暑假去旅行，乜都唔想煩？可以考慮下ClubMed（尤其係一家N口，有大人有BB，要Handle旅遊都幾頭痕）！佢旗下最新嘅桂林度假村（擁抱一望無際山水景色）喺8月會正式開幕，依家佢哋做緊開幕套票：5日4夜，包港龍航空來回機票，包機場來回接送，包4晚住宿，仲包埋每日3餐以及一系列園內休閒活動，成人每位只係HK$6,240起，小童（4-11歲）HK$4,748起，另附機場稅及油附約HK$635，除番開，扣除港龍來回機票HK$1,580，5日4夜包食包住包玩包接送都只係HK$4,660，暑假嚟講已經係好抵玩！而且Club Med俾到您嘅，係一個完全輕鬆嘅真正假期！點解？園內有一系列精彩活動，完全唔駛Plan，就可以由朝玩到晚！至於有小朋友嘅家長，Club Med有兒童俱樂部，可以將小朋友交俾G.O（即係ClubMed活動大使）睇住，小朋友有節目，您同Honey又可以真正休息，咁嘅旅遊先算係充電嘛！最後訂票日期為15/8。

想9-10月暑假後去？佢另有一隻4日3夜套票，成人HK$5,281起，小童HK$4,080起，少一晚只係差HK$1,000，都係暑假抵玩啲（況且小朋友暑假先有假放嘛）。

網址：https://www.facebook.com/ClubMedHongKong

查詢電話：3111 9388

（覺得抵請記得按Like同Share俾朋友）

早在29/4，我哋「又飛啦！」先同大家分享過春秋航空有一個訂飛小漏洞：利用貨幣轉換大法，喺繁體版買飛，唔用港幣改以美金結算，就可以享受國內市場優惠（因為美金價係直接以人民幣轉換），亦唔駛經支付寶找數，直接用番Visa / Master卡找數就得（詳情請睇：http://flyagain.la/?p=7542）。最近日元不斷下跌，原來變相令買春秋機票更著數！點解？因為春秋日元價依舊用番10:1計算，但今日兌換價已跌到7.8:1，即變相平22%！最正嘅係，唔單止機票，連機場稅及燃油附加費都一併因匯兌而平咗。所以建議大家買春秋航空時，記得揀日元結算。提提您：以日元結算，春秋航空會多收您總價3%信用卡手續費，不過計落點都比港元結算有So，而且日元結算可以用AE卡呢（DBS AE卡 $6賺1里，梗係用呢張）！

用番上次介紹嘅廈門為例，6月份有唔少日子都有單程CNY9之選，換成日元就100日元，即係HK$7.8或CNY6.24，變相打7折。來回連稅8,610日元，加埋3%手續費，總價8868.3日元，折合HK$692，用美元就HK$715，用港元就HK$949！相差高達HK$257或27%，您梗識揀！唔駛七舊來回廈門？Well！去馬交來回搭船都俾三舊幾啦～

網址：www.china-sss.com

（覺得抵請記得按Like同Share俾朋友）

大陸廉航春秋航空尋晚癲劈，一刀將香港飛杭州同廈門機票劈劈劈，單程淨機票劈到人民幣￥9起（折算HK$11），來回連稅人民幣￥597（折算HK$747）起，出發日期二至三月都有。Check過系統，杭州人民幣￥9機票得番香港出發先有，回程最平人民幣￥99，來回連稅人民幣￥687（折算HK$858）；廈門來回唔少日子都仲有人民幣￥9機票。拿講真：個價其實同港龍fanfares唔差太遠，如果鍾情Full Service者，揀番港龍好過，但如果您好似小弟咁，一蚊幾毫都要平盡佢（事實上，一個幾兩粒鐘機，平就得啦），呢個價已經平無可平（除非有漏洞價）。不過提提您：呢個優惠，用港幣結算係冇嘅！必須用人民幣結算，而且必須用國內信用卡／國內網上銀行／支付寶找數，唔可以用大陸以外嘅信用卡如Visa / Master等等。有玩開淘寶嘅Fans，最簡單就係用支付寶付款喇！

溫馨提示：輸入乘客資料時，清單會自動加入安達遨翔旅遊保險￥110/份，記得Click”無需購買請選擇”選項，就可以免除呢筆款項。此外，春秋航空對乘客行李要求非常嚴格，免費行李額（包括托運行李和非托運行李）為15kg。

網址：www.china-sss.com

（記得按下面「讚好」Share俾Facebook朋友）

國泰港龍fanfares出咗8期，都冇北京優惠！如果您早有去北京計劃，與其再等，不如吼下呢隻筍盤嘞～～港龍剛推出冬春14日預購優惠，香港出發限週二至日，北京回程不限日子，來回HK$2,080（連稅HK$2,832），賣點唔係平（對手港航一定平過佢），而係航班選擇勁多：去程唔單止可以揀港龍航班，亦可揀埋國航甚至澳門航空代國航執飛嘅班次，回程揀埋國泰班次都得！一個價俾你揀4間航空公司，班次咁密，啱晒經常來往兩地出差港人選用。官網未有得訂，去真旅網啦！

留意位：

1. 機票有效期：2-14日

2. 出發日期：1/1 – 7/2；15/2 – 27/13（去程只限週二至六，回程不限）

3. 去程限坐：KA900/992/906/1108/1112/1110，回程不限睇供應

網址：www.travelzen.com

（記得按下面「讚好」Share俾Facebook朋友）

想搵個Weekend平平地出外散心？除咗中華飛台北仲有Under HK$1,000機票（未連稅）外，港龍呢個Offer都值得留意：佢將其海口航線劈價，不過出發日期只限本月底28/10至11/11呢兩週，來回只需HK$900，連稅就HK$1,625，比之前平五六舊水以上。時間方面，去程中午13:55飛，週五請半日假就閃得，回程下午16:05飛，尚算可以。Check過系統，供應量充足。雖然海口唔似三亞咁有陽光與海灘，但都有唔少美食架！「筆直」有限又想Weekend逃離香港者，呢隻Fare可以考慮下。

網址：www.dragonair.com

（記得按下面「讚好」Share俾Facebook朋友）

「又飛啦！」一直努力為Fans搵盡全球平機票，今日又有另一隻「全港首報」！秋天飛北京嘅平機票已陸續出籠，其中國航近日更低調推出2人同行平飛，官網冇賣，佢亦冇乜特別宣傳，就俾我哋「又飛啦！」率先搵到。由28/8 – 31/10出發（28/9 – 30/9不適用），淨機票每張賣HK$1,520，連稅HK$2,222，比起1人飛機票慳三舊水，亦比旺季機票平近千元！來回航班冇限，國航咁多航班，隨時夾隻早去午後返都得！呢隻飛係G Class Code，可以賺50% AsiaMiles，以特價飛嚟講算係少有（雖然里數唔多）。去真旅網買啦！

網址：www.travelzen.com

（記得按下面「讚好」Share俾Facebook朋友）

都有一段日子冇介紹春秋航空筍盤，佢會喺聽早週四（9/8）10:00推出一系列各地平機票，其中香港及澳門飛上海HK$199（未連稅，下同）平機票又出籠，出發日期為1/9 – 15/10，算係Last Minute殺價啦！依家訂呢段日子嘅飛，單程約HK$299/399，即係平一至兩舊，來回慳兩至四舊，大劈就唔算係，不過如果來回都搶到HK$199，連稅都係一千鬆少少嘅話，仍然係去上海最平選擇。

網址：www.china-sss.com

（記得按下面「讚好」Share俾Facebook朋友）

都有一排冇講上海線，事關唔駛講都係春秋航空最平，但始終有人唔鐘意坐廉航，或者有行李寄艙的，咁次選自然係東航啦（其實係第三選，第二平者暫時Foul佢出局）！佢秋冬淡季機票已經靜雞雞上咗官網，最短3日，最長7日有效期機票，無論你飛浦東抑或虹橋，來回低至HK$1,230（連稅HK$1,935）起，最後出發日期為1/11：不過呢個價一向係佢早餐盤常價，只要你肯早訂（例如1-2個月），想索東航平機票唔係難事！

網址：ck.ceair.com

（記得按下面「讚好」Share俾Facebook朋友）