聯合航空終於出咗美國淡季平貨，只限週一至週四往返，分兩隻盤：1. 出發日期由9月8日至12月12日，來回連稅計：洛杉磯HK$6,576起、西雅圖HK$7,076起、拉斯維加斯HK$7,176起；2. 出發日期由依家至9月24日、10月2日至12月12日，來回連稅計：三藩市HK$7,322起、芝加哥HK$7,862起、紐約HK$8,722起。呢口價屬一般淡季價錢，要留意係部份航點需要轉機，但最大賣點係有效期長3個月，探親實啱用。Check過系統，供應量足，啱就上Expedia買啦。

網址：www.expedia.com.hk

（覺得抵可用Whatsapp同LINE Share俾朋友架）

聯合航空美式淡盤，來回連稅洛杉磯$6,576、西雅圖$7,076、拉斯維加斯$7,176、三藩市$7,322、芝加哥$7,862、紐約$8,722起，機票有效期3個月

加航少有平盤，呢次要睇睇：除咗直航有平外，轉機飛美國其他城市都有。出發日期由9月7日至12月31日、2015年1月6日至3月15日，香港來回溫哥華淨機票HK$4,954起，連稅計HK$7,127起、來回多倫多淨機票HK$5,800起，連稅計HK$8,025起、經溫哥華轉機飛其他美國城市（例如: 洛杉磯、西雅圖和拉斯維加斯）淨機票HK$4,905起，連稅計HK$7,229起。呢口價比之前平咗約HK500左右，加上機票有效期21日，去玩探親都啱用。Check過系統，驚喜在於聖誕出發都有，如12月23-30，去拉斯維加斯都有，請4日假就玩8日，其他日子以淡季平日為主。最後訂票日期為9月4日，啱就上ZUJI買啦。

網址：www.zuji.com.hk

（覺得抵可用Whatsapp同LINE Share俾朋友架）

加拿大航空美加盤，溫哥華$4,954、多倫多$5,800、轉飛美國西岸$4,905起，機票有效期21日

美國西雅圖一向俾人感覺冇嘢玩，不過小弟上個月去過其實都多嘢睇，例如Starbucks始創店、太空針塔、聖海倫火山、Premium Outlet同波音機廠等。達美航空有隻直航淡季平飛，最大賣點係機票有效期長達3個月，無論想去埋其他美加城市（去溫哥華都係幾粒鐘車）抑或用嚟探親都夠晒用。出發日期由9月8日-12月12日、2015年1月12日-2月16日，來回機票連稅HK$7,074起，價錢OK。Check過系統，以10月貨量最多，可先上官網搵，冇貨就上ZUJI睇睇，因為佢貨量多啲，不過連稅價會貴HK$123起（HK$7,197），去邊度買？自己諗。

想知達美航空飛西雅圖有幾好？可以睇番我哋嘅飛行報告：flyagain.la/mqzo

達美網址：zt.delta.com

ZUJI網址：www.zuji.com.hk

（覺得抵請記得按Like同Share俾朋友）

達美航空直飛西雅圖來回連稅$7,074起，機票有效期長達3個月

您冇睇錯，我哋冇打錯！香港直飛西雅圖來回淨機票HK$1,380起，連稅HK$3,756起！唔係漏洞，堅劈架！是咁的：達美航空為慶祝香港直飛西雅圖於18/6開航，特別推出今次限量劈盤，只限兩日出票（4/4 – 5/4），今晚00:00開倉。最勁揪係呢隻Class Code（V）可以儲達美100%里數，機票有效期長達1個月，呢口價係近年直飛美國西岸新低位，極度吸引，唔搶真係對唔住自己！出發日期限18/6 – 30/6（週一至四出發），大家不妨連回歸假一齊放，玩完西雅圖，順便落埋洛杉磯／三藩市／拉斯維加斯等西岸大城市玩餐飽！咪等，搶啦！

網址：zt.delta.com

（覺得抵請記得按Like同Share俾朋友）

19:35 10/10 Updated：漏洞已封！

14:12 10/10 Updated：出發日期：10/10/2013 – 13/12/2013; 24/12/2013 – 27/12/2013; 13/01/2014 – 28/01/2014; 04/02/2014 – 31/03/2014，不設退款，不可中停，改機票每次收HK$1,600

唔好食午飯！即搶！達美航空官網出現超大漏洞機票：香港飛美國一眾西岸城市，來回淨機票一律HK$1,050起，連稅計，三藩市HK$3,768起，洛杉磯HK$3,794起，西雅圖HK$3,748起，拉斯維加斯HK$3,788起，波特蘭HK$3,748起，回程仲可以揀唔同城市（即Open Jaw）。所有班機均須中停東京，有部份更會停留多一個城市，入手前宜留意，不過平成咁，無所謂啦！機票有效期1個月，出發日期由11月至明年3月都有，真係平得太得人驚！趁美國朋友熟睡中，快手搶喇！

漏洞機票，老規舉：千祈唔好打電話／email問航空公司，以免打草驚蛇！漏洞嘅嘢，手快有手慢冇！

網址：zt.delta.com

（覺得抵請記得按Like同Share俾朋友）

長榮劈價第3浪，今晚00:00又嚟啦！新一批機票包括：大阪（HK$1,190，連稅HK$2,068），札幌（HK$2,470，連稅HK$3,192），泗水（HK$1,230，連稅HK$1,872），布里斯本（HK$2,420，連稅HK$5,076），西雅圖（HK$3,310，連稅HK$5,604），多倫多（HK$4,500，連稅HK$6,737），出發日期為3/11 – 30/11（週日至三），全部經台北轉機，可免費中停台北一次（出票時須揀”中途停留 / 不同點進出”，出咗票再改會收費用）。至於機票有效期，除咗大阪同札幌係14日外，其他一律1個月，抵吖！今次嚟講，最抵必定係多倫多！連稅HK$6,737，雖然係入冬，但真係抵到無朋友，依家搭轉機都要接近一萬喇！札幌呢個價的確平，不過係淡季，又未大雪，平都要考慮下先；大阪坐樂桃直航算啦！除非您想一雞兩味玩埋台北；西雅圖嗰價亦靚仔非常。最後出票日期為29/6（週六）23:59。

網址：www.evaair.com

（覺得抵請記得按Like同Share俾朋友）

上週六，我哋「又飛啦！」已經同大家講長榮有一隻暑假初去巴黎嘅筍盤竟然被走漏眼，但原來長榮仲有更多寶藏未被人發掘！又等我哋率先同大家睇睇：今次講嘅係美國西岸，長榮有直航機由台北飛往西雅圖／洛杉磯同埋三藩市，由依家到17/7，或者9/9 – 20/12出發，來回淨機票HK$4,320起，連稅HK$6,718起，7月暑假頭段都仲有特價，仲要依家先買，的確抵到震！呢隻筍盤仲可以停留1個月兼可免費中停台北（記得用”中途停留/不同點進出”方式，將台北一程拆開先至Search），一雞兩味之餘，如果今年已經去咗台灣2次，今次只要係31/8前出發，大可以配合”去台灣買3送1″優惠，拎多2張香港<->台北登機證，順手食多一張免費台灣機票，著數Double Up（詳情請睇：http://flyagain.la/?p=6467），再一次係開心大發現啦！Check過系統，話就話17/7係最後日子出發（以暑假時段計），但依家先入手，最遲出發都介乎10/7 – 14/7左右，不過要Stay 1個月都唔難搵到呢口靚價，趁冇乜人知，狠狠入手啦！

網址：www.evaair.com

（覺得抵請記得按Like同Share俾朋友）

加航都好耐冇出筍盤，呢次就出2人同行，直航飛溫哥華HK$3,750（未連稅，下同），多倫多就HK$5,950，比依家平咗大截，抵買啦！想去其他加拿大城市？西岸經溫哥華轉機去維多利亞／卡加里／艾蒙頓及溫尼泊就HK$4,950，東岸經多倫多轉機去渥太華／蒙特利爾／魁北克就HK$6,350。如果想去美國，西岸經溫哥華去洛杉磯／西雅圖／三藩市／拉斯維加斯（呢個平呀）／波特蘭就HK$4,950，東岸經多倫多去波士頓／芝加哥／紐約／奧蘭多／華盛頓／費城亦只係HK$6,350。最正斗係有效期除咗六／七／八月同埋十一月尾至聖誕前外，基本上都可以出到呢個價，不過要快手啦！因為呢隻Fare不嬲都幾搶手。官網仲未有，去真旅網出飛啦！

留意位：

1. 出發日期：9/2 – 23/3；2/4 – 31/5；12/9 – 18/11；24/12 – 26/12

2. 機票有效期：0 – 21日

3. 轉機者可免費停溫哥華／多倫多一次

網址：www.travelzen.com