4/7，華航推出台北高雄台南限時劈，今日又翻兜！不論來回日子及價錢，都同上次一樣：高雄出發日期為19/8 – 26/10，來回淨機票HK$799，連稅HK$1,431，少見！而且可以暑假飛，最值得入手。呢隻機票回程可以免費改台北或台南返港，夠晒彈性，由於高雄對手只有港龍，呢口價一定打贏對手；至於台北來回，淨機票HK$699，連稅HK$1,331，出發日期一樣，少一舊但一定要台北往返，呢個價同港航暑假價相若，但9-10月仍然係港航抵啲；至於台南，淨機票HK$799，連稅HK$1,431，出發日期19/8 – 24/10（必須喺24/10前返），回程可改台北／高雄返。今次一樣：限劈200位，先到先得，最後出票時間為今晚（16/7）香港時間23:15，唔知又會唔會Encore呢？

網址：www.china-airlines.com

（覺得抵請記得按Like同Share俾朋友）

自從港航退出高雄航線後，高雄機票真係好難有筍盤！今日華航突擊推出限時劈，高雄竟然上榜，咁梗係要立即報！出發日期為19/8 – 26/10，來回淨機票HK$799，連稅HK$1,431，應該係近期新低，而且可以暑假飛呢！最值得入手。呢隻機票回程可以免費改台北或台南返港，夠晒彈性；至於台北來回，淨機票HK$699，連稅HKK$1,331，出發日期一樣，少一舊但一定要台北往返，呢個價同港航暑假價相若，但9-10月仍然係港航抵啲；至於台南，淨機票HK$799，連稅HK$1,431，出發日期19/8 – 24/10（必須喺24/10前返，咦？唔通之後Cut台南線？），回程可改台北／高雄返。今次限劈200位，先到先得，最後出票時間為今晚（4/7）香港時間23:30，唔知又會唔會Encore呢呵？

網址：www.china-airlines.com

（覺得抵請記得按Like同Share俾朋友）

華航又拎6-8月台北台中機票限時劈，出發日期由依家到10/7，20/8 – 31/8（暑假頭尾），淨機票HK$670起，連稅HK$1,302起；旺季11/7 – 19/8出發就貴HK$370起，連稅HK$1,672起，機票有效期7日，各地方各限量100張（不過據經驗，賣晒都會Encore加推），比港航貴三舊左右，最後出票日期為26/4 11:44am。話時話：高雄真係好久不劈喎？點解呢又？

網址：www.china-airlines.com

（覺得抵請記得按Like同Share俾朋友）

國泰劈，長榮劈，華航點會唔劈？佢推出週末限時限量優惠，飛台北及台中，出發日期由依家到10/7，20/8 – 31/8（暑假頭尾），淨機票HK$670，連稅HK$1,302；旺季11/7 – 19/8出發就貴HK$370，機票有效期7日，每日限量200張，1人飛都得，比國泰長榮平，但依然平唔過港航HK$470（週末熱賣價）。台南佢依舊賣淨機票HK$1,140（連稅HK$1,772），回程可以免費揀其他城市返（例如台北／高雄／台中），同上星期一樣，冇特別再劈。

溫馨提示：依家華航Server好慢！唔得就一陣再試啦！

網址：www.china-airlines.com

（覺得抵請記得按Like同Share俾朋友）

早陣子，我哋「又飛啦！」同大家講華航將於18/7起開辦香港<->台南新航線，開航價錢早一兩個禮拜經已出咗：來回淨機票HK$1,140，連稅HK$1,772，機票有效期14日，出發日期包括暑假（18/7 – 24/10），見唔係超級抵所以冇報，但依家華航加碼：回程可以改為台北／高雄／台中返，咁身價即刻提升（要先買台南來回，然後打電話去華航改機票，官網冇Open Jaw選擇的）！事關台南咁細，唔會留太耐，增加航點彈性就十級Good，所以就同大家報下。香港<->台南線逢二／四／日有航班，香港去程CI7868（11:35/13:00），台南回程CI7867（14:30/16:05），一於回程揀返台北，有夜機選擇嘛！

網址：www.china-airlines.com

（覺得抵請記得按Like同Share俾朋友）

是日放工最佳節目，就係搶台灣機票喇！華航今日又嚟一招突擊劈價，飛台北台中都有平，限售100套，今晚午夜00:00截止。分淡旺兩隻價錢，如果出發日期係24/5 – 10/7以及20/8 – 31/8，來回淨機票HK$670，連稅HK$1,330，呢隻較有睇頭。Check過系統，回雞假期飛台北同台中竟然仲有呢個價，建議29/6去2/7返，請一日假而已，回程可以搭中午機，係成件事嘅唯一賣點。至於其他日子，對手港航個價仲平，差兩三百就睇您心水。至於暑假超旺季嘅11/7 – 19/8，淨機票HK$1,040，連稅HK$1,700，個價唔多靚，話唔定遲啲再減呢？未係出擊時候。

網址：www.china-airlines.com

（覺得抵請記得按Like同Share俾朋友）

香港夏威夷依家仲未有直航（之前曾經傳出夏威夷航空會開辦，依家又話唔開住），唯有轉機啦！以往最熱門方法係經東京或首爾轉機，依家有另一方法：就係經台北轉，皆因華航由2/6起，每週有兩班係直飛夏威夷，唔駛喺東京再停，又慳番少少時間。依家華航官網話有連稅HK$6,105優惠（出發期由2/6 – 31/8，機票有效期14日），不過Check過佢系統，真係唔見有咁平（搵到請報料），最平都係連稅HK$6,865（例如19/6出發，好多日子回來都有；另外暑假嘅有21/8去，26/8返），反而連稅HK$7,835就比較易搵，7-8暑假都得（其中21/8去2/9返，21/8去2/9返，連稅亦低至HK$7,085），暑假嚟講算係咁，再加上華航可以俾您免費中停台北一次（須於網上出票後，再喺出發前致電華航香港Office改機票，並繳付稅及油附差額），變相一雞兩味，又提高Value．機票有效期14日。如果您本身由今年1/1起已經飛咗台灣兩次，又Keep住嗰4張登機證，您可以透過今次台北轉機機會，再獲得2張香港<->台北登機證，齊頭6張及一次台灣入境紙副本，就可以向台灣觀光協會香港辦事處申請換領一張香港來回台灣免費機票（詳情請按此），變相賺多五至六舊水，暑假飛夏威夷歎陽光與海灘，華航真係幾抵搭！

網址：www.china-airlines.com

（記得按下面「讚好」Share俾Facebook朋友）

飛東京，梗係搭直航啦！不過依家日元係咁跌，東京機票超搶手，直航連稅起碼四千（除非買到ANA 2人同行，連稅都要HK$3,000頭左右），都抵銷唔番日Yen下跌嘅著數。今次就介紹一隻轉機優惠：搭華航經台北飛東京，來回淨機票HK$1,230，連稅HK$2,216，有兩大賣點：1. 可以免費停一次台北（須於網上出票後，再喺出發前致電華航香港Office改機票，並繳付稅及油附差額），變相一雞兩味，機票有效期14日，夠時間玩盡東京及台北；2. 如果您本身由今年1/1起已經飛咗台灣兩次，又Keep住嗰4張登機證，您可以透過今次台北轉機機會，再獲得2張香港<->台北登機證，齊頭6張及一次台灣入境紙副本，就可以向台灣觀光協會香港辦事處申請換領一張香港來回台灣免費機票（詳情請按此），變相賺多五至六舊水，咁呢張東京機票連稅亦只係約HK$1,716，仲唔激平？官網話最後出發日期為10/7，但Check過系統，6月尾至10/7出發會貴HK$500，不過暑假頭出發都仲有呢個價，絕對Fit晒學生哥。最後出票日期為30/4。

網址：www.china-airlines.com

（記得按下面「讚好」Share俾Facebook朋友）