飛北海道依家冇廉航直飛，廉航轉機都坐底3千左右，如果唔介意坐大陸航空，中國國航有張超平價機票：香港經北京來回北海道札幌HK$1,470（連稅HK$2,034）起。係二千蚊，已連稅！包2件23kg行李！包飛機餐！以價論價好難平得過佢啦！價錢就平喇，不過因為北京飛札幌班機飛超早，所以要提早一晚到達北京再隔夜轉機，國航會提供返免費中轉酒店及接送（www.airchina.hk/HK/TW/booking/hotels）。Check過系統，平飛集中11月出發，有興趣就到國航官網出票。

【出發日期】即日起至9月30日、10月11日至12月22日
【機票有效期】14日
【最後訂票日期】售完即止

【訂購網址】www.airchina.hk

（覺得抵可用Whatsapp同LINE Share俾朋友架）

超低價！爆平飛札幌！中國國航來回$1,470起，包46kg行李，12月22日前出發

平時介紹飛紐約嘅機票，平咗都要五、六千蚊，見五千頭都要衝住買喇，不過中國國航有張平飛，睇睇先喇：香港經北京來回紐約只需HK$2,240（連稅HK$4,208）起，係紐約喎，係美國東岸果個紐約喎，以價論價係幾罕見平，唔介意大陸航空就好抵買，橫跨聖誕節有平（12月22日去、2017年1月2日返），又包兩件23KG行李。不過提醒番，大陸空管頻頻，轉機要預留返3-4小時，另外大陸轉機要帶回鄉卡。諗清諗楚覺得啱就去官網訂喇。（如果在北京需要隔夜轉機，國航會提供轉機免費住宿，詳情：www.airchina.hk/HK/TW/booking/hotels。）

【出發日期】10月11日至12月22日
【機票有效期】90日
【最後訂票日期】售完即止

【訂購網址】www.airchina.hk

（覺得抵可用Whatsapp同LINE Share俾朋友架）

超平飛紐約！連稅只需4千2！中國國航來回$2,240起，跨聖誕有平，12月22日前出發

去加拿大一般都係飛溫哥華，或多倫多，但價錢都係貴㗎喇，但估唔到飛蒙特利爾，呢個加拿大第二大城市，會有張超平機票！坐中國國航香港經北京來回加拿大蒙特利爾只需HK$2,040（連稅HK$3,755）起。以往飛呢個城市坐加航要六七千蚊，如果唔介意坐大陸航空就幾抵吓，甚至坐火車落返多倫多玩都得！呢張飛停留期有6個月，探親、公幹、旅遊或者Working Holiday都實用。啱就去國航官網訂票。

提提大家：回程時在北京需要隔夜轉機，國航會提供轉機免費住宿，詳情：www.airchina.hk/HK/TW/booking/hotels。

【出發日期】10月11日至12月22日
【機票有效期】6個月
【最後訂票日期】售完即止

【訂購網址】www.airchina.hk

（覺得抵可用Whatsapp同LINE Share俾朋友架）

加國冷門平！中國國航香港來回加拿大蒙特利爾$2,040起，6個月有效期，12月22日前出發

約翰內斯堡平機票？最常提都係喺Fanfares喇，但又要成日捕住，都唔知佢幾時先出一次。如果唔介意大陸航空，可以睇睇中國國航優惠：香港經北京來回南非約翰內斯堡只需HK$1,050（連稅HK$3,876）起。以價論價已經算好唔錯，連稅三千幾蚊就可實現踏足非洲土地的夢想，係睇你坐唔坐國航。賣點之一係暑假都有優惠，以旺季嚟講好罕有，而7-8月係當地冬季，可以避暑之餘，又可親近野生動物，好正呀！此外，呢張飛仲可免費中停北京，以北京平時好少有平機票，一次過玩埋就真係抵晒。

提提大家：大陸空管頻頻，轉機需預3小時或以上，並需預備回鄉卡。想訂中停北京機票，方法都好簡單，先搵咗香港來回約翰內斯堡有平日子先，如8月7日去、8月15日返，再用多個目的地方法去Search，分3段輸入，舉例a. 8月7日香港-約翰內斯堡，b. 8月15日約翰內斯堡-北京 c. 8月18日北京-香港，連稅價同樣為HK$3,876起。

【出發日期】即日起至10月31日、2017年2月1日至5月（系統最遠買到出年5月份的機票）
【機票有效期】1個月
【最後出票日期】10月31日或售完即止

【訂購網址】www.expedia.com.hk
【預訂教學】http://flyagain.la/31983

（覺得抵可用Whatsapp同LINE Share俾朋友架）

暑假出走南非！中國國航香港來回約翰內斯堡，連稅$3,876起，2017年5月前出發