中華航空推出新世代長途航線優惠，經台北飛紐西蘭同美加都有優惠。先講紐西蘭基督城，出發日期由12月1日至12月10日、2015年1月10日至1月31日：經台北轉機飛基督城（中停悉尼）來回機票HK$2,777起，連稅HK$4,801起，由於香港無直航基督城，所以唔洗HK$5K飛到真係好平；至於美加航線，出發日期由依家至12月10日、2015年1月10日至1月31日：經台北轉機來回HK$3,177起，連稅計三藩市/洛杉磯HK$5,450起、溫哥華HK$5,510起、夏威夷HK$5,674起、紐約HK$6,150起，整體價錢比之前嘅Lucky 7仲吸引，不過就唔可以停台北玩番幾日。Check過系統，平機票主要集中1月期間平日出發，機票有效期為1個月，啱就上官網買啦。

網址：www.china-airlines.com

（覺得抵可用Whatsapp同LINE Share俾朋友架）

華航早餐盤，來回紐西蘭$2,777、美加$3,177起，1月31日前出發

國泰港龍fanfares第104週又嚟啦！記得今朝08:00開倉喎！自由揀日子估計為12月28日至2015年1月10日，指定日子估計介乎10月23日至11日3日，想買誇年飛？咁就要記住今朝8:00去搶喇！

地點　淨機票 ｜連稅價（評語）

金邊 HK$790起 | HK$1,471起（都諗得過）
寧波 HK$890起 | HK$1,491起（無咩特別）
上海(浦東) HK$890起 | HK$1,491起（還算可以）
胡巿明巿 HK$990起 | HK$1,644起（好少人去）
峴港 HK$1,290起 | HK$1,913起（諗落唔錯）
仰光 HK$1,490起 | HK$2,054起（近期常見）
東京(成田) HK$1,690起 | HK$2,369起（估計指定）
布里斯班 HK$1,990起 | HK$4,487起（旺季首選）
沖繩 HK$2,090起 | HK$2,650起（冬天淡季）
約翰內斯堡 HK$2,990起 | HK$5,138起（唔去非洲）
紐約 HK$3,990起 | HK$6,218起（貴咗少少）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

Expedia推出美國平套票，目的地包括紐約、洛杉磯、三藩市同拉斯維加斯，出發日期由依家至2015年1月31日，來回機票+2晚3星酒店（只係舉例，想住多幾晚又得，住邊間酒店都得）+所有稅款，每位最筍價HK$6,413起，參與酒店多達51間。拉斯維加斯美高梅大酒店（http://flyagain.la/s5cp）全包價每位HK$7,097起，澳門間MGM勁貴，美國總店就勁親民，有大型泳池+商場，仲有勁Show “KA”睇！位於The Strip賭場地帶，方便到暈；紐約波德39酒店（http://flyagain.la/lfuc）全包價每位HK$7,838起，行去Grand Central地鐵站約3分鐘，行10分鐘會到帝國大廈同時代廣場，住喺紐約市中心，真係好方便；三藩市莫斯爾酒店（http://flyagain.la/he1l）全包價每位HK$7,756起，距離Powell地鐵站約行4分鐘，步行約5分鐘就到聯合公園，呢個地段確實不錯；洛杉磯聖蓋博希爾頓酒店（http://flyagain.la/zz3c）全包價每位HK$7,761起，希爾頓酒店屬國際品牌，品質有一定保證，前往環球影城同迪士尼樂園都好方便，去玩探親都係首推啦。最後出票日期為10月31日。

此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。即刻去Expedia發掘下其他筍套票啦～

網址：www.expedia.com.hk

（覺得抵可用Whatsapp同LINE Share俾朋友架）

Expedia美國平套票，5日2夜連稅$6,413起，明年1月底前出發

Expedia啱啱推出咗全新酒店優惠，參與城市多達9個，其中熱點包括：首爾、釜山、台北、大阪、東京、紐約、洛杉磯、巴塞隆那、羅馬，部份酒店折扣達65折，為慶祝新推出嘅官方手提/平板apps，經apps訂房，仲可以用埋佢專用9折Code，抵上加抵。入住日期由依家至2015年1月31日，Check過系統，平房唔少，今次推介9間平酒店俾大家：

1. 首爾：太平洋酒店（http://flyagain.la/3jul）每晚HK$854起（未連稅，下同），酒店位於地鐵明洞站旁，步行只需5分鐘，酒店下面已經係明洞購物區、南大門，如要前往首爾塔，亦只需5分鐘路程，無論食買玩都係絕對方便；

2. 釜山：JJ 酒店（http://flyagain.la/a7da）每晚HK$1,208起，由地鐵站海雲台7號出口，約8分鐘即抵酒店，而步行前往景點海雲台亦只需要5分鐘，而酒店隔離嘅木板道旁已經有唔同嘅商店同小食攤檔；

3. 台北：新驛旅店西門捷運店（http://flyagain.la/4nv5）每晚HK$598起，酒店位處西門町地鐵站3號出口，當然是超方便首選，紅樓戲院就喺對面，鐘意Shopping就啱晒您；

4. 大阪：蒙特利格拉斯米爾酒店（http://flyagain.la/i8gs）每晚HK$774起，由JR或地鐵難波站只需步行5分鐘即到酒店，去心齋橋、黑門市場搭車行路都得；

5. 東京：橋特雷斯特旅館（http://flyagain.la/tag3）每晚HK$692起，喺正地鐵站茅場町前，包自助早餐，聖誕前後都有此價；

6. 紐約：布魯克林康福特茵市中心酒店（http://flyagain.la/o0hb）每晚HK$647起，酒店包自助早餐，紐約消費高，幫您慳番唔少，而且酒店鄰近Union地鐵站，行8分鐘就到；

7. 洛杉磯：會展中心西佳普拉斯酒店（http://flyagain.la/fkkm）每晚HK$1,181起，酒店位處長灘，包自助早餐，由酒店行10分鐘就到太平洋水族館，而著名嘅瑪麗皇后號就在對面，細意欣賞呢區嘅最佳選擇；

8. 巴塞隆那：B 酒店（http://flyagain.la/qmhy）每晚HK$633起，由酒店行3分鐘就到西班牙廣場同地鐵站，而酒店旁邊就有大型商場、超市，位置理想；

9. 羅馬：鋁維米納萊街豪華酒店（http://flyagain.la/92y9）每晚HK$512起，行4分鐘就到共和國地鐵站，不過羅馬城區唔算好大，大可由酒店漫步各處遊覽。

其他平房可以上番Expedia搵，最後訂房日期為10月19日。

Expedia手機/平板app 9折Code：MOBILEHK10（入住日期：2015年1月31日前，最後使用日期：10月19日）

提提您：訂套票比分開機票+酒店訂有時會更慳錢，最高可慳25%架，試下比較下吖～

網址：www.expedia.com.hk

（覺得抵可用Whatsapp同LINE Share俾朋友架）

Expedia日韓台美歐9大城市酒店65折起，可用9折Code，明年1月31日前入住

華航Lucky 7優惠去到第三週，今次佢推長途機票：來回紐約及夏威夷淨機票都係HK$2,777起，連稅HK$5,102起，出發日期為：紐約2014年10月4日至12月8日；2015年1月10日至1月31日（全部均週一／四／六），夏威夷2014年9月15日至9月28日；10月3日至12月10日；2015年1月10日至1月31日，機票有效期有21日，不可中停台北。以價論價，夏威夷只屬一般抵，紐約連稅五千頭就好耐冇見啦！比正常價差HK$2,000左右，值得去馬。更抵嘅係商務艙：只需加HK$9,000即可來回均坐商務艙，連稅只需HK$14,102起，比正常平超過一半，識得揀梗係坐商務啦！限劈3日，最後出票日期為9月17日晚上11:59，官網有售。

網址：www.china-airlines.com

（覺得抵可用Whatsapp同LINE Share俾朋友架）

筍爆！限3日！華航來回紐約夏威夷$2,777起，加$9,000來回坐商務艙

聯合航空終於出咗美國淡季平貨，只限週一至週四往返，分兩隻盤：1. 出發日期由9月8日至12月12日，來回連稅計：洛杉磯HK$6,576起、西雅圖HK$7,076起、拉斯維加斯HK$7,176起；2. 出發日期由依家至9月24日、10月2日至12月12日，來回連稅計：三藩市HK$7,322起、芝加哥HK$7,862起、紐約HK$8,722起。呢口價屬一般淡季價錢，要留意係部份航點需要轉機，但最大賣點係有效期長3個月，探親實啱用。Check過系統，供應量足，啱就上Expedia買啦。

網址：www.expedia.com.hk

（覺得抵可用Whatsapp同LINE Share俾朋友架）

聯合航空美式淡盤，來回連稅洛杉磯$6,576、西雅圖$7,076、拉斯維加斯$7,176、三藩市$7,322、芝加哥$7,862、紐約$8,722起，機票有效期3個月

國泰航空fanfares第96週又嚟啦！今次佢玩High Class版：來回$100坐商務/特選經濟客艙！記得聽早08:00開倉呀！今次推出11個城市，自由揀日子估計為9/11/2014 – 22/11/2014，指定日子估計介乎29/08/2014 – 8/09/2014，不過根據上次HK$50 Fanfares經驗，日子可能因特別日而有所更改，限量2,014張，每人最多只可買2張，聽早8:00約埋朋友瞓身搶喇！

地點　淨機票 ｜連稅價  （評語）

商務客位：
宿霧 HK$100起 ｜連稅HK$606起（NO NO NO NO）
台北 HK$100起 ｜連稅HK$685起（航程太短）
吉隆坡 HK$100起 ｜連稅HK$765起（再諗就冇）
曼谷 HK$100起 ｜連稅HK$778起（邊日都殺）
名古屋 HK$100起 ｜連稅HK$804起（熾熱之選）
大阪 HK$100起 ｜連稅HK$840起（極品推介！）

特選經濟客位：
馬爾代夫 HK$100起 ｜連稅HK$2,129起（拍拖最啱）
芝加哥 HK$100起 ｜連稅HK$2,424起（長線首選）
紐約紐瓦克 HK$100起 ｜連稅HK$2,424起（一定瞓身）
悉尼 HK$100起 ｜連稅HK$2,736起（估計指定）
倫敦 HK$100起 ｜連稅HK$4,748起（小心稅項）

以價論價真係飛邊都抵，好似小小編咁，去旅行都係坐廉航，未坐過商務艙，今次梗係搭長小小航程嘅航線啦，例如吉隆坡／名古屋／大阪有成3小時機程，可以慢慢享受商務艙頂尖服務，首搶！至於特選經濟客艙同經濟客艙嘅分別在於：1. 寄艙行李提升至25kg，而美國線則為2件，每件25kg；2. 座椅坐距闊少少，不過坐長途機，闊咗已經舒服咗好多。值得留意係所有飛都儲到AsiaMiles。

以下為搶飛5招，希望幫到大家啦！

招式1. 訂飛前做定Asia Miles會員：如果您本身已經係Asia Miles會員，搶飛時只需Login您戶口，咁就唔駛重新再打一大堆個人資料（如人名，聯絡電話，電郵地址等等），變相又快人幾秒。

招式2. 護照要有6個月以上有效期：因為fanfares機票部份為Last Minute出發，如果要即買即飛，護照有效期唔夠6個月，香港地勤有權唔俾您登機（因為目的地海關亦有權拒絕您入境），仲有：如果心儀嘅目的地係需要簽證入境（例如美國），如果手上冇簽證，而出發日期又非常近，您都未必趕得切辦簽證，無謂買啦～～～

招式3. 如果有2個或以上朋友想一齊搶fanfares，由於每人最多訂2張，咁就要分開訂，Account內亦要一早存晒所有乘客資料，當然小小編都提議同步使用手機、電腦、iPad，Internet Explorer、Chrome、Firefox等等，咁就可以快人一步啦！

招式4. 準備一張有效信用卡，除咗要有足夠limit之外，記住銀聯係唔收架！

招式5. 先問自己最想去邊度？次選？三選？一見賣晒就即刻轉移目標，唔好三心兩意！

以上價錢只作參考用途，其他稅項及附加費或會有所變動。

國泰FanFares網址： www.cathaypacific.com

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵可用Whatsapp同LINE Share俾朋友架）

教您聽日搶$100商務票！國泰航空特別版fanfares，名古屋大阪紐約芝加哥來回$100起！聽朝8點開搶！

琴晚我哋介紹過華航經台北飛美加優惠，長榮都跟劈：出發日期由9月6日-12月10日、12月27日-12月31日，往返三藩市或洛杉磯HK$3,850起，連稅HK$6,172起、溫哥華HK$4,066起，連稅HK$6,236起、西雅圖HK$3,916起，連稅HK$6,238起、紐約HK$5,085起，連稅HK$7,407起、多倫多HK$5,817起、連稅HK8,039起。心水清嘅朋友都知道呢口價比華航貴HK$300左右，不過長榮始終有溢價，而多倫多同西雅圖為長榮獨家經營，無得比較。呢套飛兩大賣點：1. 飛洛杉磯可以搭Hello Kitty牽手機，而港台線就可搭Hello Kitty雲彩機（Hello Kitty彩繪機或會因航班調動而更改）；2. 回程可免費中停台北一次，玩多個地方都唔錯！Check過系統，供應量主要集中係淡季，機票有效期1個月，上ZUJI買啦。

ZUJI網址：www.zuji.com.hk

（記得按下面「讚好」Share俾Facebook朋友）

長榮跟劈，經台北飛美加各站$3,850起，機票有效期1個月