土耳其航空優惠真係好罕見，嚟到年尾終於派聖誕禮物俾大家，呢隻盤由吉隆坡出發，經伊斯坦堡飛歐洲，回程返香港，來回連稅HK$3,402起，土航質素喺歐洲嚟講絕對唔錯，呢口價都好抵！去程及回程航點方面選擇眾多（如：阿姆斯特丹、布魯塞爾、米蘭、巴塞隆拿、馬德里、蘇黎世、巴黎、法蘭克福等），其中去程加入法蘭克福會較易拼出平價。舉例2016年2月28日出發，3月6日回程，來回連稅參考如下：

1.吉隆坡->法蘭克福 // 哥本哈根->香港，來回連稅HK$3,402起
2.吉隆坡->法蘭克福 // 阿姆斯特丹->香港，來回連稅HK$3,689起
3.吉隆坡->阿姆斯特丹 // 布魯塞爾->香港，來回連稅HK$3,803起
4.吉隆坡->法蘭克福 // 馬德里->香港，來回連稅HK$3,819起
5.吉隆坡->法蘭克福 // 尼斯->香港，來回連稅HK$3,836起
6.吉隆坡->法蘭克福 // 馬賽->香港，來回連稅HK$3,838起
7.吉隆坡->巴黎 // 巴塞隆拿->香港，來回連稅HK$3,892起
8.吉隆坡->倫敦 // 威尼斯->香港，來回連稅HK$3,894起

以上組合只屬建議，您可以依據自己喜好，花少少時間於Expedia香港網站發掘心水城市組合。出發日期由依家至2016年6月30日，優惠集中2016年2月底、3月及5月淡季期間。至於香港飛吉隆坡單程可以考慮廉航Air asia（亞洲航空），舉例出年2月去單程連稅約HK$488起（未包行李寄艙），埋單可能四千左右，又可順便玩埋吉隆坡，呢口價抵買呀！機票有效期1個月，最後訂票日期為2016年1月17日。

如果想單買香港出發來回，土耳其航空都有平價選擇，佢地有隻超Last Minute出發平盤（適用於12月25日至2016年1月2日出發），經伊斯坦堡來回歐洲HK$2,820起，來回連稅計：米蘭HK$4,242起、羅馬HK$4,321起、巴塞隆拿HK$4,455起、馬德里HK$4,814起、倫敦HK$5,900起。以價講價連稅5千樓下以香港出發及回程都抵買，機票有效期仲有3個月，只可惜限Last Minute出發，最後出票日期為12月31日，上Ctrip出票。

Expedia香港網址：www.expedia.com.hk（訂購吉隆坡出發，回程返香港，用多個目的地功能搜尋）
Ctrip網址：www.ctrip.com.hk（訂購香港出發來回歐洲機票）

（覺得抵可用Whatsapp同LINE Share俾朋友架）

罕見勁平！土耳其航空吉隆坡飛歐洲，回程返香港連稅$3,402；香港出發連稅$4,242起，2016年6月30日前出發

中東三寶出哂名夠舒服，仲輪住攞各大飛行獎項添！但價錢方面不升反跌，其中阿提哈德航空又跌價喇：香港經阿布扎比飛歐洲來回連稅計：伊斯坦堡HK$4,687起、蘇黎世HK$4,856起、巴黎HK$4,973起、羅馬HK$5,043起、慕尼黑HK$5,098起、馬德里HK$5,192起、法蘭克福HK$5,216起、布魯塞爾HK$5,233起、倫敦HK$5,954起。整體價格比上期最多平HK$930（以伊斯坦堡為例），而且部份航點更低見5千水平或以下，嗱嗱臨入手啦。出發日期由即日至12月31日、2016年1月12日至1月28日、2月15日至5月31日，優惠主要集中平日淡季，可以OpenJaw，機票有效期1個月。最後出票日期為2016年1月5日，可上官網購票。

如果仲未坐過阿提哈德航空？不妨參考吓我哋嘅乘搭報告：http://flyagain.la/ey-flight-report

網址：www.etihad.com

（覺得抵可用Whatsapp同LINE Share俾朋友架）

高質筍盤又跌價！阿提哈德航空來回歐洲連稅$4,687起，2016年5月31日前出發

呢粒超甜瑞士糖仲未嗒完，因為瑞士航空歐洲優質盤又延長啦：香港直航瑞士蘇黎世HK$3,654（連稅HK$4,286）起，經蘇黎世轉飛歐洲各地都有平價，連稅計：都柏林HK$5,371起、里斯本HK$5,384起、赫爾辛基HK$5,392起、巴塞隆拿HK$5,431起、馬德里HK$5,440起、哥本哈根HK$5,466起、米蘭HK$5,480起、阿姆斯特丹HK$5,467起、倫敦HK$5,472起、布魯塞爾HK$5,506起、羅馬HK$5,518起、巴黎HK$5,586起、雅典HK$5,603起。以上各價都唔錯，雖然定價比中東三寶略高啲啲，但以瑞航質素係抵買，尤其4千2直航蘇黎世，又唔駛5千5飛倫敦就最吸引。呢張飛都可以Openjaw，舉例倫敦入、巴塞隆拿走HK$4,931起（用Multi segment journey功能搜尋）。出發日期由2016年2月20日至6月30日，Check過系統，平飛供應充足，復活節就冇此價，而且呢套飛要6月30日或之前完成。機票有效期1個月，2016年1月10日前上官網或Ctrip出票（Ctrip買蘇黎世較官網平二百幾，其餘歐洲航點上官網買）。

官方網址：www.swiss.com
Ctrip網址：www.ctrip.com.hk

（覺得抵可用Whatsapp同LINE Share俾朋友架）

瑞士糖好味道！瑞航香港直飛蘇黎世連稅$4,286，轉飛其他城市$5,371起，2016年6月30日前出發

居歐粉絲留意啦，無耐之前同大家報過隻歐洲返港的倒頭機票，好多粉絲都想我哋搵多啲，今次搵到土耳其航空都有筍價，新年返香港拜年探親啦！歐洲各市經伊斯坦堡來回香港HK$2,230起，雖然同上次南航比個價較貴，但呢次係搭土耳其航空，質素有保證，仲包30kg行李寄艙配額！來回連稅計：布魯塞爾HK$3,591起、巴黎HK$3,887起、巴塞隆拿HK$3,992起、馬德里HK$3,999起、阿姆斯特丹HK$4,047起。想農曆年返香港都有呢口價，仲幫大家搵埋有平日子。出發日期由即日起至12月17日、2016年1月1日至6月25日，官網較貴，上Expedia香港出票。

農曆新年返港有平飛日子：（只供參考）
布魯塞爾：2016年1月31日、2月4日出發、2月12/14/18日回程
巴黎：2016年1月31日、2月1/3/4/5/6出發、2月12/14/16/18日回程
巴塞隆拿：2016年1月31日、2月3/4/5/6出發、2月12/14/16/18日回程
馬德里：2016年1月30/31日、2月2/3/4/5/6出發、2月12/14/18日回程
阿姆斯特丹：2016年1月30日出發、2月12/14/18日回程

網址：www.expedia.com.hk

（覺得抵可用Whatsapp同LINE Share俾朋友架）

返香港拜年！土耳其航空歐洲來回香港連稅$3,591起，2016年6月25日前出發

又係佢呀！歐洲連稅三千幾又嚟啦！德國漢莎航空又再推出12月至明年3月歐洲平飛，一如以往我哋又研究特別組合，呢次玩法是：香港出發乘坐德國漢莎航空直航法蘭克福/慕尼黑，回程由歐洲各市返香港，再加單程香港-廣州，來回連稅HK$3,560起！雖然去程只限德國兩大城市，但從歐洲回程的地點選擇眾多，包括阿姆斯特丹、米蘭、斯德哥爾摩、布魯塞爾、法蘭克福、哥本哈根、倫敦、巴黎等，如果最後一程唔揀廣州，揀單程飛台灣（台北/台中/高雄都得），連稅HK$4,032起，用呢個組合仲可以變相拆開一個歐洲同台灣之旅添。

先研究「港歐廣」，舉例2016年2月22日由香港直飛德國兩大城市，3月1日回程，3月3日飛廣州，來回連稅舉例如下：

1. 香港直航慕尼黑 // 華沙->香港 // 香港->廣州 HK$3,560起
2. 香港直航法蘭克福 // 盧森堡->香港 // 香港->廣州 HK$3,574起
3. 香港直航慕尼黑 // 都柏林->香港 // 香港->廣州 HK$3,677起
4. 香港直航法蘭克福 // 斯德哥爾摩->香港 // 香港->廣州 HK$3,734起
5. 香港直航法蘭克福 // 巴塞隆拿->香港 // 香港->廣州 HK$3,812起
6. 香港直航來回慕尼黑 // 香港->廣州 HK$3,952起

以上各價以唔打算中停香港計算（即係到港翌日或即日轉飛廣州），如打算喺香港中停一段短時間再飛廣州，將以上價錢加約HK$500-800左右，行李就一定可以喺香港提取。

再研究「港歐台」，舉例2016年3月5日出發，3月15日回程，3月17日飛台灣，來回連稅舉例如下：

1. 香港直航法蘭克福 // 巴塞隆拿->香港 // 香港->台灣（台北/台中/高雄）HK$4,032起
2. 香港直航法蘭克福 // 盧森堡->香港 // 香港->台灣（台北/台中/高雄）HK$4,065起
3. 香港直航法蘭克福 // 華沙->香港 // 香港->台灣（台北/台中/高雄）HK$4,180起
4. 香港直航慕尼黑 // 都柏林->香港 // 香港->台灣（台北/台中/高雄）HK$4,220起
5. 香港直航法蘭克福 // 斯德哥爾摩->香港 // 香港->台灣（台北/台中/高雄）HK$4,224起
6. 香港直航來回法蘭克福 // 香港->台灣（台北/台中/高雄）HK$4,592起

以上各價以不打算在香港中停計算（即係到港翌日或即日轉飛台灣），如打算在香港中停一段短時間再飛台灣，將以上價錢加約HK$500-800左右，行李就一定可以喺香港提取，到時建議搭配HK Express由台中回香港的單程機票，或香港航空間中都會有由台北飛香港嘅單程平飛，變相拆開一次歐洲同台灣之旅。

以上組合只屬建議，您可以依據自己喜好拼合，大家不妨花時間於Expedia香港網站發掘心水城市組合。出發日期由12月9日至2016年3月31日，全部行程需於1個月內完成，最後出票日期為12月18日。

網址：www.expedia.com.hk

（覺得抵可用Whatsapp同LINE Share俾朋友架）

港歐廣/港歐台又嚟！來回歐洲＋香港單程往廣州/台灣連稅$3,560起，2016年3月31日前出發

歐洲商務艙機票一向賣3至4萬，今日就介紹一個平一半方法：坐德國漢莎航空/瑞士航空，由首爾出發直航慕尼黑/法蘭克福，回程由歐洲各市返香港，來回連稅HK$15,528起！雖然去程只限德國兩大城市，但從歐洲回程的地點選擇眾多，包括阿姆斯特丹、米蘭、斯德哥爾摩、布魯塞爾、法蘭克福、哥本哈根、倫敦、巴黎等，萬幾蚊就可以瞓住飛歐洲，抵呀！

舉例2016年4月11日出發，4月20日回程，來回連稅參考價格如下：

1. 首爾直航慕尼黑 // 威尼斯->香港，來回連稅HK$15,528起
2. 首爾直航法蘭克福 // 布魯塞爾->香港，來回連稅HK$15,774起
3. 首爾直航慕尼黑 // 阿姆斯特丹->香港，來回連稅HK$16,667起
4. 首爾直航法蘭克福 // 米蘭->香港，來回連稅HK$17,160起
5. 首爾直航慕尼黑 // 羅馬->香港，來回連稅HK$17,196起

以上組合只屬建議，您可以依據自己喜好拼合，大家不妨花時間喺Expedia香港發掘心水城市組合。至於機票的子艙位為P，可以儲落聯合航空的里數計劃賺取100%里數。出發日期由2016年4月1日至6月30日。至於香港飛首爾有好多廉航選擇，包括HK Express、濟洲航空、真航空等等，建議有優惠時先入手。以呢口價坐到商務艙飛歐洲，歎到機場貴賓室、機上美食佳餚，飛歐洲之前仲玩埋首爾，絕對有睇頭。機票有效期為1個月，最後出票日期為12月31日，到Expedia香港訂票。

網址：www.expedia.com.hk

（覺得抵可用Whatsapp同LINE Share俾朋友架）

平瞓商務艙！漢莎/瑞航首爾直飛慕尼黑/法蘭克福，回程返香港$15,528起，2016年6月30日前出發

新西蘭機票好貴，有時都唔好意思報料俾大家，之不過呢隻全新的「紐港歐」，就點都要介紹下，玩法係：搭新西蘭航空從奥克蘭直航飛香港，再搭德國漢莎航空（或同系的瑞士航空）飛歐洲，回程返香港，來回連稅低至HK$5,697起，當中從奥克蘭返港後更可中停一段時間先飛，變相拆開了1個歐洲+1個紐西蘭之旅，非常抵買！至於歐洲航點，基本上德國漢莎有覆蓋的地點均可組合，當中由奧克蘭出發係極罕見，由於香港往新西蘭直航機票長期高企，絕對是今次的頭號目標！

舉例以2016年5月11日從奧克蘭返港，5月18飛歐洲，5月25日回程，來回連稅如下：

奧克蘭->香港 // 香港->奧斯陸 // 巴黎->香港 HK$5,697起
奧克蘭->香港 // 香港->奧斯陸 // 布魯塞爾->香港 HK$5,768起
奧克蘭->香港 // 香港->奧斯陸 // 華沙->香港 HK$5,899起
奧克蘭->香港 // 香港->慕尼黑 // 布魯塞爾->香港 HK$6,248起
奧克蘭->香港 // 香港->威尼斯 // 赫爾辛基->香港 HK$6,384起
奧克蘭->香港 // 香港->都柏林 // 阿姆斯特丹->香港 HK$6,669起

以上組合只屬建議，您可以依據自己喜好拼合，大家不妨花時間於Expedia香港網站發掘心水城市組合。至於第一程改由澳洲出發價錢唔算平，大約6千5百以上，所以這裡不作介紹。而第一程由香港飛奧克蘭，可以考慮廉航Jetstar經新加坡或澳洲轉飛奧克蘭，以接駁呢套機票組合。出發日期由2016年1月5日至2月3日、2月13日至3月20日、4月5日至6月15日，全部行程需於1個月內完成，最後訂票日期為11月30日，到Expedia香港出票。

網址：www.expedia.com.hk

（覺得抵可用Whatsapp同LINE Share俾朋友架）

全新「紐港歐」！奧克蘭單程返港+來回歐洲，連稅$5,697起，2016年6月15日前出發

筆直夠又想坐得舒舒服服飛歐洲，咁就要睇睇中東三寶之一嘅阿提哈德航空，香港經阿布扎比飛歐洲來回連稅計：蘇黎世HK$5,138起、羅馬HK$5,173起、巴黎HK$5,311起、法蘭克福HK$5,403起、杜塞爾多夫HK$5,782起、馬德里/伊斯坦堡HK$5,617起、阿姆斯特丹HK$5,655起、布魯塞爾HK$5,708起、曼徹斯特HK$5,837起、慕尼黑HK$5,937起、倫敦HK$6,188起。另外，阿布扎比HK$4,665起、開羅HK$5,123起。整體價格比上期最多平HK$100，最大賣點係機票有效期長達3個月。出發日期由即日至2016年3月31日，優惠主要集中平日淡季，可以OpenJaw，最後出票日期為12月9日，可往官網購票。

如果仲未坐過阿提哈德航空？不妨參考吓我哋嘅乘搭報告：http://flyagain.la/ey-flight-report

網址：www.etihad.com

（覺得抵可用Whatsapp同LINE Share俾朋友架）

高質早盤，阿提哈德航空來回歐洲連稅$5,138起，2016年3月31日前出發