直航紐約機票長期高企，劈盤？冇架！跟開「又飛啦！」嘅Fans，都知我哋曾經醒過您一招直飛紐約平方法：就係寧願飛EWR（紐瓦克）機場，都唔好飛JFK（甘迺迪）機場（事實上，依家都冇乜人知），今次又根據呢條方程式，搵到聯合呢隻平飛：由9月起至30/11出發（必須於30/11前回程），淨機票HK$6,330，連稅就HK$8,988，比同期國泰飛JFK平近二千！就算轉機，最平東航連稅HK$6,118，差HK$1,700搭直航喎！尤其係東航去程要29小時，慳咁多時間，乜都抵番晒啦！Check過系統，HK$8,988連稅唔係日日有，9月少，10月多少少，但11月就有唔少供應，不過11月個陣紐約都凍喎！留意啦！

網址：www.united.com

（記得按下面「讚好」Share俾Facebook朋友）

好耐冇提過阿聯酋航空嘅劈價盤，事實上佢好耐都冇晒冷式劈價，依家佢一次過為1/11 – 10/12出發嘅各短／長途3-30日機票盡劈。首先講最近嘅曼谷，特價後經濟艙HK$1,945（連稅，下同），比AirAsia貴七至八舊，但服務質素高九皮，加上佢包埋行李寄艙同飛機餐，點都係抵！商務客位來回HK$4,050，如果學之前教你個招：1程經濟1程頭等（可以喺A380機裡沖涼），來回HK$4,965，小弟試過，阿聯酋頭等絕對物超所值；歐洲方面，去巴黎HK$6,547起、倫敦希斯路HK$7,760、倫敦格域HK$7,492、羅馬HK$6,520、巴塞隆拿HK$7,206，仲有好多數唔晒，自己上官網睇；美洲方面，多倫多HK$10,610（抵坐）、紐約HK$9,800（諗得過，始終股務比東航高廿皮）；至於去Hub杜拜就HK$6,616，直航嚟講算OK抵。雖然全部都劈，不過要小心揀：歐洲11月己經好凍，未必係今次搶貨目標（平過佢嘅，稍後排隊有），反而曼谷同杜拜都減到合理水平，值得19/7限期前出手掃貨。

網址：www.emirates.com

（記得按下面「讚好」Share俾Facebook朋友）

尋晚我哋「又飛啦！」先報咗國航飛美國秋冬平盤，蝦！點知低處未算低！今次「又飛啦！」率先全港首發：中國東方航空美洲秋冬筍盤大激劈！8/9打後到年底，飛洛杉磯HK$2,510（連稅HK$4,926），紐約HK$2,700（連稅HK$5,116），檀香山HK$2,840（連稅HK$5,256），抵到得人驚！驚就快啲訂！洛杉磯同國航相若，紐約仲比國航平多一千！檀香山最正，皆因呢個價全世界都做唔到，況且極少有筍盤！其實東航訂飛都幾自由，去程一個價，回程一個價，明碼實價，簡單易拼。Check過系統，呢批最平選擇集中喺10月中下旬後，聖誕節附近日子嘅就貴一千左右。洛杉磯同檀香山可以做到上海中停2-3小時即轉，紐約方面，由於上海出發班機係早上10:50，基本上香港出發嘅冇一班機可以做到無縫接駁，要喺上海浦東機場瞓一晚。建議揀最夜個班飛上海浦東嘅機MU506（20:25/22:30），起碼喺上海留少幾粒鐘吖！回程就可以等2-3小時即走。最後提醒大家：追求乜都有乜都好者，東航絕非您杯茶，切記！

網址：hk.ceair.com

（記得按下面「讚好」Share俾Facebook朋友）

美加東岸機票，一向都唔平，就算秋冬，直航連稅點都要萬萬聲，不過好在有強國航空打救！中國國航嘅長途航班，早訂一向都幾平，就以今次介紹嘅秋冬早餐盤為例（出發日期為1/10 – 31/12），飛紐約HK$4,090起，飛三藩市同洛杉磯亦只係HK$2,990起，年尾聖誕都啱用，真係抵到無朋友。就算連埋稅，飛紐約亦只係HK$6,194，呢口價仲平過直航機淨機價！洛杉磯同三藩市同樣HK$5,094，仲想平？唯有等八九月國泰／新航推出嘅直航三四千蚊筍盤嘞！Check過系統，紐約HK$4,090呢口價供應尚算充裕，三藩市同洛杉磯就以11月打後先多啲，其中洛杉磯10-11月就比較多HK$3,780（連稅HK$5,884）之選，換言之貴近八舊，如果唔急，可以等一等。至於紐約，雖然回程要喺北京機場瞓一晚，不過紐約機票好難有平，睇啱就去馬啦！

留意位：

1. 機票有效期：21日

2. 最後出票日期：15/7

3. 出發日期：1/10 – 31/12

網址：www.airchina.hk

（記得按下面「讚好」Share俾Facebook朋友）

東航有樣嘢好，就係幫到大家以最平價錢飛老練咁遠，而又安安全全Delay No More嘅。除咗佢個隻HK$1,140飛悉尼墨爾本外，今次就介紹佢下半年（13/9 – 31/12，以10月打後供應量較多）平到爆炸嘅歐美早餐盤先！全部經上海轉機。飛美加西岸溫哥華同洛杉磯，最平HK$2,480（未連稅，下同）起，東岸紐約就HK$2,840起，呢啲連稅都只係五千頭，直航淨機票都唔止（尤其係紐約）！歐洲方面，倫敦HK$2,680起，巴黎同法蘭克福HK$3,070起，除咗倫敦連稅HK$6,102起，其他一律五千多，唔駛捱羅宋湯航空咁慘情。提提你，東航香港經上海飛溫哥華航班已增加到每週11班，呢條靚航線咁樣同國泰鬥法，唔知後者點睇呢？

網址：www.zuji.com.hk

（記得按下面「讚好」Share俾Facebook朋友）

飛紐約想特價？難難難！9月頭想平平哋去紐約走番轉，如果唔介意去程要訓機場，可以考慮下東航，佢有隻早餐盤，9/9打後飛只需HK$4,690（連稅HK$7,112），21天有效期，依家仲有位剩。點解去程要訓機場？皆因去程到達上海浦東已經係22:30，而浦東飛紐約班機係第二日嘅早上10:50先走，所以咪要訓機場囉！幸好回程喺上海只需等3小時而已。講真，當直航個啲班班爆到九彩之時，想平唯有向轉機埋手，就好似之前國泰做紐約6月前特價HK$6,450（連稅約HK$9,288），好快就去晒，唉～～～

網址：www.zuji.com.hk

（記得按下面「讚好」Share俾Facebook朋友）

飛美加東岸，直航不嬲都好貴，例如紐約啦！國泰閒閒地連稅一萬冇走雞。不過如果你肯轉機場，唔飛甘迺迪（JFK）改飛紐瓦克（EWR），咁就有機會有數圍。美國大陸航空有飛紐瓦克機場航班，每日一班直航，3-4月最低可以做到HK$6,230起，連稅約HK$8,888，比同期嘅國泰慳三千。事實上講地點，紐瓦克絕對唔輸蝕過甘迺迪，反而因為佢喺新澤西洲邊皮，好快就入到曼克頓區，只不過一般航空公司都飛JFK，咁先至遺忘呢個好地方。

網址：www.continental.com

（記得按下面「讚好」Share俾Facebook朋友）

加航都好耐冇出筍盤，呢次就出2人同行，直航飛溫哥華HK$3,750（未連稅，下同），多倫多就HK$5,950，比依家平咗大截，抵買啦！想去其他加拿大城市？西岸經溫哥華轉機去維多利亞／卡加里／艾蒙頓及溫尼泊就HK$4,950，東岸經多倫多轉機去渥太華／蒙特利爾／魁北克就HK$6,350。如果想去美國，西岸經溫哥華去洛杉磯／西雅圖／三藩市／拉斯維加斯（呢個平呀）／波特蘭就HK$4,950，東岸經多倫多去波士頓／芝加哥／紐約／奧蘭多／華盛頓／費城亦只係HK$6,350。最正斗係有效期除咗六／七／八月同埋十一月尾至聖誕前外，基本上都可以出到呢個價，不過要快手啦！因為呢隻Fare不嬲都幾搶手。官網仲未有，去真旅網出飛啦！

留意位：

1. 出發日期：9/2 – 23/3；2/4 – 31/5；12/9 – 18/11；24/12 – 26/12

2. 機票有效期：0 – 21日

3. 轉機者可免費停溫哥華／多倫多一次

網址：www.travelzen.com