X
聖誕節正日去旅行，貴到阿媽都唔恨！不過總有漏網之魚，今次我哋又幫大家捉到一隻：21/12（週六）飛關島，26/12（週四）返香港，華航竟然仲有少量筍盤：來回淨機票HK$3,494起，連稅HK$4,371起，台北轉機，只需請23/12及24/12 2日大假（有啲公司24/12返半日添）就變出6日假期！最搞笑係：揀其他附近日子都冇咁平，須知道聖誕節正日飛日本韓國都唔止呢口價，唔介意過熱辣辣聖誕節，關島絕對去得過，趁冇乜人知（加上數量唔多），快手喇！
（覺得抵請記得按Like同Share俾朋友）
靜咗兩星期，華航又有限時劈喇！出發日期為21/10 – 31/11，去程台北指定坐CI928（22:15/23:55），其實好Fit想收工即飛台北玩Weekend嘅朋友，回程就無限制睇供應，來回淨機票HK$710起，連稅HK$1,401起；想回程由高雄／台中／台南返，加HK$80就得，但由於要先訂好台北來回機票然後打去華航熱線改回程城市（2868 2299），華航官網已寫明”視乎機位供應情況”，要有心理準備到時未必改到心水航班。由於ZUJI Server未Update到呢次華航Open Jaw特價飛，建議夜少少再Check ZUJI，否則直接去番華航官網訂。機票有效期7日，最後出票時間為22/10早上9點正。
華航官網網址：www.china-airlines.com
ZUJI網址：www.zuji.com.hk
（覺得抵請記得按Like同Share俾朋友）
飛日本，成日都提熱門城市如東京大阪，不如今次轉下口味：華航將兩條日本冷門航線俾大家品嚐，經台北轉機，飛福岡來回淨機票HK$1,400起（連稅HK$2,186起），飛宮崎來回淨機票HK$1,800起（連稅HK$2,511起），出發日期為1/10 – 10/10；13/10 – 19/12；27/12 – 31/12，機票有效期14日，最大賣點係可以俾您免費中停台北一次（去程或回程）（旅客須於香港出發前，致電華航香港客服中心2868-2299 安排妥當，並須補付相關稅金及燃油費差額）。不過Check過系統，宮崎供應極度少，年尾根本冇；福岡就易搵啲，尤其是年尾跨年都有，值得先飛台北Countdown然後轉戰日本過新年兼大激安。最後出票日期為7/10。
（覺得抵請記得按Like同Share俾朋友）
華航又推出台灣機票限時劈，先講價錢：飛台北來回HK$699起（連稅HK$1,366起），去程限搭CI928（22:15/23:55）；台北／高雄HK$730起（連稅HK$1,397起），去程限搭11:40am前航班，回程冇限制睇供應；如果回程想揀不同城市（包括台北／高雄／台中／台南），只需加HK$90（去程台北限搭CI928）或HK$100就得（去程限搭11:40am前航班），機票有效期7日，出發日期為30/9 – 10/10；13/10 – 30/11，最後出票日期為26/9早上6:00。華航話限賣168張，其實ZUJI都有得買，淨機票計，ZUJI貴過華航幾十，但由於ZUJI稅費平過華航，總數計，兩者相差極少，又唔駛怕限量，兼可以立即出Open Jaw（不同城市往返）機票（因為經華航官網買，您需要再打電話上華航改票，分分鐘冇位就麻煩），去ZUJI訂簡單啲。
訂票網址：www.zuji.com.hk
華航優惠詳情：www.china-airlines.com
（覺得抵請記得按Like同Share俾朋友）
華航官網又推出台灣機票限時劈，先講價錢：飛台南來回HK$649起（連稅HK$1,315起），限週二出發，回程可揀台北／高雄／台中；飛台北去程限坐CI928（22:15/23:55），回程無限制睇供應，來回HK$699起（連稅HK$1,365起），回程揀高雄／台中／台南就加HK$100；飛台北／高雄／台中（不限班，睇供應），來回HK$730起（連稅HK$1,396起），回程改台北／高雄／台中／台南返，只需加HK$90就得。機票有效期7日，最後出票日期為19/9下午1:00。華航話限賣200張，其實ZUJI都有得買，淨機票計，ZUJI貴過華航幾十，但由於ZUJI稅費平過華航，總數計，兩者相差極少，又唔駛怕限量，兼可以立即出Open Jaw（不同城市往返）機票（因為經華航官網買，您需要再打電話上華航改票，分分鐘冇位就麻煩），去ZUJI訂簡單啲，除非您齋買台南來回，因為ZUJI系統訂唔到，但如果買Open Jaw機票揀台南，ZUJI又訂到喎！認真新生趣！
訂票網址：www.zuji.com.hk
華航優惠詳情：www.china-airlines.com
（覺得抵請記得按Like同Share俾朋友）
今早先講，國泰港龍飛高雄冇優惠，華航就做嘢啦！佢推出限時劈，由依家到今晚（9/9）晚上23:00截飛，出發日期21/9 – 27/9；30/9 – 10/10；13/10 – 30/11（時間都幾長），來回淨機票HK$730起，連稅HK$1,396起，如果回程想改台北／台中／台南，加HK$90就得，名額只限100位，快手喇！去程可揀早機11:40前航班，回程冇限制睇供應。都係嗰句：自港航退出高雄線後，好少見有筍盤，有心想掃新夜市：金鑽及凱旋夜市者，唔好錯過啦！機票有效期7日。提提您：回程想改城市，請先訂高雄來回，然後打電話俾香港華航辦事處（2868 2299）改機票，唔駛換票，Easy！
（覺得抵請記得按Like同Share俾朋友）
華航又嚟突擊24小時劈，今次出發日期為21/9 – 27/9；30/9 – 10/10，13/10 – 26/10，地點有台北／台中同台南，價錢唔錯（賣點係可以Open Jaw）！如果同地點來回，台北來回淨機票HK$699起（連稅HK$1,365起，去程限坐CI928 22:15/23:55）／HK$730起（連稅HK$1,396起，去程限坐早上11:40前航班），回程想改高雄／台中／台南者，只需HK$799起（連稅HK$1,465起）／HK$820起（連稅HK$1,486起）。飛台中來回HK$730起，連稅HK$1,396起，回程改地點就HK$820起，連稅HK$1,486起。飛台南就最平：來回HK$649起，連稅HK$1,315起，不過可惜去程只限週二，回程則可免費改台北／高雄／台中返，全部機票有效期7天，限售200張（唔知會唔會Encore），最後出票時間為17:59 7/9。
（覺得抵請記得按Like同Share俾朋友）
華航今日中午又突擊推出限時限量劈，飛台北來回淨機票HK$699起，連稅HK$1,331起，回程如果想改台南／高雄／台中者，加HK$100就搞掂（請先訂台北來回，然後打電話俾香港華航辦事處（2868 2299）改機票，唔駛換票），出發日期由依家到30/9，限賣100張，最後出票時間為明日（27/8）香港時間早上8:00。Check過系統，中秋節之週日（22/9）台北返港冇位，後一日就有（高雄回程亦只有CI 933 07:40/09:10有位，其他城市唔見有位）；至於國慶，出發最遲只去到26/9，回程1/10係有，即變相請27/9及30/9兩日假，請兩日放五日，一般啦！不過預咗去就郁手喇！
（覺得抵請記得按Like同Share俾朋友）
X