼谷HK$990（未連稅，下同）！之前叫大家心死冇筍盤嘅印尼峇里就HK$2,990！胡志明市或泗水HK$1,790！出發日期為15/2至30/3，快啲趁聽早報紙大賣呢單猛料之前快手入貨！提提你，優惠期只限3天，最後訂票日期為本週六4/2 23:59．
（記得按下面「讚好」Share俾Facebook朋友）
我哋曾經介紹過搭國泰廣州飛杜拜只需HK$1,860，嫌煩走車勞動想香港出發？呢隻筍盤要留意！經一起飛旅遊網訂飛，搭國泰直航杜拜或者阿布扎比，來回只需HK$3,913起（未連稅），係就貴咗成二千，不過對時間寶貴又怕煩嘅人，都要俾架啦！官網未出，出發日期去到31/3，出票最後日期為29/2，有效期2日至1個月。
（記得按下面「讚好」Share俾Facebook朋友）
今日Facebook網友Nicole Ng問淡季去加拿大價格。其實除左東航轉機有筍盤，國泰同加航分別推出咗直航平機票。去一起飛旅遊網訂飛，只要31/3前出發，直航飛溫哥華，國泰只需HK$4,439（未連稅，下同），加航就HK$4,761，國泰點數擊到加航！至於多倫多，直航國泰就HK$6,989，加航就HK$6,577，呢次就加航稍勝！不過加航呢口價可以4月打後都合用，國泰Offer只去到31/3，要留意。
（記得按下面「讚好」Share俾Facebook朋友）
新年過後，曼谷旅行價又回復正常。今次就介紹一隻國泰假期嘅曼谷超值Package，3日2夜套票2人成行，最平揀Hotel Ibis Bangkok Riverside只需HK$1,550（未連稅，下同），仲有好多酒店任你揀，大量四星五星如Pullman、JW Marriot、Centara Grand、Banyan Tree、Peninsula、InterContinental等等，都係二千頭左右，除番開酒店價，即係張2人同行機票賣緊HK$1,100俾你，同往時淡季相若。蝦！唔知遲啲國泰會唔會拆出嚟俾你地可以單買呢張GV2呢？不過既然套票都好抵，有心去不如上佢官網訂咗先，話晒係即時確認，夠晒方便。
（記得按下面「讚好」Share俾Facebook朋友）
上星期一報個隻維珍HK$1,880飛倫敦係咪太震撼呢？其實直航歐洲仲有另一批平優惠，不過冇乜人留意。國泰直航飛倫敦、米蘭、羅馬、阿姆斯特丹同法蘭克福（冇巴黎！嗚嗚～～～）都只係HK$3,990起（未連稅，下同），出發日期由1/2至27/3。由於今年4月復活節假期同清明節同期放，所以又有請幾日假變十幾日假情況，不妨搭27/3離港航班，然後玩盡整個復活節假期，Check過系統，呢種組合機票仲有HK$3,990喎！分分鐘仲平過你飛亞洲區添（復活節唔狂加你價就奇）！
（記得按下面「讚好」Share俾Facebook朋友）
臨到聖誕，國泰推出馬來西亞新Offer，送大禮益街坊！由明年1/1至31/3（農曆年20/1-27/1除外）出發，飛吉隆坡或檳城都只係HK$1,600（未連稅，下同）。Check過系統，大把你揀。之前佢曾經推出限時優惠HK$1,100左右，如果你唔急去咪繼續等下先，否則已有假期喺手，又想搵個平地方逛下，呢個Offer都制得過架！雖然AirAsia一樣有平機票去馬來西亞，始終國泰有其合理溢價，唔可以直接同廉航比較。
（記得按下面「讚好」Share俾Facebook朋友）
呢篇係「又飛啦！」第一次介紹廣州出發嘅平機票，事關唔係太筍都費事報。講真，廣州喎！咁鬼遠，不過呢劑，計過晒，報得過！國泰近排做緊唔少廣州經香港飛嘅優惠，是咁的，經一起飛旅遊網訂購廣州經香港飛杜拜嘅機票低至HK$1,860咋！係來回呀！稅就大約HK$2,752，我哋Check過，香港出發去杜拜嘅下欄費都要HK$2,307，咁即係多俾4舊，但機票慳成三千幾（香港出發嘅，國泰官網賣緊HK$5,040）！當然代價係去程必須遠赴廣州白雲機場，然後先搭一程港龍飛機回香港，稍停一至兩小時再轉機。至於回程，架國泰機會先停香港，咁你既然係香港居民，梗係有權放棄去廣州個程，直接入境返屋企啦！想連稅四千幾遊杜拜，呢條橋的確啱時間多多，又想遊下機河嘅有閒人士。
留意位：
1. 銷售日期到31/3
2. 出發日期到31/3（農曆新年期間：19/1 – 25/1不適用）
3. 機票有效期：30日
（記得按下面「讚好」Share俾Facebook朋友）
呢排成日報日本台灣韓國筍盤，係時候換下口味喇！國泰今日剛推出明年冬春早餐盤，一次過推出四個城市，包括馬來西亞嘅檳城同吉隆坡HK$1,190（未連稅，下同），呢個價仲平過依家先訂AirAsia；莫斯科HK$2,990，係就貴過俄航成千蚊，不過講安心你都會揀番國泰；阿姆斯特丹HK$3,990，呢個價少做到，不過依家凍冰冰去北歐，嗯！出發時間各有不同，去阿姆斯特丹或莫斯科由明年1/2 – 31/3；去吉隆坡或檳城由1/1 – 19/1 及 1/2 – 31/3，即係唔包農曆新年，訂購日期去到10/12零晨，手快有手慢冇。
留意位：
1. 機票期限：阿姆斯特丹或莫斯科2 – 14日；吉隆坡或檳城 2 – 7日
（記得按下面「讚好」Share俾Facebook朋友）
X